Yohane 8:42 - MMA SHIYYA

⁴² Yesu kavaia: Kifo Iṛuva eekee Vaava wanu, mwishikundaa niń, amu niń nndeuka kwa Iṛuva nasha kunu. Nta niń nndesha kwa kiimba kyakwa shi muni ndi, kake yye ashirumie.

Yohane 8:42 ပူးပေါင်းရင်းမြစ်များ

Yohane 12:49

Amu nkindo nuutie kwakwa shi muni nndekirera ndi. Nde yakwa ito ashirumie yye ashiniingia ivavaso lya kindo nnumbuaa na kindo nreraa.

Yohane 14:10

Niikai kutakusurie sheeli niń nsaangi na Nde na Nde nae kasaanga nań? Firero fi nkee imuia nkee ifirera kwa makusaṛo akwa meni ndi.

Yohane 17:8

Amu firero filya kundeshiniinga navvaniinga nawo. Nawo vakafiwara vakamanya dede sheeli nkwafo nuukie. Vakakusura sheeli ni iwe kushirumie.

Yohane 17:25

Wui Nde nsumani, isanga likwishi ndi, kake niń nndekumanya. Nawo vakamanya sheeli ni iwe kushirumie.

Yohane 1:14

Na Kirero kikaaṛuka vvili wa nndu kakaa kweru. Neese tikalolia unini lwamwi, nalo ni unini sha lwa Mwana wa ngitani aukie kwa Ndee, eeshule uwoo na udede.

Barua ya Yohane ya mbele 4:14

Neese tallolia na miso eru na irambua sheeli Nde anderuma Mwana ave nkiṛa wa isanga.

Yohane 5:43

Niń nansha kwa irina lya Nde yakwa ana nta ini ishiwaria. Kake ungi kwakooya akee isha na irina lyamwi muni yye mu wwariaa.

Barua ya Vakorinto ya mbele 16:22

Nndu na kava i atakundie Nndumi ave ndenge! Nndumi akee isha (Maranata)!

Yohane 3:17

Fulya Iṛuva aruma Mwana wamwi isangeń, amu aumisie isanga ndi, kake naamu isanga likiṛwa yye.

Yohane 5:23

naamu woose vaindie Mwana, sheeli vaindiaa Ndee. Na nndu atakee iindia Mwana amakii iindia na Nde ito anrumie ndi.

Urambuyo lwa Yohane 22:1

Numa kashoorusa iṛiko lya mura unnde muu uvaramaa sha iwe yeelwa. Iṛiko lyo liṛukie kifumbiń kya kimangi kya Iṛuva na kya ngarina ilya.

Barua ya Vagalatia 4:4

Kake ili kyeeri kindefika kutu, llyo Iṛuva aruma Mwana wamwi kairiwa ni nndu nka karawa kwa si ya milimu ya vandu,

Yohane 8:14

Yesu kaaṛua kavaia: Na kwakooya niń nakurambua shi muni, mirambuye yakwa yya dede, fulya niishi kundo nuukie nafo na kundo neendaa. Neeni mwishi kundo nuukie ana kundo neendaa ndi.

Yohane 13:3

Nae Yesu muni eemmanyaa sheeli Nde ammurambikia findo foose maakoń amwi na sheeli andeuka kwa Iṛuva, nae auyaa kwa Iṛuva.

Yohane 16:30

Alli tiishi sheeli kwishi foose ana nta nndu akuuṛaa. Kwa ikyo tikukusurie na imanya, sheeli kuukie kwa Iṛuva muni.

Barua ya Yohane ya mbele 5:20

Neese tiishi sheeli Mwana wa Iṛuva ammaa isha katiniinga uṛango timanye ito akee muni udede. Neese tilungani na ito muni udede, yye Mwana wamwi Yesu Kristo. Uu yye akee Iṛuva muni udede na muu wa miṛeṛe.