Yohane 8:47 - MMA SHIYYA

⁴⁷ Ulya amilie kwa Iṛuva aitaa firero fa Iṛuva. Kwa ikyo ini mwisile ndi, fulya ini mutamilie kwa Iṛuva.

Yohane 8:47 ပူးပေါင်းရင်းမြစ်များ

Barua ya Yohane ya kavili 1:9

Ulya woose ateveta vandu atakaa na ufundo lwa Kristo ito awore Iṛuva ndi. Ulya akaa na ufundo ilo awore Nde alungani na Mwana.

Yohane 18:37

Kyasia Pilato kamwia: Iwe kukeeń mangi? Yesu kaaṛua: Ni iwe kwarera ku muni. Ee nkee mangi. Na kikangio nairiwa na kikangio nasha kunu isangeń, naamu nrambue ikyo kikee kya dede. Ulya amilie udedeń aaranyaa ununga lwakwa.

Barua ya Yohane ya mbele 3:10

Io llyo vakee ilolika valya vakee vana va Iṛuva na valya vakee vana va Satana: Ulya woose atatanaa fa usumani aukie kwa Iṛuva ndi, na ulya atakundie mwanamae mfo kuro da.

Yohane 8:45

Kake niń ili nkee irera ikyo kikee kya dede, nta mukee ishikusura ndi.

Yohane 8:37

Niishi da sheeli mukee kishuku kya Abraamu. Kake ini mukee iṛuya kya ishiwaa, fulya kirero kyakwa kitawore andu a ikaa kari kanu.

Yohane 8:43

A nki ili mutakee imanya mirerie yakwa? Mfulya kitaare ini mukee imakii yaranya firero fakwa.

Yohane 6:65

Kanumbua: Nkyo kiteveto namuia: Eefo nndu amakii ifika kwakwa kitaare aelekio̱ nNde yakwa ndi.

Barua ya Yohane ya kararu 1:11

Nkunde wakwa, manya ilatia fa ukasha, kake latia fa usha. Ulya akee itana fisha amilie kwa Iṛuva. Kake ulya atanaa fikasha nta allolia Iṛuva ndi.

Barua ya Yohane ya mbele 5:1

Nndu woose akusurie sheeli Yesu akee Kristo, ito amiiriwa ni Iṛuva. Na nndu woose akundie ulya andemwira, akundaa na ulya andeiriwa yye, ni Iṛuva.

Yohane 5:25

Nkue nkue namuia: Kishaa kyeeri na akwaa ni alli kiifo da, ili vafu vaitaa ununga lwa Mwana wa Iṛuva, na valya vaitaa vavaa na muu.

Yohane 12:48

Ulya ashileaa niń kalea na firero fakwa, ankooya mumwumisia. Kirero kilya nankirera nkyo kimwumisiaa nkonu ulya wa ifurumia.