Yohane 3:27 - MMA SHIYYA

²⁷ Yohane kaaṛua kanumbua: Eefo nta nndu amakii ikooya kindo kitaare ankiniingwa kyuka iṛuvewu ndi.

Yohane 3:27 ပူးပေါင်းရင်းမြစ်များ

Barua ya Yakobo 1:17

Kindo kyoose kikee kinuru na kindo kyoose kikee kisongori tubu nkyo kyukaa ule kwa Nde wa langa atawore miilashie ya langa na ya llema.

Barua ya Vakorinto ya mbele 4:7

Amu ni i akee ikwavanisa na ungi? A iwe nkiki kitaare kwankiwaria? Kake kwakooya kwankiwaria kukwitikisiaań ki sheeli kutandekiwaria?

Barua ya Vakorinto ya mbele 15:10

Kake kwa ililia lya Iṛuva nava sheeli nkai, na ililia lyamwi likee kwakwa lindeva lya ruu ndi. Kake nndeengeṛia nnu iṛunda mashoṛa kilanya ya woose, ana nta niń ndi, kake ni ililia lya Iṛuva likee nań.

Matayo 25:15

Kaniingya ulya umwi feenga firaanu na ungi feenga fivili na ulya ungi kyeenga kimwi. Kaniingya nndu woose kilya kiińańani na finya tamwi. Kakwimboo kyaaṛo.

Barua ya Timoteo ya mbele 2:7

Nań kiimba kya ikyo nnderawa-fo vve nkwanisa wayo na nrumi na iva vve llosha wa vayavaṛumu vakooye ikusura na udede — nkee irera dede, nta nkee irera wongo ndi.

Matayo 21:25

A ubatiso lwa Yohane luukye kwi? Luukye iṛuvewu ana nkwa vandu? Nawo vakakuuṛa wo eni na veni veenumbuaa: Kwakooya tanumbua: Luukye iṛuvewu, llyo atiiaa: Naamu ki kitaare mwakusuraań?

Barua ya Varome 12:6

Lingi tanniingwa wavi wiingi, nndu woose awore lwamwi sheeli amaavio̱. Ulya akee mwauya aauye kisumani na ikusura lyamwi lya ikusura Iṛuva.

Mariko 13:34

Kivakani sheeli nndu aendaa kyaaṛo katia numba yamwi. Kavavasia masinga amwi nndu woose na ishoṛa lyamwi. Kavavasa nringi wa mwaango alale rembo.

Barua ya Vaefeso 1:1

Niń Paulo nkee nrumi wa Kristo Yesu kwa mifurie ya Iṛuva. Namwisana ini mukee vasongori valya va ifo Efeso mukusurie Kristo Yesu.

Barua ya Vagalatia 1:1

Niń Paulo nkee nrumi. Nte nnderumwa wandu ndi, ana nta nnderawa uṛundiń ilu ni nndu ndi. Kake nnderumwa ni Yesu Kristo na Iṛuva Vaava andenduta kuuka kwa vafu.

Barua ya Vakorinto ya mbele 12:11

Kake ifi foose fikee iṛundwa mMumuyo ulya muni da eeaviaa nndu woose sheeli akundie ye muni.

Barua ya Vakorinto ya mbele 3:5

A Apolo wwa ki? Na Paulo wwa ki? Vvaṛundi vandemulosha ikusura Nndumi, na nndu woose weru akee iṛunda sheeli andeavio̱ ni Nndumi.

Barua ya Varome 1:5

Nae yye andeshililia na ishaavia imakii vve nrumi wa ilosha vayavaṛumu woose vankusure na iindia irina lyamwi.

Barua ya Vakorinto ya mbele 1:1

Niń Paulo nndevaangwa vve nrumi wa Yesu Kristo kwa mifurie ya Iṛuva.

Yohane 6:65

Kanumbua: Nkyo kiteveto namuia: Eefo nndu amakii ifika kwakwa kitaare aelekio̱ nNde yakwa ndi.

Yohane 10:41

Vandu vakanshea veengi vakanumbua: Dede Yohane atana myorusie nta umwi ndi. Kake foose Yohane anderera fa mboni ta nndu uu fiikee fa dede deń.