Yohane 21:15 - MMA SHIYYA

¹⁵ Ili vamaa ituka, Yesu kauṛa Petiro: Simon wa Yohane, kushikundie kita iva vengi? Petiro kamwia: Ee Nndumi, kwishi sheeli nkukundie. Na Yesu kamwia: Isa maanri akwa!

Yohane 21:15 ပူးပေါင်းရင်းမြစ်များ

Barua ya Varome 15:1

Kyasia ise tiwore finya kyatiwara tikurike utanyari lwa iwo vatawore finya, ana kisenye tikushiise ti veni ndi.

Barua ya Yohane ya mbele 4:19

Ise toore ikunda, fulya ye abooka itikunda.

Barua ya Petiro ya mbele 1:8

Nae munkundie kitaare mullolie mukankusura ateefo kisanguń kyanu. Kwa ikyo mukabaa nndoṛo mwiwarwaa ni ifura litavaa isenda likee iilise.

Barua ya Vaefeso 6:24

Uwoo lukaa na woose vakundie Nndumi weru Yesu Kristo na ikunda liteelashikaa!

Mitanie ya varumi 20:28

Kuringeńń mu veni na shoo yoose, amu Mumuyo Nsongori amurambikia mwisalalie, mumakii itumbana siṛi ya Iṛuva andeiuṛa na usao lwamwi weni.

Barua ya Yohane ya mbele 5:1

Nndu woose akusurie sheeli Yesu akee Kristo, ito amiiriwa ni Iṛuva. Na nndu woose akundie ulya andemwira, akundaa na ulya andeiriwa yye, ni Iṛuva.

Yohane 16:27

Amu Nde muni amukundie, fulya ini mundeshikunda niń na ishikusura, sheeli niń nuukie kwa Nde.

Barua ya Petiro ya mbele 2:25

Fulya mwikee vaṛaaṛaa sha mburu shireti, kake alli mwamaaṛuywa mwisi akee nringi wa mirima yanu.

Barua ya Vaebrania 4:13

Ana nta kiifo kindo kitane kitakee na baa mbele ya Iṛuva ndi, kake findo foose fikworusie na baa mbele ya miso amwi ito tiuṛwaa yye.

Luka 22:32

Kake niń nankuterevia kwa Iṛuva, amu ikusura lyafo litaangue. Nawe ili kwamiilashika numa, kaarisa na vanavamae vafo!

Barua ya Vaebrania 13:20

Iṛuva muni unambwe andeṛuta Nndumi weru Yesu akee mwisi nnini wa maanri ifo kwa vafu kwa usao lwa mma ya miṛeṛe,

Barua ya Varome 14:1

Ulya akee wa ikusura yaangu wwarień, manya mutaumisie makusaṛo amwi.

Matayo 16:17

Yesu kaaṛua kamwia: Kukee wa ngoma, Simon wa Yona, amu muyawili na usao amakii ikurambuya ifi ndi, kake nNde yakwa wa iṛuvewu yye ankurambuya.

Urambuyo lwa Yohane 2:23

Na vana vamwi iwaa wawaa. Na siṛi toose timanyaa sheeli nniń musaṛaana fio na ngoo. Nań naaviaa nndu woose wanu kisumani na mitanie yamwi.

Barua ya Petiro ya mbele 2:2

Ili mukee sha fivana vandeiriwa suku ti langeń maruva va a kimumuyo atawore ulembi, amu muṅine nawo kumande mufikiaa ikiṛwa,

Barua ya Vagalatia 5:6

Amu tikankaa na Kristo Yesu irinwa ana ilea irinwa liwore ngo ndi, kake ni ikusura lya ikusura Kristo lyawutio̱o̱ ni ikundana.

Yohane 21:12

Nae Yesu kavaia: Oṛeshoń mutuke! Na kari ka vaseṛo eeifoo nta umwi andekaṛia imwura: Ni iwe i, ndi. Fulya veemmanyaa yye Nndumi.

Yohane 21:7

Llyo nseṛo ulya Yesu amwitie mbele kaia Petiro: A te ni Nndumi! Ili Petiro andeita sheeli ni Nndumi, kaṛaa nseto wamwi, fulya eekee kya ruu kakutuula nruveń asaṛikie Yesu.

Matayo 18:10

Lleń nnu kaaṛa mutaile nta umwi wa iva vakee vannya! Nań namuia: Vamalaika vawo ifo iṛuvewu vakee illa kisangu kya Nde yakwa wa iṛuvewu mikonu yoose.

Barua ya Vaefeso 4:14

Amu titakikaa lingi sha vana vannya tikurikwaa ifo na ifo sha mavia a nruva mmiloshie yoose ya vandu ikee yaṛukaṛuka sha mburaato, fulya ikee ya wongo na ya ulembi lwa vandu vafurie itireta na mitambwe yawo.

Barua ya Vakorinto ya mbele 8:11

Na ulya akee ntanyari aretwaa kiimba kya imanya lyafo, nae mmwanamae wafo Kristo andemfiya.

Yohane 8:42

Yesu kavaia: Kifo Iṛuva eekee Vaava wanu, mwishikundaa niń, amu niń nndeuka kwa Iṛuva nasha kunu. Nta niń nndesha kwa kiimba kyakwa shi muni ndi, kake yye ashirumie.

Mariko 14:29

Petiro kamwia: Na kwakooya woose vanunuaa kiimba kyafo, niń nnunuaa ndi.

Luka 12:32

Manya mutaeṛee, ini siṛi shinnya! Amu Nde yanu ansenywa imuniinga umangi.

Matayo 10:37

Ulya afurie ndee ana mae kita niń, ashiviaa ndi. Na ulya akundye mwana wamwi wa womi ana wa kika kita niń, ashiviaa ndi.

Yohane 13:37

Petiro kamwia: Nndumi, naamu ki ili ntamakii ikusoṛa alli? Niń nrekaa-wo muu wakwa kiimba kyafo.

Yohane 1:42

Kanrwaya Yesu. Yesu kamulla kamwia: Ni iwe Simon mwana wa Yohane, kuvaangwaa irina lyafo Kefa — misendie yayo nkimwi na iwe, na kigiriki Petiro.

Matayo 26:35

Petiro kamwia: Na akwaa mfwaa andu emwi nawe nkukanaa kutu ndi. Na vaseṛo vengi woose vakarera kuro.

Matayo 26:33

Na Petiro kamwaṛua: Na akwaa wwoose vakutuṛukyaa, niń nkutuṛukyaa kutu ndi.

Mitanie ya varumi 20:29

Niń niishi sheeli nammaa yenda sui shivave tishaa kwanu titaliliaa shoo ii.