Yohane 3:19 - MMA SHIYYA

¹⁹ Na uumisio llo ilu: Langa yansha isangeń na vandu vakafura llema kita langa, fulya mitanie yawo iikee mikasha,

Yohane 3:19 ပူးပေါင်းရင်းမြစ်များ

Yohane 8:12

Kyasia Yesu karera nawo lingi kanumbua: Niń nkee langa ya isanga. Ulya ashisoṛaa niń akiendaa llemiń kutu ndi, kake avaa na langa innde muu.

Barua ya Vatesalonike ya kavili 2:12

amu vaumisio̱ woose, fulya vatandekusura fa udede, kake vandesenywa mfilya fikee fa ureti.

Barua ya Varome 2:8

Kake vayauṛiingi valea iirikia filya fikee fa dede, fulya wo vasenywaa mfa ureti, iwo vakooyaa ituṛuka na uumisio.

Yohane 12:43

Amu wo veekundiee iitikiswa vvandu kita iitikiswa ni Iṛuva.

Barua ya Varome 1:32

Lla kasa veeshi nnu uumisio lwa usumani lwa Iṛuva, sheeli iwo vakee itana ifo kyavawara vakooye ufu, nawo vakee itana ifo, ana wwo veni da ndi, kake vakee iirikiana na iwo vakee ifitana.

Yohane 5:44

Mumakii are ishikusura ini mukee ikwitikisa mu veni na mu veni, na nduma ulya ukee yuka kwa Iṛuva muni mutakee iṛuya?

Barua ya Petiro ya kavili 3:3

Lya mbele manyiń kirero ki: Mikonu ya ifurumia vakwimboo vateenda vawore fiteendo fikasha veengeṛiaa isoṛa milangie yawo veni

Yohane 1:4

Kari kayo mfo muu wikaii. Na muu to ukava langa ya ivaiya vandu.

Luka 12:47

Na iketi lia liishi mifurie ya nndumi wamwi, nalyo nta itana mifurie yamwi, ito akabwaa ikabwa lya kita.

Barua ya Petiro ya mbele 2:8

Lingi ni ”iwe lya ikusiika na usuṛumate lwa ikwinyamiṛa“. Nawo vakee ikukaba kiimba kya ilea ikusura kirero, nafo mfo kuro vankirwaywa.

Yohane 7:7

Isanga limakii imusua ini ndi. Kake niń lishisule, fulya niń nkee irambua sheeli mashoṛa ayo mmakasha.

Yohane 7:17

Nndu kafura itana kilya ye afurie, amanyaa akwaa miloshie yo yukie kwa Iṛuva ana akwaa mfirero fakwa feni nkee irera.

Luka 16:14

Vafarisayo vakaita ifi foose anumbua. Nawo veekee vandu valangie nnu fesa. Vakannaṅaṛia.

Yohane 1:5

Na langa yo ikee ivaa ifo llemiń, na llema nta iiwaria.

Yohane 9:5

Kyeeri kyo nkee kunu isangeń niń nkee langa ya isanga.

Yohane 12:31

Alli uumisio lwa isanga li lwaawukia. Alli mwitoṛo wa isanga li aburuswaa aliuke.

Yohane 12:46

Niń nansha isangeń nava langa, naamu nndu woose ashikusurie atakikaa llemiń.