Yohane 6:51 - MMA SHIYYA

⁵¹ Niń nniń nkate to uukie iṛuvewu uwore muu. Na nkate to nndu kaulya alunganaa na muu. Na nkate uu nuuniingaa ni vvili wakwa uniingio̱o̱ amu va isangeń vakooye ikia muu.

Yohane 6:51 ပူးပေါင်းရင်းမြစ်များ

Luka 22:19

Kaimboo nkate kaana Iṛuva. Kaufukyafukya kavaniingia eevaiaa: Uu ni wili wakwa uniingio̱o̱ kiimba kyanu. Neeni taniń kuro amu mushikumbue niń.

Yohane 6:33

Amu nkate wa Iṛuva ni ulya aoloka auka iṛuvewu kaniinga va isangeń muu.

Yohane 3:13

Nta nndu ansaama iṛuvewu kita ulya amooloka iṛuvewu, nae mMwana wa nndu eekee iṛuvewu.

Barua ya Tito 2:14

Na nkiṛa uu yye akuniingia kiimba kyeru. Na kiteveto katana kuro, naamu atitaue ukasheń loose na itisangya atisangye mirima, neese tive vandu vamwi vatomari vawore mitanie minuru.

Matayo 20:28

Sheeli na Mwana wa nndu atashe, amu aṛundyo, kake ashe aṛundye vengi na iniingya muu wamwi, amu uve kirasyo kya veengi.

Barua ya Vaebrania 10:20

Yyo shia andetiremia ikee shiiya yoore muu. Amu kilya kindetiima tiiraa na andu alya asongori — (llyo isulia lia inini) — kyamiimbolo yye. Muu wamwi andeuniingia nto wanrua shia ii.

Barua ya Vakorinto ya kavili 5:21

Amaaṛua uu ateeishii ireko kava nrekwa kiimba kyeru, amu ise tive veni usumani lwa Iṛuva tikuwore nae.

Barua ya Petiro ya mbele 2:4

Yye mwammushea akee iwe liwore muu, lindekumbwa wandu mbaai, kake Iṛuva alisaua live na tikisi.

Barua ya Vaefeso 5:2

Muware ikundana, sheeli na Kristo andetikunda kakuniingia kiimba kyeru ave nsimbika wa kirasio kya kwa Iṛuva kiwore nningo uwore kisaamu kinuru.

Yohane 3:16

Nkuro Iṛuva akunda vandu kaotoṛa Mwana wamwi ngitani, amu woose vankusuraa vatareke, kake vaniingwa muu utakisiaa.

Yohane 1:29

Neeli lya ndesi kalolia Yesu eeshaa na kwamwi kanumbua: A li yaanri lya Iṛuva likurikaa mareko a isanga!

Barua ya Yohane ya mbele 4:14

Neese tallolia na miso eru na irambua sheeli Nde anderuma Mwana ave nkiṛa wa isanga.

Barua ya Yohane ya mbele 4:10

Mikae ya ikunda yyo ii: Nta ni ise tankunda Iṛuva ndi, kake yye antikunda ise karuma Mwana wamwi ave kirasio kya mareko eru.

Barua ya Yohane ya mbele 2:2

Nae yye kirasio kya mareko eru, ana nta nkya mareko eru da ndi, kake na kya mareko a va isangeń lyoose.

Yohane 1:14

Na Kirero kikaaṛuka vvili wa nndu kakaa kweru. Neese tikalolia unini lwamwi, nalo ni unini sha lwa Mwana wa ngitani aukie kwa Ndee, eeshule uwoo na udede.

Barua ya Vaefeso 5:25

Neeni womi, kundeń vaka vanu sheeli na Kristo andekunda siṛi kakuniingia kiimba kyayo,

Barua ya Vakorinto ya kavili 5:19

Fulya Iṛuva eekee na Kristo kaitanisa va isangeń nae ye muni, nta ivataalia mareko awo. Nae karwaa kirero kya witanu kari keru.

Yohane 7:38

Ulya ashikusurie niń kiwiaa sheeli mitisine irerie: Nndu uu ifo wiliń wamwi iṛukaa-fo mira ya yeeka iwore mura wa muu.

Yohane 3:14

Na sha lia Mose avanika shoka ilya kulya bateń, mfo kuro kyawara Mwana wa nndu avanikwa,

Yohane 3:36

Ulya akusuraa Mwana ito avaa na muu utakisiaa. Na ulya atairikiaa Mwana akooyaa muu kutu ndi, kake uvave lwa Iṛuva lulunganaa nae.

Yohane 5:24

Nkue nkue namuia: Nndu akee yaranya kirero kyakwa na ikusura ito ashirumie awwaria muu wa miṛeṛe na miṛeṛe, nta akiumisio̱o̱ ndi. Fulya ansomuka ufuń kafika muuń.

Yohane 6:35

Yesu kavaia: Niń nniń nkate to wa muu! Nndu kasha kwakwa akiliwaa lingi nsoto ndi. Na ulya ashikusuraa niń akiwarwaa nnyura nta nkonu umwi ndi.

Yohane 6:41

Kyasia Vayuda vakaṅṅuṅuria, fulya anumbua: Nniń nkate waoloka uuka iṛuvewu.

Yohane 6:47

Nkue namuia kya dede: Ulya akusurie awwaria muu wa miṛeṛe na miṛeṛe.

Yohane 6:48

Niń nniń nkate wa muu.

Yohane 6:50

Kake nkate uu nausenda to uukie iṛuvewu, na nndu aulyaa akifwaa kutu ndi.

Yohane 11:26

Na ulya woose eefo na muu kakusurana nań, akifwaa lingi ndi kumande miṛeṛe. A iwe kukusurie kuro?