Yohane 3:5 - MMA SHIYYA

⁵ Yesu kamwaṛua: Nkue nakuia kya dede: Kwakooya nndu atairiwaa auka na mura na Mumuyo wa Iṛuva, amakii ifika umangiń lwa Iṛuva ndi.

Yohane 3:5 ပူးပေါင်းရင်းမြစ်များ

Mitanie ya varumi 2:38

Petiro kavaia: Kurreń, na nndu woose abatisio̱ irina lyo lya Yesu Kristo mukooye itio̱ lya mareko anu. Neeni mukooyaa wavi lwa Mumuyo Nsongori.

Barua ya Vaefeso 5:26

amu aiilisie Iṛuva eeisangyaa na mura wa ubatiso ukulunganisie na kirero kya Iṛuva,

Barua ya Petiro ya mbele 3:21

Mura to mfwana ya mura ulya ukee imukiṛa neeni alli, ni ubatiso. Nalo lukee imuuta kiṛinda kya wili ndi, kake lukee itereva Iṛuva nrima nnuru uwore uumu kwa finya ya iṛuka lya Yesu Kristo.

Barua ya Vakorinto ya mbele 6:11

Na kinga kyanu mwikee vandu va mikae ii. Kake mwansangywa, lingi mwamiiliswa mukataalio̱ usumani kwa irina lya Nndumi Yesu Kristo na kwa Mumuyo wa Iṛuva weru.

Matayo 3:11

Nkya dede niń nkee imubatisa na mura kiimba kya iilashika. Kake ito ashaa numa yakwa awore finya kita niń. Ana nta nkaṛiaa ikurika faaru famwi ndi. Ye amubatisaa na Mumuyo Nsongori na muro.

Yohane 3:3

Yesu kamwaṛua kamwia: Nkue nakuia kya dede: Kwakooya nndu atairiwaa lya kavili, amakii ilolia umangi lwa Iṛuva ndi.

Mariko 16:16

Na ulya woose akusuraa Iṛuva na ibatiswa, ito akiṛwaa, na ulya atankusuraa aumisio̱o̱ amamie.

Barua ya Vakorinto ya mbele 2:12

Kake ise tanniingwa mumuyo wa isanga li ndi, kake tanniingwa Mumuyo aukie kwa Iṛuva, amu timakii imanya filya tamaavio̱ ni Iṛuva.

Yohane 1:13

Nawo wwo vandeiriwa iteefo milangie ya usao ana iteefo mire ya vvili ana iteefo mifurie ya nndu nndumi, kake vairiwa kwa mikundie ya Iṛuva.

Barua ya Yohane ya mbele 5:1

Nndu woose akusurie sheeli Yesu akee Kristo, ito amiiriwa ni Iṛuva. Na nndu woose akundie ulya andemwira, akundaa na ulya andeiriwa yye, ni Iṛuva.

Barua ya Yohane ya mbele 2:29

Mukamanya sheeli Iṛuva wwa usumani, mumanyaa sheeli ulya woose atanaa kisumani amiiriwa yye.

Barua ya Vagalatia 6:15

Kake kwavva na Kristo irinwa nkindo ndi ana ilea irinwa nkindo ndi kita yaṛuka mikae miya.

Barua ya Varome 14:17

Amu umangi lwa Iṛuva mmiliye ana minuiye ndi, kake ni usumani na unambwe na ifura fikee iniingwa mMumuyo Nsongori.

Matayo 28:19

Kyasia endeń mundeaṛua vandu va masanga woose, amu vave vanalosho vakwa mwivabatisaa vave va Iṛuva Nde na Mwana na Mumuyo Nsongori.

Matayo 18:3

Kanumbua: Nkya dede namuia: Kwakooya kitaare mweelashika muve va mikae ya fivana, nta mwakaa ifo umangiń lwa iṛuvewu kutu ndi.

Barua ya Petiro ya mbele 1:2

Fulya mwandengio̱ ni Iṛuva Nde mwiliswa mMumuyo Nsongori, amu mukooye ikusura Yesu Kristo na ifwalio̱ usao lwamwi. Uwoo na unambwe feengeṛio̱ kwanu!

Mitanie ya varumi 3:19

Alli kurreń na iilashika mirima yanu, amu fikasha fanu fuutwa fimuuke!

Luka 13:3

Namuia: Nkuro ndi, kake kwakooya mutailashikaa mirimiń, nkuro da mundemamiaa mu woose.

Matayo 5:20

Namuia: Usumani lwanu lutankilyakilya usumani lwa vaaṛia va mitisine na lwa Vafarisayo, mufikaa umangiń lwa Iṛuva kutu ndi.

Barua ya Varome 8:2

Fulya ivavaso li lya Mumuyo munnde muu uukie kwa Kristo Yesu llyo lyantilakanisa na ivavaso lia linnde ireko na ufu.

Luka 13:24

Kabanień mwaango ulya nsuse na utomari mwake! Fulya namuia: Vveengi valangaa yaka nafo vatamakii.

Luka 13:5

Namuia: Nkuro ndi! Kwakooya mutailashikaa nrimiń, nkuro da mundemamiaa mu woose.

Matayo 19:24

Na lingi namuia: Nkyaangu ngoye iitwa mbueń ya sindano kita nndu isimba ifika umangi lwa iṛuvewu.

Matayo 21:31

A kari ka vandu va vavili nuungau andetana kilya kindesenya ndee naań? Vakanumbua: Ni ulya wa mbele. Yesu kavaia: Nkue nkue namuia: Vasańiṛya kyaalo na vaka va shia wwo vamubookyaa ini yaka umangiń lwa Iṛuva.

Mariko 9:47

Na iriso lyafo likankuteveta liiṛue-fo kulikumbe! Llyo ṅwana yaka umangiń lwa Iṛuva kukee iboosho kita iva na miso avili na yeeṛwa iriniń lya muro.

Mariko 10:14

Na Yesu kamanya kavatuṛukia kavaia: Otoṛeń vana vashe kwakwa, manya mutaveemi! Amu valya vakee sha iwo umangi lwa Iṛuva llwawo.

Yohane 3:4

Nikodemo kamwia: Nndu amakii iiriwa are ankua? Amakii yuya simiń ya mae airiwa lingi?

Barua ya Vakorinto ya mbele 15:50

Vanavama, kilya nkee irera ni iki: sheeli kilya kikee na nyama na usao kimakii iwara diṅu ya umangi lwa Iṛuva ndi. Ana kilya kibwaa kimakii irwaa diṅu ya kilya kitabwaa ndi.