Yohane 6:47 - MMA SHIYYA

⁴⁷ Nkue namuia kya dede: Ulya akusurie awwaria muu wa miṛeṛe na miṛeṛe.

Yohane 6:47 ပူးပေါင်းရင်းမြစ်များ

Yohane 3:36

Ulya akusuraa Mwana ito avaa na muu utakisiaa. Na ulya atairikiaa Mwana akooyaa muu kutu ndi, kake uvave lwa Iṛuva lulunganaa nae.

Yohane 5:24

Nkue nkue namuia: Nndu akee yaranya kirero kyakwa na ikusura ito ashirumie awwaria muu wa miṛeṛe na miṛeṛe, nta akiumisio̱o̱ ndi. Fulya ansomuka ufuń kafika muuń.

Yohane 3:18

Ulya ankusurie aumisio̱o̱ ndi, ulya atankusurie ammaa yumisio̱, fulya atakusurani na Mwana wa Iṛuva ngitani.

Yohane 3:16

Nkuro Iṛuva akunda vandu kaotoṛa Mwana wamwi ngitani, amu woose vankusuraa vatareke, kake vaniingwa muu utakisiaa.

Yohane 6:54

Ulya alyaa vvili wakwa na inwa usao lwakwa awore muu wa miṛeṛe. Nań nindutaa nkonu wa ifurumia.

Yohane 6:40

Amu ii yyo mifurie ya Nde yakwa: Ulya woose allaa Mwana na inkusura ave na muu wa miṛeṛe na miṛeṛe, nań nindutaa nkonu wa ifurumia.

Yohane 14:19

Iseere mikonu myaangu vandu va isanga li vakishiloliaa ndi. Kake ini mushiloliaa, fulya nkee na muu, neeni mundekaa na muu.

Yohane 6:27

Manya mutakwatarie mashoṛa a shoonga ikashaa, kwatarień shoonga yo ikaa kumande muu wa miṛeṛe. Nayo yyo Mwana wa nndu amuniingaa, amu ito yye anderwaywa kiringisio nNdee yye Iṛuva.

Yohane 6:50

Kake nkate uu nausenda to uukie iṛuvewu, na nndu aulyaa akifwaa kutu ndi.

Yohane 6:51

Niń nniń nkate to uukie iṛuvewu uwore muu. Na nkate to nndu kaulya alunganaa na muu. Na nkate uu nuuniingaa ni vvili wakwa uniingio̱o̱ amu va isangeń vakooye ikia muu.

Yohane 6:58

Uu nto nkate wolokie uuka iṛuvewu, nsha ulya vaande yanu vandelya vakafwa ndi. Kake nkate to nndu kaulya ito akaa na muu miṛeṛe.

Yohane 11:26

Na ulya woose eefo na muu kakusurana nań, akifwaa lingi ndi kumande miṛeṛe. A iwe kukusurie kuro?