Yohane 6:2 - MMA SHIYYA

² Na isyamu iingi likansoṛa, fulya veelloliaa myorusie ilya minini andetana ya ikiṛa vandu valole.

Yohane 6:2 ပူးပေါင်းရင်းမြစ်များ

Matayo 12:15

Ili Yesu andemanya kuro, kakwimboo-fo.

Yohane 2:11

Nkyo kindo kya mbooko Yesu atana kya maṛiikiso kikatanikia kulya muṛiń wa Kana ukee muungoń ulya wa Galilaya. Kamanyisa nakyo unini lwamwi. Na vaseṛo vamwi vakautia-wo inkusura.

Mariko 6:33

Vandu veengi vakavalolia veendaa vakamanya sheeli wwo. Nawo vakaenda na marende veerishaa vauka miṛiń yoose. Vakabooka-wo ifika.

Matayo 14:14

Yesu kasomuka kalolya vandu kinga veensheaa. Kavavaviywa mmuu kavakiṛya vandu vawo valole.

Matayo 8:1

Ili andeoloka uroń, syamu shiingi ikansoṛa.

Matayo 13:2

Na isyamu iingi lya vandu likakuumbya alya akai. Nae kaaṛukya ngalaveń kakaa-fo rembo. Na syamu ilya yoose ikasalala mbaai ya nruva.

Mariko 1:45

Kake ili andelakana-wo, kabooka yongoya firero fiingi na ikwanisa mboni ilya. Na Yesu andekimakii lingi iṛua muṛiń wa vandu na baa ndi. Kakaa kyaanya andu vatayo vandu. Kake vandu vakanshea vauka taari toose.

Yohane 2:23

Kyasia ili eekee kulya Yerusalemu kisukuń kya Pasaka, vandu veengi vakabooka ikusurana na irina lyamwi, fulya vandelolia myorusie ilya andeitana.

Yohane 3:2

Kashea Yesu kyeeri kya kio kamwia: Nndumi, ise tiishi sheeli kukee llosha kuukie kwa Iṛuva, fulya ateefo nndu amakii itana myorusie ilya ya finya iwe kukee itana, kwakooya Iṛuva atakee nae.

Yohane 6:14

Kyasia ili vandu vandelolia myorusie ilya Yesu andetana, vakanumbua: Nkya dede uu yye mwauya fisuku ulya ashaa isangeń.

Yohane 6:22

Neeli lya ndesi syamu ilya iiselelee kwa kulya ya nruva ikalolia sheeli kitaare iifo ngalava ingi kulya kita ilya imwi iifoo. Na Yesu nta andeaṛukia andu emwi na vanalosho vamwi ngalaveń ilya ndi. Vvanalosho vamwi vandeenda wo veni.

Yohane 6:26

Yesu kavaaṛua kanumbua: Nkue nkue namuia: Ini nta mukee ishiṛuya kiimba kya myorusie ilya mundelolia ndi, nkiimba kya mikate ilya mundelya mukawuura.

Yohane 6:30

Vakamwuṛa lingi: Mmyorusie ingai kutanaa amu tilolie tikukusure? A nkiki iwe kumuni kukee ikurambua nakyo?

Yohane 11:47

Kyasia vakohani vanini na Vafarisayo vakavaanga kikwena kinini kya vangyama vakanumbua: Titanaa are, ili nndu uu akee itana myorusie minini miingi kuri?

Yohane 12:18

Na kiimba kya ikyo syamu ilya ya vandu ikandemwondoṛa, fulya vaita sheeli antana kindo kyo kya iṛiikisa.

Yohane 12:37

Mfo firero Yesu anderera kamaa. Kalakana na vandu kandekufisa. Kake lla kasa andetana myorusie miingi kuri mbele yawo, nawo nta vandenkusura ndi.

Yohane 20:30

Kyasia iifo na myorusie ingi miingi Yesu andeitana mbele ya vanalosho vamwi kitaare mmitisiṛe kunu kitabuń iki.