Yohane 8:44 - MMA SHIYYA

⁴⁴ Ini mukee va nde yanu, nae nSatana. Na filya nde yanu alangie mfo musenywa ifitana. Ye eekee wwaa vandu kuuka mbele, ana nta akuwore na udede ndi, fulya ye atawore udede nrimiń wamwi. Karera wongo, areraa ikyo kikee kyamwi muni. Amu ye wwa wongo kava na ndee wa wongo.

Yohane 8:44 ပူးပေါင်းရင်းမြစ်များ

Mitanie ya varumi 13:10

Iwe kwishue ntambwe na ukasha loose kukee mwana wa Satana, kukee nkituva wa udede loose, kutiaa-wo se yotuaotua shia ta Nndumi tiseṛeekie?

Barua ya Yohane ya mbele 3:12

kaaṛa titave sha Kain ulya awarwa nSatana kawaa mwanawo. Nae awwaa kwa kiimba ki? Mfulya mitanie yamwi iikee mikasha, kake ya mwanawo iikee ya usumani.

Barua ya Vakorinto ya kavili 11:3

Kake sheeli shoka ilya indelemba Eva na mitambwe yayo, noore weṛei kundo neeni murwaa makusaṛo anu mbaai mutamakii lingi ivandama Kristo ye muni da na ikaa nae.

Urambuyo lwa Yohane 12:9

Na ishoka lyo inini likakumbwa isangeń, ni ishoka lia ikuu livaangwaa nretai na Satana. Llyo llembi wa isanga lyoose. Kakumbwa isangeń, na vamalaika vamwi vakakumbwa andu emwi nae.

Yohane 8:38

Filya nndefilolia kwa Nde mfo nkee ifirera. Kyasia neeni taniń filya mwamiita kwa nde yanu.

Yohane 8:41

Vakamwia: Ise teeriwa waaisiń ndi. Ise toore Vaava umwi, nae ni Iṛuva.

Barua ya Yohane ya mbele 3:15

Ulya woose asule mwanamae wamwi ni wwaa, neeni mwishi sheeli eefo wwaa awore muu utasiaa ukaa kari kamwi ndi.

Matayo 13:38

Na nrema ni isanga li. Na mbeu shinuru wana valya va umangi. Na masinde alya wana va Nkasha ulya.

Barua ya Yuda 1:6

Na vamalaika valya kitaare vanderinga unini lwawo veni vakatia firembo fisumani nawo kavafinga na mise itafikaa vavere nkonu tilya nnini vaumisio.

Barua ya Yohane ya mbele 2:4

Nndu kanumbua: Nammumanya, na mavavaso amwi ataawore, nndu to wwa wongo na udede lwifo kari kamwi ndi.

Urambuyo lwa Yohane 21:8

Kake valya vakee veeṛei na vatakusurie na vatuṛua na vawaa na vaaisi na vasavi na valya vakee iindia fifu na va wongo woose fuva yawo ikee iruveń lia likee yaka muro wa kibalabala. Ilu llo ufu lwa kavili.“

Barua ya Petiro ya mbele 5:8

Sisirień mulale rembo, fulya nkituva wanu Satana akee iṛuaṛua sha miiso iiṛuṅunaa kaṛuya nndu amakii immiṛa.

Urambuyo lwa Yohane 9:11

Tiwore mangi yayo, nae mmalaika wa kundo kulya kwa si. Irina lyamwi kiebrania ni Abadon na kigiriki ni Apolion.

Mitanie ya varumi 5:3

Petiro kamwia: Iwe Anania, naamu ki ili Satana ankukaba nrwe kulembe Mumuyo Nsongori na ifisa kyeenga kya uuru lua lwa nrema yafo kwa kiṛisi?

Yohane 6:70

Yesu kavaaṛua: A nniń shi muni se nndemusaua ini ikumi na vavili? Na umwi wanu nSatana.

Urambuyo lwa Yohane 2:10

Manya kuteeṛee matuṛulo alya akaa andekukooya. Lla ndiingi ulya arwaa kiindi kyanu kifingioń, amu mwelelio, neeni muvaa na matuṛulo mikonu ikumi. Va na ikusura kumande kufwaa, nań nkuniingaa uṛeto lwa muu.

Barua ya Petiro ya kavili 2:4

Amu na vamalaika valya vanderekio̱ Iṛuva andevatia ndi, kake kavaeeṛa andu a si kavarwaa fifingioń fa llema varingwa-fo kumande uumisio lwawo lushaa.

Urambuyo lwa Yohane 13:14

Nalyo likateveta valya vakee isangeń na maṛiikiso alya nndeniingwa liatane mbele ya ifisi lyo liiaa valya vakee isangeń vasongosie fwana ya ifisi lia liwore kyaasha kya shombo, nalyo likakaa na muu.

Urambuyo lwa Yohane 22:15

Ifo wooṛo akaa makite na vasavi na vaaisi na vawaa na iwo vaindia maṛuva a wongo na valya woose vakundie wongo na iirera.“

Matayo 12:34

Eeni uṛiti lwa shoka mumakii are irera finuru, neeni mukee vakasha? Amu ifo fiishule nrimiń wa nndu mfo kana kafireraa.

Matayo 13:15

Amu ngoo ta vandu va nshuumu na marwi awo eesile kisha ndi. Vakasindiṛa na miso awo, amu vatalolye kindo na miso awo, nta iita na marwi awo, nta yaṛukyo ngooń tawo veelashike, nań wakiṛe.

Yohane 7:17

Nndu kafura itana kilya ye afurie, amanyaa akwaa miloshie yo yukie kwa Iṛuva ana akwaa mfirero fakwa feni nkee irera.

Yohane 8:55

Nta ini mumwishi ndi. Kake niń mmwishi. Na kwakooya nanumbua ntamwishi, vvaa wa wongo sheeni. Kake niń mmwishi na kirero kyamwi nkiwore.

Barua ya Yohane ya mbele 1:8

Kwakooya tikee inumbua: Ise toore mareko ndi, tikee ikulemba ti veni na udede lwifo kari keru ndi.

Barua ya Yohane ya mbele 2:21

Nammutisiṛia ini, fulya muteeshi filya fikee fa dede ndi, kake mfulya mweemfimanyaa, lingi mwammanya sheeli iifo wongo yukaa udedeń ndi.

Mitanie ya varumi 24:9

Vayuda nawo vakakaarisa firero famwi veenumbuaa sheeli nkuro da kikai.