Yohane 5:44 - MMA SHIYYA

⁴⁴ Mumakii are ishikusura ini mukee ikwitikisa mu veni na mu veni, na nduma ulya ukee yuka kwa Iṛuva muni mutakee iṛuya?

Yohane 5:44 ပူးပေါင်းရင်းမြစ်များ

Yohane 12:43

Amu wo veekundiee iitikiswa vvandu kita iitikiswa ni Iṛuva.

Barua ya Varome 2:29

Kake ye mMuyuda wa dede akee Muyuda ifo nrimiń na urini llwa ngooń yamiiliswa mMumuyo liteefo ivavaso. Tikisi ya Muyuda uu yukie kwa vandu ndi kita nkwa Iṛuva muni.

Barua ya Vafilipi 2:3

Manya mutatani nta kindo mwivinganaa ana ikwomuya ukuṅinisi lwa ruu. Kake nndu woose akuware na ukunyiisi ataale uroe sheeli ni nnini kita ye.

Matayo 23:5

Na mitanye yawo yoose vakee itana, naamu valolyo wandu da. Na fingova fawo vaṛaa ili veeterevaa vakafeelelisa, na mise ya miseto yawo ya yeeṛya vakayengeṛya.

Barua ya Petiro ya mbele 1:7

amu ikusura lyanu lyelelio̱ kwakooya llya dede na ilolio̱ akwaa liwore uuru kita saabu ikashaa, nayo yelelio̱o̱ muroń kwakooya nshinuru. Mukawa kuro mukooyaa nsendo na tikisi na unini, ili Yesu Kristo alolikaa.

Barua ya Vakorinto ya mbele 4:5

Kyasia manya mutafukye alli kya mashoṛa eru kitaare Nndumi ansha, amu yye asherambuaa uṛikio loose lurikio̱ vvandu na imanyisa ashemanyisaa na baa makusaṛo a vandu afisio̱ ngooń. Llyo na nndu woose aavio̱o̱ maṛe amwi ni Iṛuva alya asumani na mashoṛa amwi.

Barua ya Varome 2:10

Kake ulya akee itana fisha aavio̱o̱ unini na tikisi na unambwe, wa mbele mMuyuda na Ngiriki da nae.

Barua ya Varome 2:7

Iwo vatakee yaraa itana fisha veeṛuyaa unini na tikisi na ikaa kitaare vakashaa iwo avaniingaa muu utasiaa.

Luka 19:17

Nae kamwia: Nkisha iketi isha, fulya kundeva nsongovisi wa filya fikee fyaangu. Vaań na miitoṛio ya iitoṛo miṛi ikumi.

Barua ya Yakobo 2:1

Vanavama, manya mutakusaṛe sheeli ikusura Nndumi weru Yesu Kristo muni wa unini liitani na ikundia vandu.

Barua ya Vaebrania 3:12

Vanavama, lleń nnu kaaṛa atalolike-fo nndu kari kanu awore ngoo shikasha itawore ikusura akulakanise na Iṛuva uu awore muu.

Barua ya Vakorinto ya kavili 10:18

Amu ulya akee ikushomba ye muni wwa udede ndi kita ulya akee iitikiswa ni Nndumi.

Yohane 17:3

Na muu uu wa miṛere ni ikumanya iwe sheeli ni iwe kukee Iṛuva wa dede, na ito kunrumie yye Yesu Kristo.

Yohane 8:43

A nki ili mutakee imanya mirerie yakwa? Mfulya kitaare ini mukee imakii yaranya firero fakwa.

Yohane 3:20

Ulya atanaa fikasha ito asule langa ana ashaa langeń ndi, amu mitanie yamwi itamanyike.

Yohane 5:41

Niń wwariaa tikisi yuka na vanduń ndi.

Barua ya Vatesalonike ya mbele 2:6

Tindeṛuya unini kwa vandu ndi, nta kwanu ana nta kwa vengi ndi.

Barua ya Timoteo ya mbele 1:17

Mangi ii ya miṛeṛe atawore mmando ana atalolio̱ na miso a kivandu akee Iṛuva ye muni airio̱ sonu na iitikiswa kyeeri kilungani uteefo mmando! Amen.

Barua ya Yuda 1:25

Yye Iṛuva ye muni Mutikiṛa ise kwa Yesu Kristo Nndumi weru. Tikisi yyamwi na unini na imakii na finya kuuka mbele na alii na kumande miṛeṛe! Amen.