Yohane 6:57 - MMA SHIYYA

⁵⁷ Na sheeli Nde ito ashirumie akee muni muu, nań nakaa na muu kiimba kya Nde, mfo kuro na ulya ashilyaa niń akaa na muu kiimba kyakwa.

Yohane 6:57 ပူးပေါင်းရင်းမြစ်များ

Barua ya Vagalatia 2:20

Lingi nniń ndi nkee na muu, kake ulya akee na muu kari kakwa nKristo. Amu muu uu wa vvili nkikee nato nuuwore niikusuranaa na Mwana wa Iṛuva uu andeshikunda kakuniingia kiimba kyakwa.

Yohane 5:26

Amu sheeli Nde akee na muu kari kamwi, mfo kuro da andeniinga na Mwana iva na muu kari kamwi.

Yohane 17:21

Nawo vave kimwi woose, sheeli iwe Nde kusaangi nań, nań nsaangi nawe, naamu vave kimwi neese na va isanga vautie-wo ikusura sheeli ni iwe kushirumie.

Barua ya Yohane ya mbele 4:9

Ikunda lya Iṛuva lyammanyika kweru, ili anderuma Mwana wamwi ngitani isangeń, amu tiniingwa muu yye.

Yohane 3:17

Fulya Iṛuva aruma Mwana wamwi isangeń, amu aumisie isanga ndi, kake naamu isanga likiṛwa yye.

Barua ya Vatesalonike ya mbele 1:9

Fulya vandu vakee irambua wo veni mboni teru kasa mundetiwaria ili tindesha kwanu, na sheeli mundeaṛukia Iṛuva mukatia-wo fifu, amu muṛundie Iṛuva muni muu akee wa udede

Barua ya Vakorinto ya kavili 13:4

Na kwakooya akabio̱ nsalabeń arie utanyari da, kake eefo na muu arie finya ya Iṛuva. Na akwaa ni ise tikee vatanyari da tikuvavie nae, kake tikaa na muu fiwarani nae kwa finya ya Iṛuva na ikuorusa tikuorusaa kuri kwanu.

Barua ya Vakorinto ya mbele 15:22

Amu sheeli woose vakee ifwa, fulya vakee vana va Adamu ulya, mfo kuro da woose vavaa lingi na muu, fulya vawa va Kristo.

Yohane 14:19

Iseere mikonu myaangu vandu va isanga li vakishiloliaa ndi. Kake ini mushiloliaa, fulya nkee na muu, neeni mundekaa na muu.

Yohane 14:6

Yesu kamwia: Nniń shia yo na dede nniń na muu nniń. Eefo nndu afikaa kwa Nde kitaare ashiwore niń ndi.

Matayo 16:16

Simon Petiro kaaṛua kanumbua: Iwe ni iwe Kristo Mwana wa Iṛuva muni muu.

Barua ya Vaebrania 9:14

Kyasiań nkita se usao lwa Kristo ulya andekurambikia Iṛuva ye muni kwa finya ya Mumuyo wa miṛeṛe ave nsimbika utawore ilomi, lumusangye shengye ta mirima yanu na imulakanisa na mitanie innde ufu, amu mumakii iṛundia Iṛuva akee na muu?

Yohane 6:29

Yesu kaaṛua kavaia: Iva wwo mashoṛa a Iṛuva ni ikusura ito anderumwa yye.

Yohane 6:38

Amu kishinnde nuuka iṛuvewu ni ishetana kilya nkundie niń ndi, nkilya kikundio̱ ni ito ashirumie.

Barua ya Vakorinto ya mbele 15:45

Amu nkuro kyatisiṛwa: ”Adamu nndu ulya wa mbele akooya nrima uwore muu“. Na Adamu ulya wa ifurumia kava wa mumuyo annde muu.