Yohane 7:39 - MMA SHIYYA

³⁹ Neeli arera kuro nkiimba kya Mumuyo Nsongori. Nto valya vankusurie vakaa vawwarie. Amu kyeeri kilya Mumuyo Nsongori eenshaa ndi, fulya Yesu atandefika uniniń lwamwi.

Yohane 7:39 ပူးပေါင်းရင်းမြစ်များ

Mitanie ya varumi 2:17

”Ni Iṛuva arera: Kivaa mikonu ya ifurumia niiritiaa vandu woose Mumuyo wakwa. Na vana vanu va womi na va kika vaauyaa fisuku. Na vakoo vanu valoliaa myorusie. Na vasuṛi vanu vaoriaa maoria.

Mitanie ya varumi 2:33

Kyasia ye ili amaa iroswa kumande uko usha lwa Iṛuva na iwaria kirekio kilya kya Mumuyo Nsongori kwa Ndee, amiirita kindo ki mukilolie alli na ikiita.

Mitanie ya varumi 2:4

Nawo vakaishua Mumuyo Nsongori vakabooka irera na mirerie ingi, sheeli Mumuyo andevalosha irera.

Yohane 16:7

Kake niń namuia kikee kya dede: Ili neendaa llyo kimwelekaa ini. Amu niń nara ntaenda kwakwa, Ntirishi amusheaa ndi. Kake nammeenda ninrumaa kwanu.

Yohane 12:16

Mboni to taaṛukia vanalosho vamwi io mbele ndi. Kake ili Yesu andemaa yenda uniniń lwamwi, llyo vandekumbua sheeli yye eenti-siṛioo kuro na sheeli vammutania kuro.

Barua ya Varome 8:9

Kake ini mukikee va mikae ilya ya nndu meni ndi, mwawa va mikae ya kwa Iṛuva, kwakooya Mumuyo wa Iṛuva akee kari kanu. Amu ulya atawore Mumuyo wa Kristo, a wa nndu wamwi ndi.

Mitanie ya varumi 2:38

Petiro kavaia: Kurreń, na nndu woose abatisio̱ irina lyo lya Yesu Kristo mukooye itio̱ lya mareko anu. Neeni mukooyaa wavi lwa Mumuyo Nsongori.

Yohane 20:22

Neeli andemaa irera ifi kavaivilia kavaia: Warień Mumuyo Nsongori!

Yohane 12:23

Na Yesu kavaaṛua kavaia: Kyeeri kya Mwana wa nndu kyamfika, amu auye uniniń lwamwi.

Barua ya Vaefeso 4:30

Ana manya mutanarise Mumuyo ulya Nsongori wa Iṛuva, amu nto mwanniingwa ave kiringisio kya ikiṛwa lyanu.

Barua ya Vakorinto ya kavili 3:8

a le uṛundi lwa Mumuyo luvaa na unini kita se?

Mitanie ya varumi 4:31

Neeli vandemaa itereva Iṛuva, andu alya veekusandiee akareremiswa vakaishuṛwa woose Mumuyo Nsongori vakaongoya kirero kya Iṛuva na baa.

Mitanie ya varumi 3:13

Ni Iṛuva wa Abraamu akee na wa Isaki na wa Yakobo na wa vaande yeru andeṅinisa Mwanamwi Yesu, ulya ini mundenrambikia na inkana mbele ya Pilato lia andenumbua aotoṛwa.

Yohane 17:5

Na alli, wui Nde, shiitikisań ifo kwafo kwishiiningaa unini lua niikee nalo kwafo lia kitaare isanga lyeentanwaa.

Yohane 14:13

Na kindo kyoose mukiterevaa mukuvavie nań nkitanaa, amu Nde aṅiniswa andu emwi na Mwana.

Yohane 7:12

Likava inunua iingi kari ka isyamu lia kiimba kyamwi. Kiindi vakunumbua: Ye ni nndu nsha. Kiindi vakanumbua: Wode, ye aretaa vandu.

Yohane 6:14

Kyasia ili vandu vandelolia myorusie ilya Yesu andetana, vakanumbua: Nkya dede uu yye mwauya fisuku ulya ashaa isangeń.

Yohane 1:33

Nań nta niimwishii ndi. Kake ito andeshiruma mbatise na mura yye andeshiia: Ito kwallolia Mumuyo wa Iṛuva eemwolokiaa na inkaya, uu yye abatisaa na Mumuyo Nsongori.

Yohane 1:25

Nki ili kukee ibatisań vandu, kwakooya kutakee Kristo ana Elia ana mwauya fisuku ulya?

Yohane 1:21

Vakamwuṛa: Ni iwe iń? Ni iwe Elia? Kanumbua: Nniń ye ndi. Vakamwuṛa: Kukee mwauya fisuku ulya? Kanumbua: Wode.

Luka 24:49

Neeni manyiń niń mmurikiaa kilya kinderekio̱ nNde yakwa kimwolokie. Kake ini kaań muṛiń uu wa Yerusalemu kumande muniingwaa finya yuka ule.

Luka 7:16

Na vandu valya vakawarwa wweṛei woose vakaṅinisa Iṛuva vakanumbua: Nndu mwauya kisuku ankwimboo kunu kweru. Na vengi vakanumbua: Ni Iṛuva muni ansha isengera vandu vamwi.

Luka 3:16

Yohane kavaaṛua kavaia woose: Niń namubatisa na mura. Kake eefo nndu ashaa numa yakwa awore finya kita niń. Nań nta nkaṛiaa iboṛomua ngyuṛuumu ta faaru famwi ndi. Ye amubatisaa na Mumuyo Nsongori na muro.

Matayo 16:14

Vanalosho vakanumbua: Veefo vanumbua: Ni Yohane mbatisa. Na vengi vakanumbua: Ni Elia. Na vengi vakanumbua: Ni Yeremia ana ni umwi wa vaauya fisuku.

Yohane 14:26

Kake ito Mwelekia, akee Mumuyo Nsongori, Nde anrumaa na irina lyakwa ye amuloshaa kyoose na imukumburusa kyoose nndemuia.

Matayo 21:11

Isyamu lia lya vandu likanumbua: Uu yye Yesu mwauya fisuku ulya wa Nasareti ya Galilaya.

Yohane 8:54

Yesu kaaṛua: Kwakooya nakuṅinisa shi muni, unini lwakwa nkindo ndi. Amu ulya akee ishiṅinisa vVaava wakwa. Neeni mukanumbua: Yye Iṛuva wanu.

Yohane 16:14

Nae nniń asheshiitikisaa, amu mboni to ashemoongoyaa nkunu kwakwa atuutaa.

Yohane 17:1

Mfo firero fo Yesu andefirera. Kaimboo miso amwi kalla na ule iṛuvewu kanumbua: Wui Nde, kyeeri kyamfikań. Kuṅinise Mwana wafo, na Mwana wafo akwitikise iwe.

Mitanie ya varumi 19:2

Kavauṛa: Oo mwawaria Mumuyo Nsongori ilyo mukusura? Vakamwaṛua: Wode na akwaa ni iita sheeli eefo Mumuyo Nsongori tamiita ndi.