Yohane 21:7 - MMA SHIYYA

⁷ Llyo nseṛo ulya Yesu amwitie mbele kaia Petiro: A te ni Nndumi! Ili Petiro andeita sheeli ni Nndumi, kaṛaa nseto wamwi, fulya eekee kya ruu kakutuula nruveń asaṛikie Yesu.

Yohane 21:7 ပူးပေါင်းရင်းမြစ်များ

Yohane 13:23

Eeifoo umwi wa vanalosho vamwi eefwitanii na Yesu, nae yye ulya Yesu amwita mbele.

Yohane 20:2

Llyo auya eerishaa nnu kafikia Petiro na mwanalosho ulya ungi Yesu amwitie mbele kavaia: Vamiimboo Nndumi ifo mbangeń, neese tiishi kundo vanrwaa ndi.

Yohane 19:26

Ili Yesu alolia mae na mwanalosho ulya amwitie mbele aselele kufui, kaia mae: Yeyo, uu yye mwana wafo.

Barua ya Vakorinto ya kavili 5:14

Amu ikunda lya Kristo likee itiitika ise tikakusaṛa kuro: Umwi andefwa kiimba kya woose, kwa ikyo woose vammaa ifwa.

Yohane 21:24

Na uu mmwanalosho ulya anderambua mboni ti na ititisiṛa. Neese tiishi sheeli irambua lyamwi llya dede.

Yohane 21:20

Petiro kalla numa kalolia mwanalosho ulya Yesu amwitie mbele avarie numa. Nae yye ulya eefwitanii na Yesu lia valye shoonga ilya ya waaṛo. Nae ni ulya auṛa Yesu: Nndumi, ni i akuringaa?

Mitanie ya varumi 10:36

Kirero kyamwi Iṛuva ankirumia vana va Isiraeli karika Yesu Kristo akwanisie vandu mboni shinuru ta unambwe. Uu akee Nndumi wa woose.

Mitanie ya varumi 2:36

Kyasia iva woose va numba ya Isiraeli vamanyi ninsha, sheeli Iṛuva amaaṛua Yesu to mundenkabia nsalabeń ave Nndumi na Kristo.

Luka 7:47

Kiimba kya iki nakwiań: Nka uu ammaa itio̱ mareko amwi lla kasa eekee meengi, fulya awore ikunda iingi lya ishikunda niń. Kake ulya antio̱ mareko maangu ni ulya awore ikunda yaangu lya ishikunda niń.

Luka 2:11

Fulya nkonu wa nnu mwamiirio̱ Nkiṛa kulya muṛiń wa Davidi, uu akee Kristo Nndumi.

Mariko 11:3

Na kwakooya nndu amuiaa: Nki ili mukee itana kuri? Numbueń: Ni Nndumi awore kiimba nakyo, nae akiwiiṛaa lingi ia.

Barua ya Yakobo 2:1

Vanavama, manya mutakusaṛe sheeli ikusura Nndumi weru Yesu Kristo muni wa unini liitani na ikundia vandu.

Barua ya Vakorinto ya mbele 15:47

Nndu wa mbele auka uteriń, nae ni uteri. Nndu ulya wa kavili aukie iṛuvewu.

Yohane 20:28

Toma kamwaṛua kamwi a: Ee Nndumi, ni iwe Nndumi wakwa na Iṛuva wakwa!

Yohane 20:20

Ili andemaa irera kuro kavaorusa fidawu fa maako amwi na uvari lwamwi. Vanalosho vakafura ili vandelolia Nndumi.

Luka 12:35

Veń mufingie fisi fanu, na taa tanu tiakaa!

Yohane 21:8

Na vaseṛo valya vengi vakasha na ngalava veesuṛuaa nreyo wishule makunga. Fulya mbaai ikee kwaasha ndi, ikee andu a marambo mayana avili tubu.