Yohane 5:30 - MMA SHIYYA

³⁰ Niń mmakii itana kindo na finya yakwa shi muni ndi. Nkee ifukya kindo kisumani na ikyo namiita. Na uumisio lwakwa llwa usumani, fulya nduyaa mifurie yakwa niń ndi, kake mmifurie ya ito ashirumie.

Yohane 5:30 ပူးပေါင်းရင်းမြစ်များ

Yohane 6:38

Amu kishinnde nuuka iṛuvewu ni ishetana kilya nkundie niń ndi, nkilya kikundio̱ ni ito ashirumie.

Yohane 5:19

Kyasia Yesu kaaṛua kavaia: Nkue nkue namuia: Mwana amakii itana kindo ye muni kitaare nkilya alolia Nde eetanaa ndi. Amu kilya kyoose akee itana ye nkyo na Mwana akitanaa da.

Yohane 4:34

Yesu kavaia: Shoonga yakwa yyo ii: Ni itana mifurie ya ito andeshiruma na yawutia mashoṛa amwi.

Yohane 14:10

Niikai kutakusurie sheeli niń nsaangi na Nde na Nde nae kasaanga nań? Firero fi nkee imuia nkee ifirera kwa makusaṛo akwa meni ndi.

Matayo 26:39

Kaserika kinnya na kwa mbele kawa si na kisangu katereva Iṛuva eereraa: Vaava wakwa, kwakooya kivaa kwite ukiva lu kwaashaań. Kake kitave sheeli niń mfurie ndi, kive sheeli iwe kufurie.

Yohane 8:28

Kyasia Yesu kanumbua: Mukammaa irosa Mwana wa nndu llyo mumanyaa sheeli nniń ye. Ana nta kindo nkee itana kikee kyakwa shi muni, kake nkilya Nde andeshilosha.

Barua ya Varome 15:3

Amu na Kristo akushiisa ye muni ndi, kake nsheeli kyatisiṛwa: ”Irera lyawo vandekurera iwe nniń lindeshishea“.

Yohane 8:50

Nań nta nkee ikuṛuiya nduma wakwa shi muni ndi. Eefo ito akee ishiṛuiya na ifukya kyakwa na kyanu.

Yohane 8:42

Yesu kavaia: Kifo Iṛuva eekee Vaava wanu, mwishikundaa niń, amu niń nndeuka kwa Iṛuva nasha kunu. Nta niń nndesha kwa kiimba kyakwa shi muni ndi, kake yye ashirumie.

Yohane 17:4

Nań nankwitikisa ia isangeń naawutiaa ishoṛa lyo kwanshilivavasa lya iṛunda.

Yohane 18:11

Kyasia Yesu kaia Petiro: Wiiṛa shombo kiboń kyayo. Naare? Umbata lo Vaava anshiniinga ntanwi se?

Barua ya Varome 2:5

Kake iwe kuwore uumu na ngoo shuumu kwalea iilashika, kukee ikwengeṛia ituṛuka ku muni likushee nkonu ulya wa uumisio na irambuka lya uumisio lwa usumani lwa Iṛuva.

Barua ya Varome 2:2

Neese tiishi sheeli uumisio lwa Iṛuva llwa dede kwa valya vakee itana ifo.