Yohane 3:3 - MMA SHIYYA

³ Yesu kamwaṛua kamwia: Nkue nakuia kya dede: Kwakooya nndu atairiwaa lya kavili, amakii ilolia umangi lwa Iṛuva ndi.

Yohane 3:3 ပူးပေါင်းရင်းမြစ်များ

Barua ya Vakorinto ya kavili 5:17

Kiimba kya iki nndu kankaa na Kristo avva nndu mwiya. Famwi fa mbele famiira, lla te foose favva fiiya.

Barua ya Yohane ya mbele 3:9

Nndu woose amiiriwa ni Iṛuva atanaa mareko ndi, amu mbeu yamwi ikaa kari kamwi. Kiimba kya ikyo amakii itana kikasha ndi, fulya amiiriwa ni Iṛuva.

Barua ya Yohane ya mbele 5:1

Nndu woose akusurie sheeli Yesu akee Kristo, ito amiiriwa ni Iṛuva. Na nndu woose akundie ulya andemwira, akundaa na ulya andeiriwa yye, ni Iṛuva.

Barua ya Tito 3:5

nta nkiimba kya mitanie yeru ikee minuru yyo yakangia katitania kuro ndi, kake nkiimba kya ililia lyamwi muni. Nkyo atikiṛia eetisangyaa mirima tikava vandu vamiiriwa lya kavili vawore mikae miiya,

Yohane 1:13

Nawo wwo vandeiriwa iteefo milangie ya usao ana iteefo mire ya vvili ana iteefo mifurie ya nndu nndumi, kake vairiwa kwa mikundie ya Iṛuva.

Barua ya Yohane ya mbele 2:29

Mukamanya sheeli Iṛuva wwa usumani, mumanyaa sheeli ulya woose atanaa kisumani amiiriwa yye.

Barua ya Petiro ya mbele 1:3

Aarafumwa Iṛuva akee Nde wa Nndumi weru Yesu Kristo andetililia na ililia lyamwi iingi katiira lya kavili tiware iverea linnde muu kiimba kya miṛukie ya Yesu Kristo kwa vafu.

Barua ya Vagalatia 6:15

Kake kwavva na Kristo irinwa nkindo ndi ana ilea irinwa nkindo ndi kita yaṛuka mikae miya.

Barua ya Yohane ya mbele 5:18

Tiishi sheeli nndu woose andeiriwa ni Iṛuva atanaa fikasha ndi. Kake ulya amiiriwa ni Iṛuva akuringaa, amu Nkasha ulya atambaani.

Barua ya Vakorinto ya kavili 4:4

Amu kari kawo iṛuva lya isanga li lyanraya makusaṛo a valya vatakusurie, amu vatamulikio̱ llanga ya nrumi ya unini lwa Kristo, nae avakie Iṛuva.

Yohane 12:40

”Awariṅanisa miso awo kaa-ṛua ngoo tawo sheemeri, kaaṛa vatalolie na miso awo na imanya mirimiń yawo veelashike, nań wakiṛe.“

Barua ya Vaefeso 2:1

Kusaṛeń kyanu ini mwikee ufuń kiimba kya makasha anu na mareko anu,

Yohane 1:5

Na langa yo ikee ivaa ifo llemiń, na llema nta iiwaria.

Barua ya Yakobo 3:17

Kake uṛango luukie ule lya mbele ni usha, lingi llwa unambwe na lwa uwoo na lwa windi lwa iindia vengi. Lwishule mitanie misha na ililia, loore inunua ana loore ukavili ndi.

Yohane 1:51

Kanumbua: Namuia kya dede: Kuuka alli muloliaa iṛuvewu liruukie na vamalaika va Iṛuva veesaamaa na yolokia Mwana wa nndu.

Matayo 16:17

Yesu kaaṛua kamwia: Kukee wa ngoma, Simon wa Yona, amu muyawili na usao amakii ikurambuya ifi ndi, kake nNde yakwa wa iṛuvewu yye ankurambuya.

Matayo 5:18

Nkue namuia kikee kya dede: Iṛuvewu na isanga fisyaa, kake iifo nta mitisine itisiṛie mavavasoń irekaa ndi, kumande foose faawukyaa.

Urambuyo lwa Yohane 3:14

Na mwisi ulya wa siṛi ya Laodikia ntisiṛie: A fi firero farerwa ni ito akee irera kirero kya mbooko na kirero kya ifurumia, akee nrambua nsongori na wa udede, akee mumbele wa filya foose fitani fa Iṛuva. Nafo mfo ifi:

Matayo 19:24

Na lingi namuia: Nkyaangu ngoye iitwa mbueń ya sindano kita nndu isimba ifika umangi lwa iṛuvewu.

Matayo 21:31

A kari ka vandu va vavili nuungau andetana kilya kindesenya ndee naań? Vakanumbua: Ni ulya wa mbele. Yesu kavaia: Nkue nkue namuia: Vasańiṛya kyaalo na vaka va shia wwo vamubookyaa ini yaka umangiń lwa Iṛuva.

Mariko 9:47

Na iriso lyafo likankuteveta liiṛue-fo kulikumbe! Llyo ṅwana yaka umangiń lwa Iṛuva kukee iboosho kita iva na miso avili na yeeṛwa iriniń lya muro.

Mariko 10:14

Na Yesu kamanya kavatuṛukia kavaia: Otoṛeń vana vashe kwakwa, manya mutaveemi! Amu valya vakee sha iwo umangi lwa Iṛuva llwawo.

Yohane 3:4

Nikodemo kamwia: Nndu amakii iiriwa are ankua? Amakii yuya simiń ya mae airiwa lingi?

Barua ya Yohane ya mbele 5:4

Fulya nndu woose amiiriwa ni Iṛuva avingaa isanga. Na kindo kya ivinga isanga ni ikusura lyeru.