Yohane 3:18 - MMA SHIYYA

¹⁸ Ulya ankusurie aumisio̱o̱ ndi, ulya atankusurie ammaa yumisio̱, fulya atakusurani na Mwana wa Iṛuva ngitani.

Yohane 3:18 ပူးပေါင်းရင်းမြစ်များ

Barua ya Yohane ya mbele 5:10

Ulya akusuraa Mwana wa Iṛuva, ito akuwore na irambua lyo. Ulya ara atakusura Iṛuva ammwaṛua wa wongo, fulya kitaare andekusura irambua lia Iṛuva anderambua nalyo Mwana wamwi ye muni.

Mariko 16:16

Na ulya woose akusuraa Iṛuva na ibatiswa, ito akiṛwaa, na ulya atankusuraa aumisio̱o̱ amamie.

Barua ya Varome 8:1

Kyasia alli lukiifo uumisio kwa valya vakee va Kristo Yesu ndi.

Yohane 5:24

Nkue nkue namuia: Nndu akee yaranya kirero kyakwa na ikusura ito ashirumie awwaria muu wa miṛeṛe na miṛeṛe, nta akiumisio̱o̱ ndi. Fulya ansomuka ufuń kafika muuń.

Barua ya Yohane ya mbele 5:12

Ulya akuwore na Mwana awore muu ito. Ulya atakuwore na Mwana wa Iṛuva awore muu uu ndi.

Yohane 3:36

Ulya akusuraa Mwana ito avaa na muu utakisiaa. Na ulya atairikiaa Mwana akooyaa muu kutu ndi, kake uvave lwa Iṛuva lulunganaa nae.

Barua ya Varome 5:1

Kyasia ili tansumaniswa kiimba kya ikusura Iṛuva, toore witanu na Iṛuva. Na ulya atiitanisa na Iṛuva ni Nndumi weru Yesu Kristo.

Barua ya Yohane ya mbele 4:9

Ikunda lya Iṛuva lyammanyika kweru, ili anderuma Mwana wamwi ngitani isangeń, amu tiniingwa muu yye.

Barua ya Varome 8:34

Ni i avaumisiaa? Kristo Yesu eefo ulya andefwa, na kita ikyo andeṛuka akee uko usha lwa Iṛuva, lingi yye akee ititerevia.

Yohane 20:31

Kake ii yantisiṛwa, amu mukusure sheeli Yesu nKristo Mwana wa Iṛuva, na kiimba kya ikusura li mulolie muu mukuvavie na irina lyamwi.

Yohane 6:47

Nkue namuia kya dede: Ulya akusurie awwaria muu wa miṛeṛe na miṛeṛe.

Yohane 6:40

Amu ii yyo mifurie ya Nde yakwa: Ulya woose allaa Mwana na inkusura ave na muu wa miṛeṛe na miṛeṛe, nań nindutaa nkonu wa ifurumia.

Yohane 1:18

Eefo nta nndu allolia Iṛuva ndi. Mwana to wa Iṛuva ngitani ito akee ṅundeń ya Ndee yye andetoongoya kyoose.

Barua ya Vaebrania 2:3

a ise naare tirishaa uumisio, ili tibiṛie nrumi shisha ya ikiṛwa iṅini kuri? Ni Nndumi muni ndi andebooka itiongoya nrumi ii? Nayo ikarambulwa numa vvalya vandeiita na marwi awo.

Barua ya Vaebrania 12:25

Lleń mutalee ulya akee irera neeni. Amu kwakooya valya kitaare vandemakii ikia, ili vandelea ulya andekumanyisa kwawo kunu isangeń, kya mmwasi nnu ise tikiaa tikankwava nae mutiikimba akee iṛuvewu ndi.

Yohane 1:12

Kake valya woose vandewwaria kavaniinga imakii lya iva vana va Iṛuva, wwo valya vakusurani na irina lyamwi

Yohane 3:16

Nkuro Iṛuva akunda vandu kaotoṛa Mwana wamwi ngitani, amu woose vankusuraa vatareke, kake vaniingwa muu utakisiaa.

Barua ya Vaebrania 3:19

Neese tilolie sheeli vandemakii yaaka ndi, fulya kitaare vandekusura.

Barua ya Yohane ya mbele 3:23

Na ivavaso lyamwi llyo ili: Tikusurane na irina lya Mwana wamwi Yesu Kristo na ikundana ise ti veni na ti veni, sheeli ye antivavasa.