Yohane 20:17 - MMA SHIYYA

¹⁷ Yesu kamwia: Manya kutashibaane, amu nanrwa kwa Nde yakwa ndi. Enda kwa vanavamae vakwa kundevaia: Nkee irwa na ule kwa Nde yakwa akee na Nde yanu. Nkee irwa kwa Iṛuva wakwa akee na Iṛuva wanu.

Yohane 20:17 ပူးပေါင်းရင်းမြစ်များ

Yohane 16:28

Nndesha nuuka kwa Nde nasha kunu isangeń. Na alli nkee yuka lingi kunu isangeń nuuye kwa Nde.

Barua ya Petiro ya mbele 1:3

Aarafumwa Iṛuva akee Nde wa Nndumi weru Yesu Kristo andetililia na ililia lyamwi iingi katiira lya kavili tiware iverea linnde muu kiimba kya miṛukie ya Yesu Kristo kwa vafu.

Barua ya Vagalatia 3:26

Fulya ini mu woose mukee vana va Iṛuva kwa ikusura Yesu Kristo.

Yohane 17:11

Nań nkikee lingi isangeń ndi. Nawo vakaa isangeń. Nań nkee isha na kwafo. Wui Nde Nsongori, varinge vakaa na irina lyafo ili kushiniingie niń, nawo vave kimwi neese.

Barua ya Yohane ya mbele 3:2

Muṛe vakunde vakwa, alli tikee vana va Iṛuva, kake kilya kitiviaa numa kyallolika ndi. Kake kimwi tiishi: Ili Kristo alolikaa, tivakanaa nae, fulya tiloliaa mikae yamwi sheeli akee.

Yohane 14:6

Yesu kamwia: Nniń shia yo na dede nniń na muu nniń. Eefo nndu afikaa kwa Nde kitaare ashiwore niń ndi.

Mariko 16:19

Kyasia ili Nndumi andemaa irera nawo kuri, kasaamiswa iṛuvewu kakaa rembo taari ya uko usha lwa Iṛuva.

Urambuyo lwa Yohane 21:3

Naita ununga unini luuka kifumbiń kilya kya kimangi lwinumbuaa: ”A ki kirembo kya Iṛuva kikee andu emwi na vandu. Nae aruaa kwawo, nawo vavaa vandu vamwi. Na Iṛuva muni avaa andu emwi nawo.

Barua ya Vakorinto ya kavili 6:18

Na lingi anumbua: ”Vvaa Nde yanu, neeni muvaa vana vakwa va kiwomi na va kika“. Mfo kuro Nndumi muni finya arera.

Barua ya Varome 8:29

Amu valya eeveeshii kuuka ilyo kala avasaua kuuka ilyo kala vavakaniswa na fwana ya Mwana wamwi, amu ye ave vvele kari ka vanavamae veengi.

Yohane 17:25

Wui Nde nsumani, isanga likwishi ndi, kake niń nndekumanya. Nawo vakamanya sheeli ni iwe kushirumie.

Matayo 28:7

Na numa risheń mundeia vanalosho vamwi andu emwi na Petiro, sheeli anduka kwa vafu. Nae amwiryaa mbele kulya Galilaya. Mfo mundellolyaa. Nniń namuia.

Matayo 12:50

Amu nndu woose atanaa kilya Nde yakwa wa iṛuvewu afurie, ito yye mwanama na mfwama na yeyo wakwa.

Urambuyo lwa Yohane 21:7

Ulya avvinga arwaa ifi five dińu yamwi. Nań vvaa Iṛuva wamwi, nae avaa mwana wakwa.

Barua ya Vaebrania 8:10

”Na ii yyo mma nnderekiana na numba ya Isiraeli mikonu ilya ikansia: Vveekyaa mavavaso akwa makusaṛoń awo na yatisiṛa ifo mirimiń yawo. Nań vvaa Iṛuva wawo, nawo vavaa vandu vakwa.

Yohane 20:27

Numa kaindukia Toma kamwia: Oṛesho lla maako akwa! Baana na fiwoṛo fakwa na nni wafo! Nnde na uko lwafo kubaane nalo kiwoṛo kya uvari lwakwa! Kutakive mushinunua, kuve mushikusura!

Yohane 17:5

Na alli, wui Nde, shiitikisań ifo kwafo kwishiiningaa unini lua niikee nalo kwafo lia kitaare isanga lyeentanwaa.

Yohane 14:28

Mwamiita kilya namuia: Nkee yenda, kake nuuyaa lingi kwanu. Kikooye mwishifuriee mwifuraa, ili neendaa kwa Nde. Fulya Nde akee nnini kita niń.

Yohane 14:2

Numbeń ya Vaava wakwa fiifo firembo fiingi fa ikaa. Kifo kitaare kikai kuri, niimuiaa: Neenda nndemusongosia firembo.

Yohane 13:3

Nae Yesu muni eemmanyaa sheeli Nde ammurambikia findo foose maakoń amwi na sheeli andeuka kwa Iṛuva, nae auyaa kwa Iṛuva.

Yohane 13:1

Kyasia ili kitaare kisuku kya Pasaka kyeemfikaa, Yesu eemmanyaa sheeli kyeeri kyamwi kyamfika akwimboo kunu isangeń aende kwa Nde. Nae sheeli andekunda iva vamwi kunu isangeń, nkuro andevakunda kumande ifurumia.

Yohane 7:33

Yesu kanumbua: Mmikonu myaangu nkikaa neeni, numa neende kwa ito andeshiruma.

Luka 10:4

Manya mutakurike mboloko ana kishawu ana faaru. Lingi manya mutaisane nndu shień.

Matayo 25:40

Na mangi avaaṛuaa eevaiaa: Namuia kya dede: Kilya mwantanya vamwanamae vakwa iwo vannya na akwaa ni umwi tubu, mwanshitanya niń.

Barua ya Vaebrania 11:16

Kake alli valangie uruka lukee unuru kita lua, llo lwa iṛuvewu. Kwa ikyo Iṛuva awore sonu ivaangwa Iṛuva wawo ndi, amu awatania muṛi.

Mariko 12:26

Neefo mboniń ya vafu sheeli vaṛutwaa nta mwansoma se ifo kitabuń kya Mose, sheeli Iṛuva amwia alya ngumiń kanumbua: Nniń Iṛuva wa Abraamu na Iṛuva wa Isaki na Iṛuva wa Yakobo?