Yohane 4:14 - MMA SHIYYA

¹⁴ Kake nndu kanwa mura uu ninniingaa niń, akiwarwaa nnyura lingi ndi na kumande miṛeṛe. Kake mura uu niń ninniingaa kari kamwi ushevaa-fo iriso lya mura, nalyo lyeekaa lifike muuń ulungani.

Yohane 4:14 ပူးပေါင်းရင်းမြစ်များ

Yohane 6:35

Yesu kavaia: Niń nniń nkate to wa muu! Nndu kasha kwakwa akiliwaa lingi nsoto ndi. Na ulya ashikusuraa niń akiwarwaa nnyura nta nkonu umwi ndi.

Urambuyo lwa Yohane 7:16

Vakiliwaa lingi nsoto ana nnyura ndi. Ana saa ivele na finya ikivavavisaa ndi ana mui ukivalyaa ndi.

Yohane 11:26

Na ulya woose eefo na muu kakusurana nań, akifwaa lingi ndi kumande miṛeṛe. A iwe kukusurie kuro?

Yohane 6:58

Uu nto nkate wolokie uuka iṛuvewu, nsha ulya vaande yanu vandelya vakafwa ndi. Kake nkate to nndu kaulya ito akaa na muu miṛeṛe.

Barua ya Yohane ya mbele 5:20

Neese tiishi sheeli Mwana wa Iṛuva ammaa isha katiniinga uṛango timanye ito akee muni udede. Neese tilungani na ito muni udede, yye Mwana wamwi Yesu Kristo. Uu yye akee Iṛuva muni udede na muu wa miṛeṛe.

Barua ya Vakorinto ya kavili 1:22

Nae yye andetiniinga kiringiso, lia atiavia nrendekye wa Mumuyo ngooń teru.

Barua ya Varome 6:23

Amu maṛe a mareko ni ufu, kake wavi lwa Iṛuva mmuu wa miṛeṛe wanndwa ni Yesu Kristo Nndumi weru.

Barua ya Petiro ya mbele 1:22

Mukammaa iilisa mirima yanu na iirikia filya fikee fa dede kumande mwafikia ikundana na vanavamae fitawore ukavili, kyasia engeṛień ikundana na nrima mu veni na mu veni.

Yohane 10:10

Inini lishaa-fo ndi kita lyasha iiva na isikya na ireta. Niń nndesha amu nato tikooye muu na findo fitifile na fa mmwasi.

Barua ya Vaefeso 4:30

Ana manya mutanarise Mumuyo ulya Nsongori wa Iṛuva, amu nto mwanniingwa ave kiringisio kya ikiṛwa lyanu.

Barua ya Varome 5:21

Amu sheeli ireko lindeitoṛo fikannde ufu, mfo kuro kwa shia ya usumani ililia liitoṛo kumande muuń wa miṛeṛe lindenndwa ni Yesu Kristo Nndumi weru.

Matayo 25:46

Nawo veendaa vakaa na ukiva lutasiaa. Na valya va usumani wo veendaa vakaa na muu utakisiaa.

Matayo 5:6

Ngoma valya vaworwa nsoto na nyura ya usumani, amu wwo vakaa vawuuruswa.

Yohane 4:10

Yesu kamwaṛua kamwia: Kikooye kwimanyaa wavi lwa Iṛuva na imanya nndu uu akuia: Shirita mura nnwe, llyo nawe kwinterevaa, nae eekuniingaa mura uwore muu.

Yohane 4:11

Nka ulya kamwia: Nndumi, a ili kutawore nta kindo kya iraa mura na usokwa lu lwa mura lwolokie nnu. Nkwi kuutaań mura to uwore muu?

Yohane 4:13

Yesu kamwaṛua kamwia: Ulya woose anwa mura uu awarwaa nnyura lingi da.

Yohane 4:36

Na mwilula alli akee iwaria maṛe kiimba kya mashoṛa amwi a isanyiṛia filimu finnde muu wa miṛeṛe, na ito muveekya mbeu andu emwi na mwilula vafure andu emwi.

Yohane 6:27

Manya mutakwatarie mashoṛa a shoonga ikashaa, kwatarień shoonga yo ikaa kumande muu wa miṛeṛe. Nayo yyo Mwana wa nndu amuniingaa, amu ito yye anderwaywa kiringisio nNdee yye Iṛuva.

Yohane 7:37

Na nkonu to wa imarisia kisuku ukee nnini kita ilya ingi Yesu kasalala-wo karera na ununga unini kanumbua: Nndu aworwa nnyura ashe kwakwa anwe!

Urambuyo lwa Yohane 7:17

Fulya ngarina ii ikee kifumbiń ifo kari ivaisaa kisha na ivanisia sookweń ta mura unnde muu. Na Iṛuva avaanguaa masoru oose misoń awo.