Yohane 3:11 - MMA SHIYYA

¹¹ Nkue nakuia kya dede: Ise tikee irera filya tiishi na irambua filya tallolia, neeni mwirikie filya tikee irambua ndi.

Yohane 3:11 ပူးပေါင်းရင်းမြစ်များ

Yohane 8:38

Filya nndefilolia kwa Nde mfo nkee ifirera. Kyasia neeni taniń filya mwamiita kwa nde yanu.

Yohane 14:24

Ulya atashikundie aindiaa firero fakwa ndi. Na kirero kyo mukee ikiita nta nkyakwa shi muni ndi, nkya ito ashirumie.

Yohane 12:49

Amu nkindo nuutie kwakwa shi muni nndekirera ndi. Nde yakwa ito ashirumie yye ashiniingia ivavaso lya kindo nnumbuaa na kindo nreraa.

Yohane 8:14

Yesu kaaṛua kavaia: Na kwakooya niń nakurambua shi muni, mirambuye yakwa yya dede, fulya niishi kundo nuukie nafo na kundo neendaa. Neeni mwishi kundo nuukie ana kundo neendaa ndi.

Yohane 7:16

Yesu kavaaṛua kavaia: Miloshie yakwa yyakwa niń ndi, yya ito ashirumie.

Yohane 1:18

Eefo nta nndu allolia Iṛuva ndi. Mwana to wa Iṛuva ngitani ito akee ṅundeń ya Ndee yye andetoongoya kyoose.

Barua ya Vakorinto ya kavili 4:4

Amu kari kawo iṛuva lya isanga li lyanraya makusaṛo a valya vatakusurie, amu vatamulikio̱ llanga ya nrumi ya unini lwa Kristo, nae avakie Iṛuva.

Yohane 1:11

Ashe kwamwi na iwo va kwamwi vandewwaria ndi.

Luka 10:22

Kanumbua: Nanrambikio̱ findo foose vVaava wakwa. Ana eefo eeshi Mwana kitaare nNde ndi, ana eefo eeshi Nde kitaare mMwana na ulya Mwana anrambuyaa ndi.

Urambuyo lwa Yohane 1:5

Fuukie na kwa Yesu Kristo akee nrambua ulya nsongori, ni ulya andebooka iwara muu eeukaa vafuń, akee nnini wa mamangi a isanga. Ito afikundie na itikiṛa mareko eru na usao lwamwi.

Mitanie ya varumi 22:18

Nallolia (Yesu) kashiia: Uka kunu Yerusalemu ree, ana nta vairikiaa irambua lyafo lya mboni takwa ndi.

Yohane 5:43

Niń nansha kwa irina lya Nde yakwa ana nta ini ishiwaria. Kake ungi kwakooya akee isha na irina lyamwi muni yye mu wwariaa.

Yohane 3:13

Nta nndu ansaama iṛuvewu kita ulya amooloka iṛuvewu, nae mMwana wa nndu eekee iṛuvewu.

Yohane 3:5

Yesu kamwaṛua: Nkue nakuia kya dede: Kwakooya nndu atairiwaa auka na mura na Mumuyo wa Iṛuva, amakii ifika umangiń lwa Iṛuva ndi.

Yohane 3:3

Yesu kamwaṛua kamwia: Nkue nakuia kya dede: Kwakooya nndu atairiwaa lya kavili, amakii ilolia umangi lwa Iṛuva ndi.

Matayo 23:37

Wui Yerusalemu! wui Yerusalemu! Muwaa vaauya fisuku, na valya kundevarumyo kwavakaba na mawe! Nsha keenga nallanga ishukuṛya vana vafo andu emwi sheeli nguku ishukuṛaa mawore ayo ikaasikia na maaro! Neeni mukalema fukyu!

Matayo 11:27

Nanrambikyo findo foose nNde yakwa. Nta eefo nndu eeshi Mwana kitaare nNde ndi. Ana nta eefo nndu eeshi Nde kitaare mMwana na ulya Mwana afurie inrambuya ndi.

Urambuyo lwa Yohane 3:14

Na mwisi ulya wa siṛi ya Laodikia ntisiṛie: A fi firero farerwa ni ito akee irera kirero kya mbooko na kirero kya ifurumia, akee nrambua nsongori na wa udede, akee mumbele wa filya foose fitani fa Iṛuva. Nafo mfo ifi:

Yohane 3:12

Kwakooya mutakee iirikia findo nkee imwongoya fa isangeń, mwirikiaa are findo nkee imwongoya fa iṛuvewu?

Yohane 8:26

Niiworee fiingi fa irera kyanu na fa yumisia kyanu. Kake ulya anshiruma wwa dede. Nań filya namiitia kwamwi mfo nkee ifirera fa iia isanga.