Yohane 4:34 - MMA SHIYYA

³⁴ Yesu kavaia: Shoonga yakwa yyo ii: Ni itana mifurie ya ito andeshiruma na yawutia mashoṛa amwi.

Yohane 4:34 ပူးပေါင်းရင်းမြစ်များ

Yohane 6:38

Amu kishinnde nuuka iṛuvewu ni ishetana kilya nkundie niń ndi, nkilya kikundio̱ ni ito ashirumie.

Yohane 5:30

Niń mmakii itana kindo na finya yakwa shi muni ndi. Nkee ifukya kindo kisumani na ikyo namiita. Na uumisio lwakwa llwa usumani, fulya nduyaa mifurie yakwa niń ndi, kake mmifurie ya ito ashirumie.

Yohane 17:4

Nań nankwitikisa ia isangeń naawutiaa ishoṛa lyo kwanshilivavasa lya iṛunda.

Yohane 19:30

Kyasia ili Yesu andemaa inwa mfinyo ulya utaraṅaa, kanumbua: Kyammaa iva! Kainita nrwe kanutuka.

Matayo 26:39

Kaserika kinnya na kwa mbele kawa si na kisangu katereva Iṛuva eereraa: Vaava wakwa, kwakooya kivaa kwite ukiva lu kwaashaań. Kake kitave sheeli niń mfurie ndi, kive sheeli iwe kufurie.

Yohane 5:36

Kake irambua nkee nalyo niń ni inini kita irambua lya Yohane. Amu mashoṛa alya Nde andeshiniingia mmarisie mmashoṛa wo meni nkee yaṛunda. Wwo akee ishirambua sheeli nNde ashirumie.

Yohane 4:32

Nae kavaia: Niń noore shoonga mutaiishi ini.

Luka 19:10

Fulya Mwana wa nndu ansha iṛuva kilya kikee kireti na ikikiṛa.

Barua ya Vaebrania 12:2

Tille Yesu uu andetibookia ikusura, lingi yye aliawutiaa. Ye andu a ifura liikee ideeṛie live uvingo lwamwi kakurika nsalaba wa indefiya kaeeṛa usutu mungo. Numa kakaa rembo taari ya uko usha lwa kifumbi kya Iṛuva.

Luka 15:10

Nań namuia: Mfo kuro livaa ifura kwa vamalaika va Iṛuva kiimba kya nndu umwi nreti eelashika.

Mitanie ya varumi 20:35

Niń nndemworusa foose sheeli kyatiwara ikwataria mashoṛa kuro da, amu timakii yelekia vatanyari tiikumbuaa firero filya fa Nndumi Yesu andefirera ye muni: Llyo ṅwana iniinga kita iwaria,

Yohane 6:33

Amu nkate wa Iṛuva ni ulya aoloka auka iṛuvewu kaniinga va isangeń muu.

Matayo 3:15

Yesu kamwia: Tia kive kuro! Amu nkuro kyatiwara yawutia ifo fa usumani foose. Kyasia kamwirikia.

Luka 2:49

Kavaia: Nkiki mwikee ishiṛuya? Mwishi se sheeli kyashiwara nsinde kunu kuwore findo fa Nde yakwa?

Yohane 8:29

Na ito ashirumie akee andu emwi nań, nta andeshitia shi muni ndi. Amu filya finsenye ye mfo ntanaa mikonu yoose.

Yohane 19:28

Numa ya ifo ili Yesu andemanya sheeli foose fammarisio̱, amu mitisine yawukie, kanumbua: Namaakuka.

Matayo 9:19

Llyo Yesu akwimboo andu emwi na vaseṛo vamwi vakaenda na nshili ulya.