Yohane 8:19 - MMA SHIYYA

¹⁹ Kyasia vakamwia: A Vaava wafo akee kwi? Yesu kaaṛua: Mushiishi niń ndi ana nta Vaava wakwa mumwishi ndi. Kifo mushiishi niń mwimanyaa na Vaava wakwa.

Yohane 8:19 ပူးပေါင်းရင်းမြစ်များ

Yohane 16:3

Na ifi vamutaniaa, fulya vateeshi nta Nde ana nta niń.

Barua ya Vakorinto ya mbele 15:34

Rundeń na uṛango sheeli kyawara ana manya mutatane fikasha. Fulya veefo kari kanu vateeshi Iṛuva. Nkee irera ifo mmumanyise sonu.

Yohane 7:28

Kyasia Yesu karosa ununga lwamwi kulya numba ya Iṛuva eeloshaa kanumbua: Ee mushiishi na kundo nuukie nafo mwishi da. Nań nta nndesha kwa mifurie yakwa shi muni ndi. Eefo wa dede andeshiruma kitaare mumwishi ini.

Yohane 1:10

Iikee isangeń na isanga lindetanwa yye na isanga lyo nta immanya.

Matayo 11:25

Kyeeri kilya Yesu kanumbua: Nakwitikisa Nde kukee mangi ya iṛuvewu na isanga, fulya kwafisa vandu vakee ikuvaanga va-ṛango na vaaṛia mboni ti, kwatirambuya vaani.

Barua ya Yohane ya kavili 1:9

Ulya woose ateveta vandu atakaa na ufundo lwa Kristo ito awore Iṛuva ndi. Ulya akaa na ufundo ilo awore Nde alungani na Mwana.

Barua ya Yohane ya mbele 5:20

Neese tiishi sheeli Mwana wa Iṛuva ammaa isha katiniinga uṛango timanye ito akee muni udede. Neese tilungani na ito muni udede, yye Mwana wamwi Yesu Kristo. Uu yye akee Iṛuva muni udede na muu wa miṛeṛe.

Barua ya Vagalatia 4:9

Kake alli ili mwishi Iṛuva na kya mmwasi mwamiishiwa ni Iṛuva, naamu ki muuyaa lingi miloshień ilya ya mbele ikee mitanyari muve lingi maketi ayo, ikee yyo mulangie iiṛundia lingi?

Yohane 17:3

Na muu uu wa miṛere ni ikumanya iwe sheeli ni iwe kukee Iṛuva wa dede, na ito kunrumie yye Yesu Kristo.

Barua ya Vakolosai 1:10

na yenda mwende weendo lusumani neeni mukee va Nndumi, amu asenywa deń ni ini, mwivikaa nunda ta mashoṛa woose manuru sha nri uvikaa nunda na yengeṛio̱ uṛango lwa imanya Iṛuva.

Yohane 15:21

Kake ifi foose vamutaniaa kiimba kya irina lyakwa, fulya vateeshi ulya ashirumie.

Barua ya Vaebrania 1:3

Nae mmuni langa ya unini lwa Iṛuva, amu sheeli Iṛuva akai mfo kuro nae akai. Lingi yye awarie foose kwa finya ya kirero kyamwi. Ammaa isangya vandu mareko na usao lwamwi kakaa rembo uko usha lwa muya unini iṛuvewu ule.

Barua ya Vakolosai 1:15

Nae avakani na Iṛuva uu atalolio̱, akee mwiriwa wa mbele wa foose fitani.

Barua ya Vaefeso 1:17

Nkee imuterevia, Iṛuva wa Nndumi weru Yesu Kristo akee Nde muni wa finya amuniinge Mumuyo wa uṛango na wa immanya ye sheeli akai.

Yohane 1:18

Eefo nta nndu allolia Iṛuva ndi. Mwana to wa Iṛuva ngitani ito akee ṅundeń ya Ndee yye andetoongoya kyoose.

Barua ya Yohane ya mbele 2:23

Ulya woose akanaa Mwana awore Nde ndi. Ulya arambuaa Mwana awore na Nde.