Yohane 7:28 - MMA SHIYYA

²⁸ Kyasia Yesu karosa ununga lwamwi kulya numba ya Iṛuva eeloshaa kanumbua: Ee mushiishi na kundo nuukie nafo mwishi da. Nań nta nndesha kwa mifurie yakwa shi muni ndi. Eefo wa dede andeshiruma kitaare mumwishi ini.

Yohane 7:28 ပူးပေါင်းရင်းမြစ်များ

Yohane 8:42

Yesu kavaia: Kifo Iṛuva eekee Vaava wanu, mwishikundaa niń, amu niń nndeuka kwa Iṛuva nasha kunu. Nta niń nndesha kwa kiimba kyakwa shi muni ndi, kake yye ashirumie.

Yohane 8:19

Kyasia vakamwia: A Vaava wafo akee kwi? Yesu kaaṛua: Mushiishi niń ndi ana nta Vaava wakwa mumwishi ndi. Kifo mushiishi niń mwimanyaa na Vaava wakwa.

Yohane 8:26

Niiworee fiingi fa irera kyanu na fa yumisia kyanu. Kake ulya anshiruma wwa dede. Nań filya namiitia kwamwi mfo nkee ifirera fa iia isanga.

Yohane 8:14

Yesu kaaṛua kavaia: Na kwakooya niń nakurambua shi muni, mirambuye yakwa yya dede, fulya niishi kundo nuukie nafo na kundo neendaa. Neeni mwishi kundo nuukie ana kundo neendaa ndi.

Yohane 17:3

Na muu uu wa miṛere ni ikumanya iwe sheeli ni iwe kukee Iṛuva wa dede, na ito kunrumie yye Yesu Kristo.

Yohane 12:49

Amu nkindo nuutie kwakwa shi muni nndekirera ndi. Nde yakwa ito ashirumie yye ashiniingia ivavaso lya kindo nnumbuaa na kindo nreraa.

Yohane 5:43

Niń nansha kwa irina lya Nde yakwa ana nta ini ishiwaria. Kake ungi kwakooya akee isha na irina lyamwi muni yye mu wwariaa.

Matayo 11:27

Nanrambikyo findo foose nNde yakwa. Nta eefo nndu eeshi Mwana kitaare nNde ndi. Ana nta eefo nndu eeshi Nde kitaare mMwana na ulya Mwana afurie inrambuya ndi.

Barua ya Yohane ya mbele 5:10

Ulya akusuraa Mwana wa Iṛuva, ito akuwore na irambua lyo. Ulya ara atakusura Iṛuva ammwaṛua wa wongo, fulya kitaare andekusura irambua lia Iṛuva anderambua nalyo Mwana wamwi ye muni.

Barua ya Vaebrania 6:18

Kakunda ifo fili fivili fiteelashike kutu, amu kivaa Iṛuva arere wongo ndi, naamu fitiniinge iwoliswa lyoore finya ise tinderishia iwara iverea lyeru teemfisio̱o̱.

Barua ya Tito 1:2

Narawa nkuwore na iverea lya iverea muu wa miṛeṛe nto Iṛuva uu atamakii irera wongo arekia kuuka mbooko.

Barua ya Vakorinto ya kavili 4:6

Amu Iṛuva uu anderera: Ive langa imulike yuka llemiń, yye andemulika mirima yeru, yukie-wo langa ya imanyisa unini lwa Iṛuva lukee kisanguń kya Kristo.

Barua ya Vakorinto ya kavili 1:18

Kake Iṛuva akee nrambua wakwa, sheeli kirero kyeru tindemwendee kiwore ee nkimwi na wode ndi.

Barua ya Varome 3:4

Nkuro ndi! Iṛuva alolikie sheeli wwa dede na nndu woose ni llembi, sheeli kyatisiṛwa: ”Amu kulolike sheeli kuwore udede ifo fireroń fafo, kuvinge ili kwiakaa uumisioń“.

Barua ya Varome 1:28

Na sheeli vandelea iva na Iṛuva ifo imanyeń lyawo, Iṛuva andevatia valatie ngyuṛango tawo titamakii yeleka vatane kitaare kyeewwaraa vafitani.

