Yohane 8:51 - MMA SHIYYA

⁵¹ Nkue nkue namuia: Nndu kankuwara na firero fakwa, akifwaa kutu ndi kumande miṛeṛe.

Yohane 8:51 ပူးပေါင်းရင်းမြစ်များ

Yohane 5:24

Nkue nkue namuia: Nndu akee yaranya kirero kyakwa na ikusura ito ashirumie awwaria muu wa miṛeṛe na miṛeṛe, nta akiumisio̱o̱ ndi. Fulya ansomuka ufuń kafika muuń.

Yohane 15:20

Kumbueń kirero kilya nndemuia: Iketi ni inini kita nndumi wamwi ndi. Kwakooya vandeshiumbuta niń, neeni nkuro da vashemuumbutaa. Kifo veewaraa kirero kyakwa, veewaraa na kyanu.

Yohane 6:50

Kake nkate uu nausenda to uukie iṛuvewu, na nndu aulyaa akifwaa kutu ndi.

Luka 2:26

Nae eenringisio̱o̱ mMumuyo Nsongori, afwaa kitaare allolia mbele Kristo wa Nndumi ndi.

Barua ya Vaebrania 11:5

Ni ikusura Enoki asamiswa atalolie ufu ana nta andekilolika lingi isangeń ndi, fulya ni Iṛuva andensamisa. Amu kitaare andesamiswa karambulwa sheeli asenye Iṛuva.

Yohane 8:55

Nta ini mumwishi ndi. Kake niń mmwishi. Na kwakooya nanumbua ntamwishi, vvaa wa wongo sheeni. Kake niń mmwishi na kirero kyamwi nkiwore.

Yohane 8:12

Kyasia Yesu karera nawo lingi kanumbua: Niń nkee langa ya isanga. Ulya ashisoṛaa niń akiendaa llemiń kutu ndi, kake avaa na langa innde muu.

Matayo 16:28

Nkue namuia: Kari ka iva vaselele ia vayo vatalolyaa ufu, nkumande valolyaa Mwana wa nndu eeshaa akee na unini lwamwi lwa umangi.

Yohane 8:52

Kyasia Vayuda vakamwia: Alli tammanya na baa sheeli kuworwa mmumuyo nkasha. Abraamu afwe na vaauya fisuku valya vakafwa. Nawe kukee inumbua: Nndu kawara kirero kyakwa akifwaa kutu kumande miṛeṛe ndi.

Yohane 14:23

Yesu kaaṛua kamwia: Nndu kashikunda awaraa kirero kyakwa, na Nde yakwa ankundaa, neese tishaa kwamwi na isongosia kirembo kwamwi.

Yohane 17:6

Irina lyafo nallirambuya vandu va kundevashiniinga kuvauta kunu isangeń. Veekee vafo nawe kwavashiniinga. Na kirero kyafo vankiwara.

Barua ya Vaebrania 2:9

Kake ulya andenyiisio̱ vamalaika andu a kyeeri kifui tillolie yye Yesu andeavio̱ witoṛo na tikisi kiimba kya mavaviso amwi a ufu. Fulya Iṛuva kwa uwoo lwamwi andekunda afiye woose vakiṛwa.