Yohane 20:31 - MMA SHIYYA

³¹ Kake ii yantisiṛwa, amu mukusure sheeli Yesu nKristo Mwana wa Iṛuva, na kiimba kya ikusura li mulolie muu mukuvavie na irina lyamwi.

Yohane 20:31 ပူးပေါင်းရင်းမြစ်များ

Mitanie ya varumi 10:43

Nae uu vaauya fisuku woose vanderera iringisioń lyawo, sheeli ulya woose ankusuraa atio̱o̱ mareko kwa irina lyamwi.

Barua ya Yohane ya mbele 5:1

Nndu woose akusurie sheeli Yesu akee Kristo, ito amiiriwa ni Iṛuva. Na nndu woose akundie ulya andemwira, akundaa na ulya andeiriwa yye, ni Iṛuva.

Barua ya Yohane ya mbele 5:20

Neese tiishi sheeli Mwana wa Iṛuva ammaa isha katiniinga uṛango timanye ito akee muni udede. Neese tilungani na ito muni udede, yye Mwana wamwi Yesu Kristo. Uu yye akee Iṛuva muni udede na muu wa miṛeṛe.

Barua ya Yohane ya mbele 4:15

Ulya woose arambuaa sheeli Yesu mMwana wa Iṛuva, Ilyo Iṛuva akaa na ito, nae akaa na Iṛuva.

Yohane 3:36

Ulya akusuraa Mwana ito avaa na muu utakisiaa. Na ulya atairikiaa Mwana akooyaa muu kutu ndi, kake uvave lwa Iṛuva lulunganaa nae.

Yohane 3:18

Ulya ankusurie aumisio̱o̱ ndi, ulya atankusurie ammaa yumisio̱, fulya atakusurani na Mwana wa Iṛuva ngitani.

Barua ya Yohane ya kavili 1:9

Ulya woose ateveta vandu atakaa na ufundo lwa Kristo ito awore Iṛuva ndi. Ulya akaa na ufundo ilo awore Nde alungani na Mwana.

Yohane 6:40

Amu ii yyo mifurie ya Nde yakwa: Ulya woose allaa Mwana na inkusura ave na muu wa miṛeṛe na miṛeṛe, nań nindutaa nkonu wa ifurumia.

Yohane 19:35

Na uu andelolia kava murambua. Na irambua lyamwi llya dede. Nae eeshi nkya dede arera, amu neeni muutie-wo ikusura.

Yohane 20:28

Toma kamwaṛua kamwi a: Ee Nndumi, ni iwe Nndumi wakwa na Iṛuva wakwa!

Yohane 10:10

Inini lishaa-fo ndi kita lyasha iiva na isikya na ireta. Niń nndesha amu nato tikooye muu na findo fitifile na fa mmwasi.

Yohane 5:24

Nkue nkue namuia: Nndu akee yaranya kirero kyakwa na ikusura ito ashirumie awwaria muu wa miṛeṛe na miṛeṛe, nta akiumisio̱o̱ ndi. Fulya ansomuka ufuń kafika muuń.

Luka 1:4

amu kumanye kisumani kya mboni tilya kundefundwa, sheeli tikee ta dede deń.

Matayo 16:16

Simon Petiro kaaṛua kanumbua: Iwe ni iwe Kristo Mwana wa Iṛuva muni muu.

Luka 24:47

Nawo vandu valya vateeshi Iṛuva vakwanisio̱ mboni ya ikurra na ya itio̱ mareko veekuvavaa nae, nakyo kibookaa kunu Yerusalemu.

Mariko 16:16

Na ulya woose akusuraa Iṛuva na ibatiswa, ito akiṛwaa, na ulya atankusuraa aumisio̱o̱ amamie.

Matayo 27:54

Kyasia nshili ulya wa vasikari andu emwi na valya veekee nae veeringaa Yesu ili vandelolya irerema lya isanga na filya findetanika, vakaeṛea nnu veenumbuaa: Nkue uu mMwana wa Iṛuva.

Mitanie ya varumi 9:20

Na ilyo yeni kakwanisa ifo numba ta iterevia kya Yesu sheeli ye mMwana wa Iṛuva.

Mitanie ya varumi 8:36

Ili vandeenda-enda vakafika mureń. Nshili ulya kaia Filipo: A uuń mura. Kiifo kindo kishiimaa niibatiswaa?

Mitanie ya varumi 3:16

Neeli nndu uu akusurie irina lyamwi, irina lyamwi Uyo lyanniinga uu mullolie na immanya finya. Na ikusura lyamwi alliniingwa ni Yesu Uyo ly ammuniinga ishia li mulolie ini mu woose.

Yohane 1:49

Natanaeli kamwaṛua: Llosha iwe ni iwe Mwana wa Iṛuva, ni iwe kukee mangi ya Isiraeli.

Urambuyo lwa Yohane 2:18

Na mwisi ulya wa siṛi ikee Tiatira ntisiṛie: A fi firero Mwana wa Iṛuva afirera awore miso akee sha kibalabala kya muro na marende amwi avakani na minya ya arera ikee shisokue nnu. Nafo mfo ifi:

Barua ya Petiro ya mbele 1:9

Llyo mufitaa mmando wa ikusura lyanu, ni ikiṛwa lya mirima yanu.

Matayo 4:3

Nreya ulya kanshea kamwia: Kwakooya kukee Mwana wa Iṛuva, vavasa mawe va ave shoonga.

Luka 1:35

Malaika kamwaṛua kamwia: Ni Mumuyo Nsongori akwolokiaa na finya ya ulya akee kwa ule ya findo foose ikusikiaa sha kiṛishwe. Kiimba kya ikyo ikyo kisongori kiiriwaa ni iwe kivaangwaa Mwana wa Iṛuva.

Mitanie ya varumi 8:37

Filipo kamwia: Kwakooya kukusuraa Nndumi na ngoo yafo yoose kimakii iva. Kamwaṛua kamwia: Nkusurie sheeli Yesu Kristo yye Mwana wa Iṛuva.