Yohane 3:21 - MMA SHIYYA

²¹ Kake ulya aṛundaa mashoṛa asumani na uvavaso lwa Iṛuva ito ashaa na langeń, amu mashoṛa amwi amanyike na baa, fulya antana akusurani na Iṛuva.

Yohane 3:21 ပူးပေါင်းရင်းမြစ်များ

Barua ya Yohane ya mbele 1:6

Kwakooya tikee inumbua tikulungie nae tikaṛuaṛua ifo llemiń, tikee irera wongo, nta tikee itana kilya kikee kya dede ndi.

Barua ya Yohane ya kararu 1:11

Nkunde wakwa, manya ilatia fa ukasha, kake latia fa usha. Ulya akee itana fisha amilie kwa Iṛuva. Kake ulya atanaa fikasha nta allolia Iṛuva ndi.

Barua ya Vaefeso 5:9

Kilya Mumuyo wa Iṛuva avikaa ni usha na usumani na findo fa dede.

Barua ya Vafilipi 2:13

Amu Iṛuva yye amuṛundiaa mirimiń yanu eemuniingaa finya ya ibooka mashoṛa anu na yamarisia, amu munsenye.

Barua ya Vagalatia 6:8

Fulya ulya akusuranaa na makusaṛo amwi wo meni akooyaa ureti, kake ulya akusuraa usumani luukie kwa Mumuyo akooyaa muu utakisiaa.

Barua ya Petiro ya mbele 1:22

Mukammaa iilisa mirima yanu na iirikia filya fikee fa dede kumande mwafikia ikundana na vanavamae fitawore ukavili, kyasia engeṛień ikundana na nrima mu veni na mu veni.

Barua ya Vaebrania 13:21

Iṛuva uu amuniinge finya ya itana mifurie yoose ilya afurie! Ye akaarise mirimiń yanu kilya kinsenyie eemurwaa shień ya Yesu Kristo. Uu eetikiswa miṛeṛe na miṛeṛe! Amen.

Barua ya Vakolosai 1:29

Nań nkee ikwatara kwa ikyo na ikabana kwa finya ya ito akee nań na imakii lyamwi.

Barua ya Vafilipi 1:11

na iishuṛwa usha lua lukee yuka kwa Yesu Kristo na iṅinisa nalo Iṛuva.

Yohane 5:39

Mukee ikwataria mitisine mwikusaṛaa sheeli ini mukooyaa-wo muu wa miṛeṛe. Nayo yyo meni ikee ishirambua niń.

Yohane 1:47

Ili Yesu andelolia Natanaeli eeshaa na kwamwi kamwia: A uu Mwisiraeli wa dede ataare ukavili kari kamwi.

Barua ya Vakorinto ya kavili 1:12

Amu tikisi yeru ikee irambulwa mmirima yeru yyo ii sheeli: Tindekuwara na weendo kunu isangeń lukee lwa usongovisi na warutu luukie kwa Iṛuva, nta llwa uṛango lwa kivandu ndi, kake wweendo lukee ikuwara na ililia lya Iṛuva lukamanyika kwanu ini kya mmwasi.

Barua ya Vakorinto ya mbele 15:10

Kake kwa ililia lya Iṛuva nava sheeli nkai, na ililia lyamwi likee kwakwa lindeva lya ruu ndi. Kake nndeengeṛia nnu iṛunda mashoṛa kilanya ya woose, ana nta niń ndi, kake ni ililia lya Iṛuva likee nań.

Urambuyo lwa Yohane 3:15

Niishi mitanie yafo sheeli kurelelie ana kuwore muro ndi. Kiikooyaa kurelelie ana kukee na muro.

Yohane 3:20

Ulya atanaa fikasha ito asule langa ana ashaa langeń ndi, amu mitanie yamwi itamanyike.

Yohane 7:17

Nndu kafura itana kilya ye afurie, amanyaa akwaa miloshie yo yukie kwa Iṛuva ana akwaa mfirero fakwa feni nkee irera.