Yohane 3:2 - MMA SHIYYA

² Kashea Yesu kyeeri kya kio kamwia: Nndumi, ise tiishi sheeli kukee llosha kuukie kwa Iṛuva, fulya ateefo nndu amakii itana myorusie ilya ya finya iwe kukee itana, kwakooya Iṛuva atakee nae.

Yohane 3:2 ပူးပေါင်းရင်းမြစ်များ

Yohane 5:36

Kake irambua nkee nalyo niń ni inini kita irambua lya Yohane. Amu mashoṛa alya Nde andeshiniingia mmarisie mmashoṛa wo meni nkee yaṛunda. Wwo akee ishirambua sheeli nNde ashirumie.

Mitanie ya varumi 10:38

Yesu wa Nasareti Mumuyo Nsongori na finya. Nae kaṛuaṛua na itania kinuru valya woose veekee iliswa ukiva nSatana na ivakiṛa, fulya Iṛuva eekee andu emwi nae.

Mitanie ya varumi 2:22

Muṛe womi va Isiraeli, aranyiń firero fi: Yesu uu wa Nasareti ni nndu anderumwa ni Iṛuva ilyo andesha kwanu, kamanyiswa na findo finini na maṛiikiso na myorusie Iṛuva andefitana na uko lwamwi mbele yanu, sheeli mwishi ini mu veni.

Yohane 9:16

Kyasia kiindi kya Vafarisayo valya vakanumbua: Nndu to ni nndu aukie kwa Iṛuva ndi, fulya ataindiaa nkonu wa Sabato. Vengi vakanumbua: Kwakooya ni nndu nrekwa, naare amakii itana findo fa maṛiikiso sha ifo? Llyo vakwava makamba avili.

Yohane 12:37

Mfo firero Yesu anderera kamaa. Kalakana na vandu kandekufisa. Kake lla kasa andetana myorusie miingi kuri mbele yawo, nawo nta vandenkusura ndi.

Yohane 1:38

Yesu kainduka kavalolia veensoṛaa kavaia: Nkiki mukee iṛuya? Vakamwia: Rabi, — misendie yayo nkimwi na llosha — a andu kwaeveṛia uvari nkwi?

Matayo 22:16

Vakarumya Yesu vandu vawo andu emwi na vandu va Herode vakamwia: Llosha nnini, tikwishi sheeli kukee nndu awore firero fa dede na shia ya Iṛuva kwaiorusa kisumani. Nawe kwafo kuwore wa mungo ana wa kivari ndi.

Yohane 7:31

Na vandu veengi kari ka syamu vakautia-wo inkusura. Vakanumbua: Ili Kristo ashaa, naań atanaa findo finini kita ifi nndu uu andetana?

Yohane 20:16

Llyo Yesu awaanga: Maria uu! Kamwaṛukia kammanya kamwia: Llosha wakwa, ni iwe ṛo?

Yohane 15:24

Kifo kitaare neendundaa mashoṛa kwawo atandeṛundwa ni nndu ungi kuuka, veevaa na mareko ndi. Kake alli valolie na ishisua vakashisua niń na Nde yakwa.

Yohane 3:26

Vakashea Yohane vakamwia: Ulya kwikee nae kwa kulya ya mura wa Yoridane ulya kwanrambua iwe, ito nae akee ibatisa, na vandu woose vakee inshea.

Mariko 12:14

Vakasha na-wo vakamwia: Llosha, tiishi sheeli iwe kukee nndu wa dede. Ana nta kullaa tikisi ya nndu ndi. Ana kwafo kuwore wa mungo ana wa kivari ndi. Kake kuloshaa shia ya Iṛuva na udede. Tiień kisumani iniinga mangi kyaalo ana wode? Tikanniinga ana tikamwima?

Barua ya Vafilipi 1:14

Na vanavamae veengi valungani na Nndumi vakautia-wo finya ya ikaṛia ikwanisa kirero kya Iṛuva kiimba kya ifingwa lyakwa vatawore weṛei.

Matayo 23:7

Na iisanwa wandu ifo singiṛeń na ivaangwaa valosha vanini wandu.

Matayo 23:8

Kake ini manya mutavaangwa valosha vanini wandu, amu llosha wanu ni umwi, yye Kristo. Neeni mu woose mukee vana va nka.

Yohane 2:11

Nkyo kindo kya mbooko Yesu atana kya maṛiikiso kikatanikia kulya muṛiń wa Kana ukee muungoń ulya wa Galilaya. Kamanyisa nakyo unini lwamwi. Na vaseṛo vamwi vakautia-wo inkusura.

Yohane 4:31

Ili kikikee kuro vanalosho vamwi vakantereva vakamwia: Llosha, lyań te!

Yohane 6:2

Na isyamu iingi likansoṛa, fulya veelloliaa myorusie ilya minini andetana ya ikiṛa vandu valole.

Yohane 10:38

Kake kwakooya nava mwaṛunda, na kikava kitaare mwashikusura niń shi muni, kusuraniń na mashoṛa wo akwa muutie-wo imanya deń sheeli Nde asaangi nań, nań nsaangi na Nde.

Yohane 14:10

Niikai kutakusurie sheeli niń nsaangi na Nde na Nde nae kasaanga nań? Firero fi nkee imuia nkee ifirera kwa makusaṛo akwa meni ndi.