Yohane 6:40 - MMA SHIYYA

⁴⁰ Amu ii yyo mifurie ya Nde yakwa: Ulya woose allaa Mwana na inkusura ave na muu wa miṛeṛe na miṛeṛe, nań nindutaa nkonu wa ifurumia.

Yohane 6:40 ပူးပေါင်းရင်းမြစ်များ

Barua ya Varome 6:23

Amu maṛe a mareko ni ufu, kake wavi lwa Iṛuva mmuu wa miṛeṛe wanndwa ni Yesu Kristo Nndumi weru.

Yohane 6:54

Ulya alyaa vvili wakwa na inwa usao lwakwa awore muu wa miṛeṛe. Nań nindutaa nkonu wa ifurumia.

Yohane 5:24

Nkue nkue namuia: Nndu akee yaranya kirero kyakwa na ikusura ito ashirumie awwaria muu wa miṛeṛe na miṛeṛe, nta akiumisio̱o̱ ndi. Fulya ansomuka ufuń kafika muuń.

Yohane 11:25

Yesu kamwia: Niń nniń nduti na muyamuu. Na nndu akusuranaa nań na akwaa afwa, akaa na muu.

Yohane 4:14

Kake nndu kanwa mura uu ninniingaa niń, akiwarwaa nnyura lingi ndi na kumande miṛeṛe. Kake mura uu niń ninniingaa kari kamwi ushevaa-fo iriso lya mura, nalyo lyeekaa lifike muuń ulungani.

Yohane 14:19

Iseere mikonu myaangu vandu va isanga li vakishiloliaa ndi. Kake ini mushiloliaa, fulya nkee na muu, neeni mundekaa na muu.

Yohane 12:45

Na ulya ashilolie niń, alolie na ito andeshiruma.

Yohane 6:27

Manya mutakwatarie mashoṛa a shoonga ikashaa, kwatarień shoonga yo ikaa kumande muu wa miṛeṛe. Nayo yyo Mwana wa nndu amuniingaa, amu ito yye anderwaywa kiringisio nNdee yye Iṛuva.

Yohane 3:36

Ulya akusuraa Mwana ito avaa na muu utakisiaa. Na ulya atairikiaa Mwana akooyaa muu kutu ndi, kake uvave lwa Iṛuva lulunganaa nae.

Yohane 1:14

Na Kirero kikaaṛuka vvili wa nndu kakaa kweru. Neese tikalolia unini lwamwi, nalo ni unini sha lwa Mwana wa ngitani aukie kwa Ndee, eeshule uwoo na udede.

Luka 2:30

fulya miso akwa allolia Nkiṛa wafo

Barua ya Yohane ya mbele 2:25

Na iki nkyo kirekio kilya Yesu muni andetirekia, nato mmuu wa miṛeṛe.

Yohane 17:2

Ni iwe kunniingie finya ya ishilia vandu woose, amu woose kwammuniingia avaniinge muu wa miṛere.

Yohane 10:28

Nań natiniinga muu wa miṛeṛe na miṛeṛe. Ana to nta tirekaa miṛeṛe ndi. Ana nta eefo nndu atisokaa ifo maakoń akwa ndi.

Barua ya Yuda 1:21

Kuringeń mu veni mwikaa na ikunda lya ikunda Iṛuva na iverea ililia lya Nndumi weru Yesu Kristo limurwaa muuń utakisiaa.

Barua ya Petiro ya mbele 1:8

Nae munkundie kitaare mullolie mukankusura ateefo kisanguń kyanu. Kwa ikyo mukabaa nndoṛo mwiwarwaa ni ifura litavaa isenda likee iilise.

Barua ya Vakorinto ya kavili 4:6

Amu Iṛuva uu anderera: Ive langa imulike yuka llemiń, yye andemulika mirima yeru, yukie-wo langa ya imanyisa unini lwa Iṛuva lukee kisanguń kya Kristo.

Barua ya Varome 5:21

Amu sheeli ireko lindeitoṛo fikannde ufu, mfo kuro kwa shia ya usumani ililia liitoṛo kumande muuń wa miṛeṛe lindenndwa ni Yesu Kristo Nndumi weru.

Yohane 12:50

Nań niishi kilya avavasa nkyo kirie muu wa miṛeṛe. Kyasiań kilya nkee irera nkee ikirera kisumani na kilya Nde anshiia.

Yohane 8:56

Nde yanu Abraamu andekaba nndoṛo eeshi akaa alolie nkonu wakwa. Kaulolia kafura.

Mariko 16:16

Na ulya woose akusuraa Iṛuva na ibatiswa, ito akiṛwaa, na ulya atankusuraa aumisio̱o̱ amamie.

Barua ya Vaebrania 11:1

Kyasia ikusura Iṛuva ni iverea filya fishaa kitaare kuwore inunua, fulya kitaare fallolika.

Barua ya Vaebrania 11:27

Ni ikusura lindensomuta kulya Misiri nta yeṛea uvaave lwa mangi, amu andekuwara na ulya atalolio̱ sheeli allolie.

Yohane 14:17

Nto Mumuyo ulya arie mboni ta dede, ulya isanga litamakii iwwaria, fulya litallolie ana litamwishi. Ini mwammanya, fulya akaa kwanu, nae eefo mirimiń yanu.

Matayo 10:15

Nkue namuia: Llyo ńwana uruka lwa Sodomo na Gomora lulilyoo nkonu ulya wa uumisyo kita muṛi ulya.

Matayo 25:46

Nawo veendaa vakaa na ukiva lutasiaa. Na valya va usumani wo veendaa vakaa na muu utakisiaa.

Yohane 6:39

Na kilya kikundio̱ ni ito ashirumie nkyo iki: Nkindo kyoose ankishiniinga, kaaṛa ntarete-wo nta kimwi. Kake nkiṛute nkonu wa ifurumia.

Yohane 6:44

Eefo nndu amakii isha kwakwa kitaare aitikwa Vvaava uu ashirumie ndi, nań nindutaa nkonu wa ifurumia.

Yohane 11:24

Marita kamwia: Niń niishi namanya, aṛukaa ili vafu vaṛukaa nkonu ulya wa ifurumia.