Yohane 5:24 - MMA SHIYYA

²⁴ Nkue nkue namuia: Nndu akee yaranya kirero kyakwa na ikusura ito ashirumie awwaria muu wa miṛeṛe na miṛeṛe, nta akiumisio̱o̱ ndi. Fulya ansomuka ufuń kafika muuń.

Yohane 5:24 ပူးပေါင်းရင်းမြစ်များ

Yohane 3:36

Ulya akusuraa Mwana ito avaa na muu utakisiaa. Na ulya atairikiaa Mwana akooyaa muu kutu ndi, kake uvave lwa Iṛuva lulunganaa nae.

Yohane 3:18

Ulya ankusurie aumisio̱o̱ ndi, ulya atankusurie ammaa yumisio̱, fulya atakusurani na Mwana wa Iṛuva ngitani.

Yohane 6:40

Amu ii yyo mifurie ya Nde yakwa: Ulya woose allaa Mwana na inkusura ave na muu wa miṛeṛe na miṛeṛe, nań nindutaa nkonu wa ifurumia.

Barua ya Varome 8:1

Kyasia alli lukiifo uumisio kwa valya vakee va Kristo Yesu ndi.

Yohane 6:47

Nkue namuia kya dede: Ulya akusurie awwaria muu wa miṛeṛe na miṛeṛe.

Yohane 3:16

Nkuro Iṛuva akunda vandu kaotoṛa Mwana wamwi ngitani, amu woose vankusuraa vatareke, kake vaniingwa muu utakisiaa.

Yohane 11:26

Na ulya woose eefo na muu kakusurana nań, akifwaa lingi ndi kumande miṛeṛe. A iwe kukusurie kuro?

Yohane 20:31

Kake ii yantisiṛwa, amu mukusure sheeli Yesu nKristo Mwana wa Iṛuva, na kiimba kya ikusura li mulolie muu mukuvavie na irina lyamwi.

Yohane 8:51

Nkue nkue namuia: Nndu kankuwara na firero fakwa, akifwaa kutu ndi kumande miṛeṛe.

Barua ya Vatesalonike ya mbele 5:9

Amu Iṛuva andetikusaṛia uumisio lwa itireta ndi, kake naamu tikiṛwa ni Nndumi weru Yesu Kristo

Barua ya Yohane ya mbele 5:1

Nndu woose akusurie sheeli Yesu akee Kristo, ito amiiriwa ni Iṛuva. Na nndu woose akundie ulya andemwira, akundaa na ulya andeiriwa yye, ni Iṛuva.

Mariko 16:16

Na ulya woose akusuraa Iṛuva na ibatiswa, ito akiṛwaa, na ulya atankusuraa aumisio̱o̱ amamie.

Barua ya Yohane ya mbele 3:14

Ise tiishi sheeli tamuuka ufuń tikasamia muuń, fulya tikundie vanavamae. Ulya atawore ikunda akaa ufuń.

Yohane 12:44

Kyasia Yesu karosa ununga kanumbua: Ulya ashikusurie niń, nniń ashikusurie ndi, ni ito andeshiruma.

Barua ya Petiro ya mbele 1:21

Amu yye andemwaṛua muve vakusura Iṛuva uu andenduta kwa vafu na inniinga unini. Nkyo kiimba ikusura ifi lyanu lirie na iverea lya iverea Iṛuva.

Barua ya Petiro ya mbele 1:5

Lingi mukankaa na ikusura muringwaa mfinya ya Iṛuva mukooye ikiṛwa lyo lyandeeṛio̱ lya ilolika na baa nkonu ulya wa ifurumia.

Matayo 25:46

Nawo veendaa vakaa na ukiva lutasiaa. Na valya va usumani wo veendaa vakaa na muu utakisiaa.

Yohane 4:36

Na mwilula alli akee iwaria maṛe kiimba kya mashoṛa amwi a isanyiṛia filimu finnde muu wa miṛeṛe, na ito muveekya mbeu andu emwi na mwilula vafure andu emwi.

Yohane 6:50

Kake nkate uu nausenda to uukie iṛuvewu, na nndu aulyaa akifwaa kutu ndi.

Yohane 6:51

Niń nniń nkate to uukie iṛuvewu uwore muu. Na nkate to nndu kaulya alunganaa na muu. Na nkate uu nuuniingaa ni vvili wakwa uniingio̱o̱ amu va isangeń vakooye ikia muu.

Yohane 6:58

Uu nto nkate wolokie uuka iṛuvewu, nsha ulya vaande yanu vandelya vakafwa ndi. Kake nkate to nndu kaulya ito akaa na muu miṛeṛe.