35 Nde akundie Mwana kanrambikia foose maakoń amwi.
Yesu kavashea karera nawo. Kavaia: Niń nanniingwa finya yoose ya ishilia kulya iṛuvewu na kunu isangeń.
Amu Nde nta aumisiaa nndu ndi, kake uumisio loose anrambikie Mwana,
Amu Nde akundie Mwana kamwonga kyoose atana ye muni. Na akwaa mmashoṛa manini kita iwo amworusaa, amu neeni muṛiike.
Kanumbua: Nanrambikio̱ findo foose vVaava wakwa. Ana eefo eeshi Mwana kitaare nNde ndi, ana eefo eeshi Nde kitaare mMwana na ulya Mwana anrambuyaa ndi.
Ni iwe kunniingie finya ya ishilia vandu woose, amu woose kwammuniingia avaniinge muu wa miṛere.
Nanrambikyo findo foose nNde yakwa. Nta eefo nndu eeshi Mwana kitaare nNde ndi. Ana nta eefo nndu eeshi Nde kitaare mMwana na ulya Mwana afurie inrambuya ndi.
Karwaa findo foose kwa si ya marende amwi kamwaṛua nrwe wa siṛi ashilie foose.
Nae Yesu muni eemmanyaa sheeli Nde ammurambikia findo foose maakoń amwi na sheeli andeuka kwa Iṛuva, nae auyaa kwa Iṛuva.
Nae akee uko usha lwa Iṛuva, ili amaa iroswa iṛuvewu. Mfo eerikio̱ wamalaika na vanini na va finya vakee kwa si yamwi.
Amu ”arwaa findo foose kwa si ya marende amwi“. Kake ifi anumbuaa: Sheeli foose fikee kwa si yamwi, kisumani ito andefirwaa kwa si yamwi atasaandi-wo.
Ifurumia lya mikonu ii karera neese na kana ka Mwana uu andenrwaa ave muyadiṅu ya foose. Lingi yye andetana nae isanga lyoose.
Nań nawarambuya irina lyafo, na lingi nee-ngeṛiaa ivarambuya. Na ikunda lyo kundeshikunda nalyo likaa ifo mirimiń yawo, nań nkaa nsaangi nawo.
Niń vve andu emwi nawo, nawe kuve andu emwi nań, nawo vave vandu va imarisia iva kimwi. Na va isanga vautie-wo imanya sheeli ni iwe kushirumie niń, lingi kwavvakunda sheeli kundeshikunda niń.
Sheeli Nde andeshikunda niń, nkuro nań nammukunda ini. Kaań na ikunda lyakwa!
Ili eereraa kuro, lia eni iṛumbe likasha liivaramaa likavaendye nruve. Na ununga lukauka iṛumbeń lia lwireraa: Uu mMwama wakwa ninkundye nammusaua. Uu yye mumwaranyaa!
Na ununga lukauka iṛuvewu lwireraa: Uu mMwana wakwa nkunde ashisenye.
