Yohane 20:19 - MMA SHIYYA

¹⁹ Na nkonu ulya muni wa mbele usoṛie nkonu wa Sabato kumiila vanalosho vakakusandia, na myaango iirayee kiimba kya yeṛea Vayuda. Lia eni Yesu kasha kasalala karikari kawo kavaia: Kaań na unambwe!

Yohane 20:19 ပူးပေါင်းရင်းမြစ်များ

Yohane 20:26

Ili mikonu nyaanyi indesia, vanalosho vamwi veekusandiee lingi numba ilya sheni na Toma eekee andu emwi nawo. Lia eni Yesu kasha alya vakai, na numba iirayee. Kasalala kari kawo kavaia: Kaań na unambwe!

Yohane 14:27

Ni unambwe namurea, ni unambwe lwakwa nankuniinga. Na miniingie yakwa ikee sha miniingie ya isanga ndi. Manya ngoo tanu titataṛaake ana mutawarwa wweṛei!

Yohane 20:21

Yesu kavaia lingi: Kaań na unambwe! Sheeli Nde andeshiruma niń, nkuro nań nkee imuruma.

Barua ya Vaefeso 2:14

Amu yye muteendee unambwe, nae yye andesanda feenga ifi fivili — mfo Vayuda na vayavaṛumu — eeburuaa usuṛumate lua lwifirauee lukannde ukituva.

Barua ya Vatesalonike ya kavili 3:16

Alli Nndumi muni wa unambwe amuniinge unambwe kyeeri kyoose shień toose! Nndumi akaa neeni mu woose!

Yohane 7:13

Kake nta nndu andensenda na baa, fulya veeṛee Vayuda.

Mariko 16:14

Lya ifurumia Yesu kakworusa vaseṛo vamwi valya ikumi na umwi ili veelyaa shoonga. Kavakandara, fulya ikusura lyawo likee yaangu na ngoo tawo tikee shuumu, fulya valea iirikia valya vallolia, ili aṛuka kwa vafu.

Urambuyo lwa Yohane 1:4

Niń Yohane namwisana ini mukee siṛi tilya mfungare tikee ifo Asia. Uwoo lukaa neeni na unambwe fuukie kwa ito eefo, nae eeifoo, nae ashaa, fuukie na kwa mimuyo ilya mfungare ikee mbele ya kifumbi kyamwi kya witoṛo.

Barua ya Vakorinto ya mbele 15:5

Na sheeli andekworusa Kefa na numa valya ikumi na vavili.

Yohane 16:33

Ifi namuia amu mukooye unambwe mukulungie nań. Kunu isangeń mukooyaa ngatara. Kake kuwareń tabu! Niń nawinga isanga li.

Barua ya Vaebrania 7:2

Na Abraamu kamfukiya kyeenga kya ikumi kya findo filya foose andewara fireń. Misendie ya irina lyamwi lya mbele ni: mangi wa udede, fingi: mmangi wa Salemu, nkimwi na mangi wa unambwe.

Barua ya Vafilipi 1:2

Uwoo lukaa neeni na unambwe fuukie kwa Iṛuva Nde yeru na kwa Nndumi weru Yesu Kristo.

Barua ya Vaefeso 6:23

Unambwe luve na vanavamae na ikunda andu emwi na ikusura fuukie kwa Iṛuva Nde na kwa Nndumi Yesu Kristo!

Barua ya Varome 15:33

Iṛuva muni unambwe ave andu emwi neeni mu woose. Amen.

Yohane 16:22

Neeni alli moore unaari. Kake mmuloliaa lingi na ngoo tanu tikyesaa na ifura lyanu eefo nta nndu amusokaa ndi.

Matayo 18:20

Amu alya vandu vavili ana vararu vakusaandi vakuvavye na irina lyakwa, wwo nań nkaa karikari kawo.

Matayo 10:13

Numba ilya ikamuwaria, unambwe lwanu luvafikye. Ana kwankooya kitaare imuwariaa, unambwe lwanu lumuuyie.

Yohane 21:1

Numa Yesu kakumanyisa lingi kwa vaseṛo vamwi kulya nruveń ya Tiberia. Na ikumanyisa kakumanyisa kuri:

Yohane 21:14

Nalyo likee lya kararu Yesu andekumanyisa kwa vaseṛo vamwi ili andemaa iṛuka kwa vafu.

Mitanie ya varumi 1:3

Wwo iva andevakurambuya numa ya mavaviso amwi sheeli akee na muu eevaorusaa firingisio fiingi. Kakulolisa kwawo andu a mikonu makumi aani na irera nawo fa umangi lwa Iṛuva.

Barua ya Yohane ya kararu 1:14

Kake werie ikulolia ree, llyo tireraa kana kwa kana.