Yohane 5:39 - MMA SHIYYA

³⁹ Mukee ikwataria mitisine mwikusaṛaa sheeli ini mukooyaa-wo muu wa miṛeṛe. Nayo yyo meni ikee ishirambua niń.

Yohane 5:39 ပူးပေါင်းရင်းမြစ်များ

Luka 24:27

Kabooka ivamanyisa mboni ta kuuka Mose na ta vaauya vengi na ta filya foose feentisiṛwaa kyamwi.

Luka 24:44

Numa kavaia: Iti nto mboni tilya namwongoya lia nkee neeni, sheeli foose fifikaa fikee fitisiṛe fitabuń fa Mose na fa vaauya fisuku na fa fiimbo fa Iṛuva.

Mitanie ya varumi 17:11

Na vandu va veeworee windi kita valya va Tesalonike vakawaria kirero na warutu. Vakasaṛaana mitisine nkonu woose valle akwaa findo fo nkuro fikai.

Matayo 22:29

Yesu kaaṛua kavaia: Mwanrekwa, fulya muteeshi mitisiṛie ana nta finya ya Iṛuva.

Mitanie ya varumi 13:27

Amu iwo vakee Yerusalemu na vanini vawo vandemanya Yesu uu ndi vakamwumisia. Na kuro vandeawutia firero filya fa vaauya fisuku fikee isomwa nkonu woose wa Sabato.

Yohane 5:46

Amu kikooye mwikusuriee Mose, mwishikusuraa nań, amu yye atisiṛie kya mboni takwa.

Barua ya Varome 3:2

Kyelekaa nnu kwa shia yoose. Lya mbele vanrambikio̱ firekio fa Iṛuva.

Mariko 12:10

Nta mwansoma mitisiṛie ii ndi?: ”Iwe lyo lindelewa watana numba llyo lyawa iwe inini lya wembe.

Urambuyo lwa Yohane 19:10

Nań nawa marendeń amwi, amu mmwindie. Kashiia: Manya kutatane kuro! Niń nkee mwelekia wafo na wa vanavamae vafo vakee varambua va Yesu. Ulya kyawara kumwindie ni Iṛuva. Amu irambua Yesu ni iirikia Mumuyo wa wauya.

Barua ya Varome 1:2

Yyo Iṛuva eemmaa iirekia kwa kana ka vaauya vamwi ifo mitisiṛień misongori.

Mitanie ya varumi 26:27

A mangi Agiripa, kukusurie vaauya fisuku? Niishi sheeli kuvakusurie.

Yohane 7:52

Vakaaṛua vakamwia: Iwe nawe kukee nndu wa Galilaya? Ṛuya kulolie sheeli kulya Galilaya antandelolika-fo mwauya fisuku.

Yohane 5:32

Eefo ungi akee ishirambua. Nań niishi sheeli irambua akee ishirambua nalyo llya dede.

Yohane 5:36

Kake irambua nkee nalyo niń ni inini kita irambua lya Yohane. Amu mashoṛa alya Nde andeshiniingia mmarisie mmashoṛa wo meni nkee yaṛunda. Wwo akee ishirambua sheeli nNde ashirumie.

Luka 16:31

Abraamu kamwia: Kwakooya kitaare vaaranyaa Mose na vaauya fisuku valya, na akwaa nndu aṛuka auka kwa vafu vamwirikiaa nta ndi.

Barua ya Vaebrania 11:16

Kake alli valangie uruka lukee unuru kita lua, llo lwa iṛuvewu. Kwa ikyo Iṛuva awore sonu ivaangwa Iṛuva wawo ndi, amu awatania muṛi.

Barua ya Vakolosai 3:16

Kirero kya Kristo kiwore uṛango loose kiishue kari kanu bele! Mukuloshe na ikufunda mu veni na mu veni na fiimbo mukee iniingwa mMumuyo Nsongori, mwimbie Iṛuva ngooń tanu mwimwaanaa.

Luka 16:29

Abraamu kamwia: Vawore firero fa Mose na fa vaauya fisuku valya, vavaaranye wo.

Yohane 1:45

Na Filipo kalolia Natanaeli kamwia: Ulya asendwa mMose mavavasoń na akwaa vvaauya fisuku vakansenda tammaa illolia, yye Yesu wa kulya Nasareti, mmwana wa Yosefu.

Barua ya Vaebrania 11:35

Vaka vakawiiṛio̱ lingi valya vandevafiya veeṛukaa. Kake vengi vakaliswa ukiva na ituṛulwa vakalea iboṛomulwa vakooye iṛuka likee isha kita ilyo.

Luka 24:25

Llyo Yesu avaia: A baa vandu variṅani, nki ili ngoo tanu tallemwa ikusurana na filya foose feemaauywaa vvaauya fisuku?

Yohane 5:40

Neni nta mufurie isha na kwakwa mukooye muu ndi.

Mariko 10:3

Nae kaaṛua kavaia: A Mose amuvavasa are?