Yohane 6:63 - MMA SHIYYA

⁶³ Mumuyo nto aniingiaa muu, vvili ufile kindo ndi. Na firero fo namuia mfo fa mikae ya Mumuyo, lingi mfa muu.

Yohane 6:63 ပူးပေါင်းရင်းမြစ်များ

Barua ya Vaebrania 4:12

Amu kirero kya Iṛuva kiwore muu, lingi kiwore finya, lingi kiwore uvave kita shombo shooi kuvili. Lingi kitotaa na yaava nrima na ngoo na meeṛo na miingo ikee kari kayo. Lingi nkyaangu na yelelia makusaṛo na mifurie ya nrima.

Barua ya Vagalatia 5:25

Kwakooya mMumuyo atiniinga muu, kyasia neese tiware weendo lusumani na Mumuyo.

Yohane 6:68

Simon Petiro kamwaṛua: Nndumi, teende kwa i? Iwe kuwore firero finnde muu wa miṛeṛe.

Barua ya Petiro ya mbele 1:23

Fulya mwamiiriwa lya kavili nta nna mbeu ikashaa ndi, kake nna ilya itakashaa, nkyo kirero kya Iṛuva kiwore muu kikaa kumande miṛeṛe.

Barua ya Vakorinto ya mbele 15:45

Amu nkuro kyatisiṛwa: ”Adamu nndu ulya wa mbele akooya nrima uwore muu“. Na Adamu ulya wa ifurumia kava wa mumuyo annde muu.

Barua ya Varome 10:17

Kyasia ikusura likee yantwa nnrumi, kake nrumi ikee ikwaniswa ikuwarie na kirero kya Kristo.

Barua ya Petiro ya mbele 3:18

Amu nae Kristo afwe limwi tubu kiimba kya mareko eru ye akee nsumani kafwa kiimba kyeru ise varekwa, amu atirwaa kwa Iṛuva. Kawalwa kivvili, kake kawiiṛwa muuń kimumuyo.

Barua ya Vatesalonike ya mbele 2:13

Kiimba kya ikyo neese tiawuaa yaana Iṛuva, fulya kitaare mundewaria kirero kilya kya Iṛuva mundeitia kweru nta nsha kirero kya vandu, kake nsha kirero kya Iṛuva kikee kya dede. Nakyo nkyo kikee iṛunda mashoṛa kari kanu ini mukusurie.

Barua ya Varome 8:2

Fulya ivavaso li lya Mumuyo munnde muu uukie kwa Kristo Yesu llyo lyantilakanisa na ivavaso lia linnde ireko na ufu.

Barua ya Yakobo 1:18

Kwa mifurie yamwi antiira lya kavili na kirero kyamwi kya dede tive vasaue kari ka findo filya fantanwa yye.

Barua ya Petiro ya mbele 3:21

Mura to mfwana ya mura ulya ukee imukiṛa neeni alli, ni ubatiso. Nalo lukee imuuta kiṛinda kya wili ndi, kake lukee itereva Iṛuva nrima nnuru uwore uumu kwa finya ya iṛuka lya Yesu Kristo.

Barua ya Timoteo ya mbele 4:8

Amu wishiviṛi lwa wili lwelekaa kinnya da. Kake ikusura Iṛuva lyelekaa findoń foose, lingi liwore na kirekio kya muu wa alli na kya ulya uvaa numa.

Barua ya Vaebrania 13:9

Manya mutafulutwa mmiloshie ingi itasumani imusheaa. Amu kilya kikee kisha kya yumisa ngoo ni uwoo lwa Iṛuva, nta mmiliye ya shoonga ndi. Yo yendee valya vakee ikwataria nayo mbusha ndi.

Barua ya Vagalatia 6:15

Kake kwavva na Kristo irinwa nkindo ndi ana ilea irinwa nkindo ndi kita yaṛuka mikae miya.

Barua ya Varome 2:25

Amu irinwa nkisha, kwakooya kukee mu wara mavavaso. Kake kwakooya kukee mfaringa mavavaso, irinwa lyafo lyawa sheeli kutakee nrine.

Barua ya Vagalatia 5:6

Amu tikankaa na Kristo Yesu irinwa ana ilea irinwa liwore ngo ndi, kake ni ikusura lya ikusura Kristo lyawutio̱o̱ ni ikundana.

Yohane 5:21

Amu sheeli Nde aṛutaa valya vafu na ivawiiṛia muu, mfo kuro da na Mwana aaṛuaa va muu valya ankunda.

Mitanie ya varumi 5:20

Endeń mundesalala numba ya Iṛuva muie vandu mboni toose ta muu uu.