Yohane 4:10 - MMA SHIYYA

¹⁰ Yesu kamwaṛua kamwia: Kikooye kwimanyaa wavi lwa Iṛuva na imanya nndu uu akuia: Shirita mura nnwe, llyo nawe kwinterevaa, nae eekuniingaa mura uwore muu.

Yohane 4:10 ပူးပေါင်းရင်းမြစ်များ

Yohane 4:14

Kake nndu kanwa mura uu ninniingaa niń, akiwarwaa nnyura lingi ndi na kumande miṛeṛe. Kake mura uu niń ninniingaa kari kamwi ushevaa-fo iriso lya mura, nalyo lyeekaa lifike muuń ulungani.

Urambuyo lwa Yohane 7:17

Fulya ngarina ii ikee kifumbiń ifo kari ivaisaa kisha na ivanisia sookweń ta mura unnde muu. Na Iṛuva avaanguaa masoru oose misoń awo.

Urambuyo lwa Yohane 21:6

Kashiia: Kyammaa iva. Niń nkee A na O, wa ibooka na wa ifurumia. Niń nniingaa ulya aworwa nnyura usookwa lwa maṛukioń a mira ya muu kya ruu.

Yohane 3:16

Nkuro Iṛuva akunda vandu kaotoṛa Mwana wamwi ngitani, amu woose vankusuraa vatareke, kake vaniingwa muu utakisiaa.

Urambuyo lwa Yohane 22:17

Na Mumuyo na sambuṛa ilya ya wali vakee inumbua: Oṛesho! Na ulya aitaa iki anumbue: Oṛesho! Na ulya aworwa nnyura ashe. Na alangie awarie mura wa muu kya ruu.

Barua ya Varome 8:32

Ye nta andeiria Mwana wamwi iriso ndi, kake andenniingia kiimba kyeru ti woose. Alemwaań itiavia ise wavi lwamwi loose andu emwi nae?

Barua ya Vakorinto ya mbele 10:4

Woose vakanwa minuiye imwi iikee ya Mumuyo, amu vandenuiya veeutaa mbambeń wa Mumuyo uriani nawo. Na mbamba ulya wikee Kristo.

Yohane 6:35

Yesu kavaia: Niń nniń nkate to wa muu! Nndu kasha kwakwa akiliwaa lingi nsoto ndi. Na ulya ashikusuraa niń akiwarwaa nnyura nta nkonu umwi ndi.

Yohane 17:3

Na muu uu wa miṛere ni ikumanya iwe sheeli ni iwe kukee Iṛuva wa dede, na ito kunrumie yye Yesu Kristo.

Yohane 6:51

Niń nniń nkate to uukie iṛuvewu uwore muu. Na nkate to nndu kaulya alunganaa na muu. Na nkate uu nuuniingaa ni vvili wakwa uniingio̱o̱ amu va isangeń vakooye ikia muu.

Barua ya Vakorinto ya kavili 9:15

Iṛuva aanwa kya kiniingo kyamwi kikilie firero foose fa ikiṅinisa.

Luka 11:13

Kyasiań kwakooya ini, mukee varekwa, mwishi iniinga vana vanu findo fisha, nkilanya se Nde yanu wa iṛuvewu aniingaa valya vakee intereva Mumuyo wamwi Nsongori?

Barua ya Vaefeso 2:8

Amu mundekiṛwa ni uwoo lwa Iṛuva kwa shia ya inkusura. Na ikiṛwa li nkwanu lyukie ndi, wwavi lwa Iṛuva muni.

Barua ya Vakorinto ya mbele 1:30

Kwamwi ye mfo mundeuka ini mukee va Kristo Yesu. Uu yye antitanio̱ ni Iṛuva ave mutiṛangusa na mutisumanisa na mutisongovisa na mutikiṛa.

Barua ya Yohane ya mbele 5:20

Neese tiishi sheeli Mwana wa Iṛuva ammaa isha katiniinga uṛango timanye ito akee muni udede. Neese tilungani na ito muni udede, yye Mwana wamwi Yesu Kristo. Uu yye akee Iṛuva muni udede na muu wa miṛeṛe.

Yohane 16:3

Na ifi vamutaniaa, fulya vateeshi nta Nde ana nta niń.

Mitanie ya varumi 9:11

Nndumi kamwia: Kwimboo enda alya shień ya muṛi ilya ivaangwaa shia shisaari kuṛuye-fo nndu irina lyamwi nSaulo wa kulya Tariso akee kulya numba kwa Yuda, fulya akee itereva Iṛuva.

Barua ya Vaebrania 6:4

Amu iwo vammaa iniingwa langa na ikomba miniingie yukie iṛuvewu na yavio̱ Mumuyo Nsongori