Mitanie ya varumi 17:23

Lia nduaṛua kunu kwanu niillaa andu anu a irasia nakooya kirasioń kitisiṛie-wo: Nkya Iṛuva liteeshiwa. Kyasia ito mumwindiaa mutamwishi yye uu nkee imukwanisia mboni tamwi.

Yohane 17:25

Wui Nde nsumani, isanga likwishi ndi, kake niń nndekumanya. Nawo vakamanya sheeli ni iwe kushirumie.

Yohane 16:3

Na ifi vamutaniaa, fulya vateeshi nta Nde ana nta niń.

Yohane 14:31

Kake va isanga li kyawara vamanyi, sheeli nkundie Nde na itana ifo Nde andeshivavasa. Kyasia kwimbooń teende!

Yohane 14:10

Niikai kutakusurie sheeli niń nsaangi na Nde na Nde nae kasaanga nań? Firero fi nkee imuia nkee ifirera kwa makusaṛo akwa meni ndi.

Yohane 10:36

a niń nndeiliswa nNde kashiruma isangeń naare mwashiia naruma Iṛuva, ili nanumbua: Nkee Mwana wa Iṛuva?

Yohane 8:16

Na kwakooya niń naumisia nndu, uumisio lwakwa llwa dede, amu niń nniń shi muni ndi, kake nakaa andu emwi na ulya ashirumie.

Yohane 5:32

Eefo ungi akee ishirambua. Nań niishi sheeli irambua akee ishirambua nalyo llya dede.

Yohane 3:33

Ulya amiirikia irambua lyamwi ammaa irwaa kiringisio kyamwi sheeli Iṛuva wwa udede.

Yohane 3:2

Kashea Yesu kyeeri kya kio kamwia: Nndumi, ise tiishi sheeli kukee llosha kuukie kwa Iṛuva, fulya ateefo nndu amakii itana myorusie ilya ya finya iwe kukee itana, kwakooya Iṛuva atakee nae.

Yohane 1:46

Natanaeli kamwia: Oo kulya Nasareti kimakii yuka-fo kindo kinuru? Filipo kamwia: Oṛeshoń kundella!

Luka 10:22

Kanumbua: Nanrambikio̱ findo foose vVaava wakwa. Ana eefo eeshi Mwana kitaare nNde ndi, ana eefo eeshi Nde kitaare mMwana na ulya Mwana anrambuyaa ndi.

Luka 2:51

Nae kalungana na nde na mae vakauya Nasareti. Kavairikia findoń foose. Na mae kawara firero fi foose ngooń yamwi.

Luka 2:39

Neeli vandemaa imarisia filya foose fivavase ni Nndumi, vakauya kyeń kwawo kulya Galilaya muṛiń wa Nasareti.

Luka 2:11

Fulya nkonu wa nnu mwamiirio̱ Nkiṛa kulya muṛiń wa Davidi, uu akee Kristo Nndumi.

Luka 2:4

Na akwaa ni Yosefu kakwimboo kulya Galilaya muṛiń ulya wa Nasareti karwa na kulya Yudaya muṛiń wa Davidi wivaangwaa Betileemu, fulya eekee wa ufari lwa kwa Davidi.

Matayo 2:23

Kasamia kulya kweni muṛiń ulya wivaangwaa Nasareti. Nakyo kikava, amu kifike kilya kyeenrerwaa waauya fisuku veenumbuaa: Avaangwaa nndu wa Nasareti.

Yohane 7:14

Kake karikari ka mikonu ya kisuku Yesu karwa kaira na numba ya Iṛuva kaloshia-fo.

Matayo 26:55

Llyo Yesu andeia vandu valya: Mwansha isheshiwara murie shombo na ndata, sheeli nkee kisoki. Na mikonu yoose nkaa numbeń ya Iṛuva niiloshaa-fo, nta ishiwara.

Yohane 6:42

Vakanumbua: Uu yye Yesu mwana wa Yosefu se? A ise tiishi ndee na mae se? A alli naare akee inumbua: Namooloka nuuka iṛuvewu?

Yohane 9:29

Ise tiishi sheeli Iṛuva anderera na Mose. Kake ito tiishi kundo aukie ndi.