Yohane 3:36 - MMA SHIYYA

³⁶ Ulya akusuraa Mwana ito avaa na muu utakisiaa. Na ulya atairikiaa Mwana akooyaa muu kutu ndi, kake uvave lwa Iṛuva lulunganaa nae.

Yohane 3:36 ပူးပေါင်းရင်းမြစ်များ

Yohane 5:24

Nkue nkue namuia: Nndu akee yaranya kirero kyakwa na ikusura ito ashirumie awwaria muu wa miṛeṛe na miṛeṛe, nta akiumisio̱o̱ ndi. Fulya ansomuka ufuń kafika muuń.

Yohane 1:12

Kake valya woose vandewwaria kavaniinga imakii lya iva vana va Iṛuva, wwo valya vakusurani na irina lyamwi

Barua ya Vatesalonike ya mbele 5:9

Amu Iṛuva andetikusaṛia uumisio lwa itireta ndi, kake naamu tikiṛwa ni Nndumi weru Yesu Kristo

Barua ya Vaefeso 5:6

Nta mutalembwa ni nndu na firero fa iiṅana, amu kiimba kya findo fa mikae ii ituṛuka lya Iṛuva lyolokiaa valya vambiṛie.

Barua ya Varome 5:9

Alli naareń? Kwakooya usao lwamwi lwantiniinga usumani, tikiṛwaań yye se uumisio lutatikooye?

Yohane 8:51

Nkue nkue namuia: Nndu kankuwara na firero fakwa, akifwaa kutu ndi kumande miṛeṛe.

Yohane 10:28

Nań natiniinga muu wa miṛeṛe na miṛeṛe. Ana to nta tirekaa miṛeṛe ndi. Ana nta eefo nndu atisokaa ifo maakoń akwa ndi.

Yohane 3:3

Yesu kamwaṛua kamwia: Nkue nakuia kya dede: Kwakooya nndu atairiwaa lya kavili, amakii ilolia umangi lwa Iṛuva ndi.

Urambuyo lwa Yohane 21:8

Kake valya vakee veeṛei na vatakusurie na vatuṛua na vawaa na vaaisi na vasavi na valya vakee iindia fifu na va wongo woose fuva yawo ikee iruveń lia likee yaka muro wa kibalabala. Ilu llo ufu lwa kavili.“

Barua ya Vatesalonike ya mbele 1:10

na iverea Mwana wamwi ashe auka iṛuvewu, nae yye andenduta kuuka kwa vafu, nae yye Yesu mutikiṛa uumisio lua lukaa lushe.

Barua ya Vagalatia 3:10

Kake valya woose vakee ikwatarikia na mitanie ya mavavaso wo vakaa kwa si ya kidengo. Amu nkitisiṛe: ”Ulya woose atakaa na filya foose fikee fitisiṛe kitabuń kya mavavaso na ifiirikia, adengwa“.

Barua ya Varome 8:1

Kyasia alli lukiifo uumisio kwa valya vakee va Kristo Yesu ndi.

Luka 3:6

Na vandu woose valolie ikiṛwa ni Iṛuva!

Barua ya Vaebrania 10:29

Mukusaṛie are? Kyawara se nndu to anruma Mwana wa Iṛuva akooye uumisio lwa mmwasi na itaalio̱ usao lua lwa mma andeiliswa nalo sheeli kitakee kindo na itavania Mumuyo munnde uwoo?

Barua ya Vaebrania 2:3

a ise naare tirishaa uumisio, ili tibiṛie nrumi shisha ya ikiṛwa iṅini kuri? Ni Nndumi muni ndi andebooka itiongoya nrumi ii? Nayo ikarambulwa numa vvalya vandeiita na marwi awo.

Barua ya Varome 4:15

Amu ivavaso llyo linnde uvaave, kake liteefo ivavaso irekio liifo ndi.

Luka 2:30

fulya miso akwa allolia Nkiṛa wafo

Matayo 25:46

Nawo veendaa vakaa na ukiva lutasiaa. Na valya va usumani wo veendaa vakaa na muu utakisiaa.

Mariko 16:16

Na ulya woose akusuraa Iṛuva na ibatiswa, ito akiṛwaa, na ulya atankusuraa aumisio̱o̱ amamie.

Yohane 4:36

Na mwilula alli akee iwaria maṛe kiimba kya mashoṛa amwi a isanyiṛia filimu finnde muu wa miṛeṛe, na ito muveekya mbeu andu emwi na mwilula vafure andu emwi.

Yohane 6:58

Uu nto nkate wolokie uuka iṛuvewu, nsha ulya vaande yanu vandelya vakafwa ndi. Kake nkate to nndu kaulya ito akaa na muu miṛeṛe.

Mitanie ya varumi 14:2

Kake Vayuda valya vatakusurie wo vakafuluta vayavaṛumu na ivaatia fikasha, amu vasue vanavamae.

Barua ya Vaebrania 3:18

A lingi ni i avaliya ikite sheeli: ”Vaakaa kiimuyoń kyakwa ndi“? Ni iwo se vandelea iirikia?

Barua ya Vaebrania 3:19

Neese tilolie sheeli vandemakii yaaka ndi, fulya kitaare vandekusura.