Yohane 3:17 - MMA SHIYYA

¹⁷ Fulya Iṛuva aruma Mwana wamwi isangeń, amu aumisie isanga ndi, kake naamu isanga likiṛwa yye.

Yohane 3:17 ပူးပေါင်းရင်းမြစ်များ

Barua ya Yohane ya mbele 4:14

Neese tallolia na miso eru na irambua sheeli Nde anderuma Mwana ave nkiṛa wa isanga.

Luka 19:10

Fulya Mwana wa nndu ansha iṛuva kilya kikee kireti na ikikiṛa.

Yohane 6:57

Na sheeli Nde ito ashirumie akee muni muu, nań nakaa na muu kiimba kya Nde, mfo kuro na ulya ashilyaa niń akaa na muu kiimba kyakwa.

Yohane 6:40

Amu ii yyo mifurie ya Nde yakwa: Ulya woose allaa Mwana na inkusura ave na muu wa miṛeṛe na miṛeṛe, nań nindutaa nkonu wa ifurumia.

Yohane 6:29

Yesu kaaṛua kavaia: Iva wwo mashoṛa a Iṛuva ni ikusura ito anderumwa yye.

Yohane 20:21

Yesu kavaia lingi: Kaań na unambwe! Sheeli Nde andeshiruma niń, nkuro nań nkee imuruma.

Barua ya Yohane ya mbele 2:2

Nae yye kirasio kya mareko eru, ana nta nkya mareko eru da ndi, kake na kya mareko a va isangeń lyoose.

Yohane 17:3

Na muu uu wa miṛere ni ikumanya iwe sheeli ni iwe kukee Iṛuva wa dede, na ito kunrumie yye Yesu Kristo.

Yohane 11:42

Nań niishi sheeli kushaaranyaa mikonu yoose. Kake kikangio narera kuri nkiimba kya wiingi lu lwa vandu lushilengetie, amu vautie-wo ikukusura vamanye sheeli ni iwe kushirumie.

Yohane 7:29

Niń mmwishi, amu nkwamwi nuukie, nae yye ashirumie.

Yohane 5:45

Manya mutakusaṛe sheeli niń mmuṛiingaa kwa Vaava. Eefo nndu amuṛiingaa yye Mose ito munkusurie ini.

Yohane 8:42

Yesu kavaia: Kifo Iṛuva eekee Vaava wanu, mwishikundaa niń, amu niń nndeuka kwa Iṛuva nasha kunu. Nta niń nndesha kwa kiimba kyakwa shi muni ndi, kake yye ashirumie.

Yohane 1:29

Neeli lya ndesi kalolia Yesu eeshaa na kwamwi kanumbua: A li yaanri lya Iṛuva likurikaa mareko a isanga!

Yohane 17:8

Amu firero filya kundeshiniinga navvaniinga nawo. Nawo vakafiwara vakamanya dede sheeli nkwafo nuukie. Vakakusura sheeli ni iwe kushirumie.

Yohane 10:36

a niń nndeiliswa nNde kashiruma isangeń naare mwashiia naruma Iṛuva, ili nanumbua: Nkee Mwana wa Iṛuva?

Yohane 5:36

Kake irambua nkee nalyo niń ni inini kita irambua lya Yohane. Amu mashoṛa alya Nde andeshiniingia mmarisie mmashoṛa wo meni nkee yaṛunda. Wwo akee ishirambua sheeli nNde ashirumie.

Yohane 17:21

Nawo vave kimwi woose, sheeli iwe Nde kusaangi nań, nań nsaangi nawe, naamu vave kimwi neese na va isanga vautie-wo ikusura sheeli ni iwe kushirumie.

Yohane 5:38

Ana nta kirero kyamwi kikee kari kanu ndi, fulya ini mutakusurie ulya arumio̱ yye.

Matayo 1:23

Lla te sambuṛa ikufingaa na iira mwana wa womi, na irina lyamwi vavvaangaa Imanueli. Nkimwi na: Iṛuva akee neese.

Matayo 18:10

Lleń nnu kaaṛa mutaile nta umwi wa iva vakee vannya! Nań namuia: Vamalaika vawo ifo iṛuvewu vakee illa kisangu kya Nde yakwa wa iṛuvewu mikonu yoose.

Luka 9:56

Fulya Mwana wa nndu ansha ireta mirima ya vandu ndi, ni iikiṛa. Llyo vaenda muṛiń ungi.

Yohane 3:34

Amu ulya anderumwa ni Iṛuva areraa firero fa Iṛuva. Fulya Iṛuva ataniingaa nndu Mumuyo wa kyelelio ndi.

Yohane 6:38

Amu kishinnde nuuka iṛuvewu ni ishetana kilya nkundie niń ndi, nkilya kikundio̱ ni ito ashirumie.

Yohane 8:11

Nae kamwia: Nta umwi, Nndumi. Yesu kamwia: Nta nań nkuumisiaa ndi. Kwendień! Manya kutakitane lingi kikasha!

Yohane 17:18

Na sheeli kundeshiruma nafika kunu isangeń, nań nkuro da nndevaruma vafike masangeń.

Yohane 17:23

Niń vve andu emwi nawo, nawe kuve andu emwi nań, nawo vave vandu va imarisia iva kimwi. Na va isanga vautie-wo imanya sheeli ni iwe kushirumie niń, lingi kwavvakunda sheeli kundeshikunda niń.

Yohane 17:25

Wui Nde nsumani, isanga likwishi ndi, kake niń nndekumanya. Nawo vakamanya sheeli ni iwe kushirumie.

Matayo 18:11

Amu Mwana wa nndu andesha ishekiṛa kilya kirekye.