Yohane 8:55 - MMA SHIYYA

⁵⁵ Nta ini mumwishi ndi. Kake niń mmwishi. Na kwakooya nanumbua ntamwishi, vvaa wa wongo sheeni. Kake niń mmwishi na kirero kyamwi nkiwore.

Yohane 8:55 ပူးပေါင်းရင်းမြစ်များ

Yohane 8:19

Kyasia vakamwia: A Vaava wafo akee kwi? Yesu kaaṛua: Mushiishi niń ndi ana nta Vaava wakwa mumwishi ndi. Kifo mushiishi niń mwimanyaa na Vaava wakwa.

Yohane 8:44

Ini mukee va nde yanu, nae nSatana. Na filya nde yanu alangie mfo musenywa ifitana. Ye eekee wwaa vandu kuuka mbele, ana nta akuwore na udede ndi, fulya ye atawore udede nrimiń wamwi. Karera wongo, areraa ikyo kikee kyamwi muni. Amu ye wwa wongo kava na ndee wa wongo.

Urambuyo lwa Yohane 3:9

Manya kilya ntanaa: Iwo vakee va siṛi ya Satana iva vanumbuaa sheeli vVayuda, nawo vatakee Vayuda, kake vareraa wongo, waaṛuaa vashe vakuwoye marendeń afo na imanya sheeli nkukundie.

Yohane 8:51

Nkue nkue namuia: Nndu kankuwara na firero fakwa, akifwaa kutu ndi kumande miṛeṛe.

Matayo 11:27

Nanrambikyo findo foose nNde yakwa. Nta eefo nndu eeshi Mwana kitaare nNde ndi. Ana nta eefo nndu eeshi Nde kitaare mMwana na ulya Mwana afurie inrambuya ndi.

Barua ya Yohane ya mbele 5:10

Ulya akusuraa Mwana wa Iṛuva, ito akuwore na irambua lyo. Ulya ara atakusura Iṛuva ammwaṛua wa wongo, fulya kitaare andekusura irambua lia Iṛuva anderambua nalyo Mwana wamwi ye muni.

Yohane 15:21

Kake ifi foose vamutaniaa kiimba kya irina lyakwa, fulya vateeshi ulya ashirumie.

Barua ya Yohane ya mbele 2:22

Lingi ni i akee wa wongo kitaare ni ito akanaa Yesu akee Kristo? Ito yye mwima Kristo ulya akanaa Nde na Mwana.

Barua ya Yohane ya mbele 2:4

Nndu kanumbua: Nammumanya, na mavavaso amwi ataawore, nndu to wwa wongo na udede lwifo kari kamwi ndi.

Barua ya Vakorinto ya kavili 4:6

Amu Iṛuva uu anderera: Ive langa imulike yuka llemiń, yye andemulika mirima yeru, yukie-wo langa ya imanyisa unini lwa Iṛuva lukee kisanguń kya Kristo.

Mitanie ya varumi 17:23

Lia nduaṛua kunu kwanu niillaa andu anu a irasia nakooya kirasioń kitisiṛie-wo: Nkya Iṛuva liteeshiwa. Kyasia ito mumwindiaa mutamwishi yye uu nkee imukwanisia mboni tamwi.

Yohane 17:25

Wui Nde nsumani, isanga likwishi ndi, kake niń nndekumanya. Nawo vakamanya sheeli ni iwe kushirumie.

Yohane 16:3

Na ifi vamutaniaa, fulya vateeshi nta Nde ana nta niń.

Yohane 15:10

Mukawara mavavaso akwa mukaa na ikunda lyakwa, sheeli nań nndewara mavavaso a Nde yakwa nakaa na ikunda lyamwi.

Yohane 10:15

sheeli Nde yakwa ashiishi niń, nań namanya Nde. Nań nareka muu wakwa kiimba kya mburu takwa.

Yohane 8:29

Na ito ashirumie akee andu emwi nań, nta andeshitia shi muni ndi. Amu filya finsenye ye mfo ntanaa mikonu yoose.

Yohane 6:46

Nta eefo nndu allolia Nde kitaare ni ito aukie kwa Iṛuva, yye allolia Nde.

Yohane 1:18

Eefo nta nndu allolia Iṛuva ndi. Mwana to wa Iṛuva ngitani ito akee ṅundeń ya Ndee yye andetoongoya kyoose.

Luka 10:22

Kanumbua: Nanrambikio̱ findo foose vVaava wakwa. Ana eefo eeshi Mwana kitaare nNde ndi, ana eefo eeshi Nde kitaare mMwana na ulya Mwana anrambuyaa ndi.

Yohane 8:52

Kyasia Vayuda vakamwia: Alli tammanya na baa sheeli kuworwa mmumuyo nkasha. Abraamu afwe na vaauya fisuku valya vakafwa. Nawe kukee inumbua: Nndu kawara kirero kyakwa akifwaa kutu kumande miṛeṛe ndi.

Barua ya Yohane ya mbele 1:6

Kwakooya tikee inumbua tikulungie nae tikaṛuaṛua ifo llemiń, tikee irera wongo, nta tikee itana kilya kikee kya dede ndi.