Yohane 2:11 - MMA SHIYYA

¹¹ Nkyo kindo kya mbooko Yesu atana kya maṛiikiso kikatanikia kulya muṛiń wa Kana ukee muungoń ulya wa Galilaya. Kamanyisa nakyo unini lwamwi. Na vaseṛo vamwi vakautia-wo inkusura.

Yohane 2:11 ပူးပေါင်းရင်းမြစ်များ

Yohane 1:14

Na Kirero kikaaṛuka vvili wa nndu kakaa kweru. Neese tikalolia unini lwamwi, nalo ni unini sha lwa Mwana wa ngitani aukie kwa Ndee, eeshule uwoo na udede.

Yohane 3:2

Kashea Yesu kyeeri kya kio kamwia: Nndumi, ise tiishi sheeli kukee llosha kuukie kwa Iṛuva, fulya ateefo nndu amakii itana myorusie ilya ya finya iwe kukee itana, kwakooya Iṛuva atakee nae.

Yohane 6:2

Na isyamu iingi likansoṛa, fulya veelloliaa myorusie ilya minini andetana ya ikiṛa vandu valole.

Yohane 6:30

Vakamwuṛa lingi: Mmyorusie ingai kutanaa amu tilolie tikukusure? A nkiki iwe kumuni kukee ikurambua nakyo?

Yohane 6:26

Yesu kavaaṛua kanumbua: Nkue nkue namuia: Ini nta mukee ishiṛuya kiimba kya myorusie ilya mundelolia ndi, nkiimba kya mikate ilya mundelya mukawuura.

Yohane 6:14

Kyasia ili vandu vandelolia myorusie ilya Yesu andetana, vakanumbua: Nkya dede uu yye mwauya fisuku ulya ashaa isangeń.

Barua ya Vakorinto ya kavili 4:17

Amu mavaviso akee neese alli wo asiaa ree, nawo eengeṛiaa itiniinga unini lwa miṛeṛe lutawore mmando.

Yohane 14:13

Na kindo kyoose mukiterevaa mukuvavie nań nkitanaa, amu Nde aṅiniswa andu emwi na Mwana.

Yohane 12:41

Firero fo Yesaya andefirera, fulya andelolia unini lwa Yesu kasenda mboni tamwi.

Yohane 12:37

Mfo firero Yesu anderera kamaa. Kalakana na vandu kandekufisa. Kake lla kasa andetana myorusie miingi kuri mbele yawo, nawo nta vandenkusura ndi.

Yohane 2:23

Kyasia ili eekee kulya Yerusalemu kisukuń kya Pasaka, vandu veengi vakabooka ikusurana na irina lyamwi, fulya vandelolia myorusie ilya andeitana.

Yohane 1:50

Yesu kamwaṛua kamwia: Kukee ishikusura, fulya nakuia neenkuloliaa kukee sindeń ya nri ulya wa nkuu. Kuloliaa finini kita ifi.

Barua ya Yohane ya mbele 5:13

Ifi namutisiṛia ini mukusurie irina lya Mwana wa Iṛuva, amu mumanyi sheeli muwore muu wa miṛeṛe.

Yohane 4:46

Numa Yesu kasha lingi muṛiń wa Kana wa kulya Galilaya alya aaṛua mura ukava mfinyo. Neefo eeifoo ndundi wa kwa mangi awore mwana wamwi wa iseeka alole kulya Kaperinaumu.

Yohane 5:23

naamu woose vaindie Mwana, sheeli vaindiaa Ndee. Na nndu atakee iindia Mwana amakii iindia na Nde ito anrumie ndi.

Barua ya Vakorinto ya kavili 4:6

Amu Iṛuva uu anderera: Ive langa imulike yuka llemiń, yye andemulika mirima yeru, yukie-wo langa ya imanyisa unini lwa Iṛuva lukee kisanguń kya Kristo.

Barua ya Vakorinto ya kavili 3:18

Kake ise ti woose tilolie unini lwa Nndumi na kisangu kitaare nkisikie. Na kita ifi tiilashwaa tiivakaniswaa na fwana yamwi na yengeṛio̱ teengeṛio̱o̱ unini. Na ifi foose fuukie kwa Nndumi akee Mumuyo.

Yohane 11:15

Nań namfura kiimba kyanu, fulya kitaare mfo niikaii, amu muutie-wo ikusura. Kake ndefoń teende kwamwi.

Yohane 1:17

Amu mavavaso andeniinga mMose, kake uwoo lwa Iṛuva na udede lwamwi fikanndwa ni Yesu Kristo.

Yohane 1:43

Neeli lya ndesi Yesu afura ikwimboo aende kulya Galilaya kakwania na Filipo. Yesu kamwia: Shilatia.

Yohane 2:1

Neeli lya nrondo veeifoo vandu vaalikio̱ kulya muṛiń wa Kana ukee muungoń ulya wa Galilaya. Na mae wa Yesu nae eeifoo.

Yohane 4:3

Llyo alakana na kulya Yudaya kaenda lingi kumande Galilaya.

Yohane 4:54

Na kindo kilya Yesu andetana kya iṛiikisa vandu kiikee kya kavili, ili andeuka kulya Yudaya kasha na kulya Galilaya.

Yohane 7:31

Na vandu veengi kari ka syamu vakautia-wo inkusura. Vakanumbua: Ili Kristo ashaa, naań atanaa findo finini kita ifi nndu uu andetana?

Yohane 9:16

Kyasia kiindi kya Vafarisayo valya vakanumbua: Nndu to ni nndu aukie kwa Iṛuva ndi, fulya ataindiaa nkonu wa Sabato. Vengi vakanumbua: Kwakooya ni nndu nrekwa, naare amakii itana findo fa maṛiikiso sha ifo? Llyo vakwava makamba avili.

Yohane 10:41

Vandu vakanshea veengi vakanumbua: Dede Yohane atana myorusie nta umwi ndi. Kake foose Yohane anderera fa mboni ta nndu uu fiikee fa dede deń.

Yohane 11:47

Kyasia vakohani vanini na Vafarisayo vakavaanga kikwena kinini kya vangyama vakanumbua: Titanaa are, ili nndu uu akee itana myorusie minini miingi kuri?

Yohane 12:18

Na kiimba kya ikyo syamu ilya ya vandu ikandemwondoṛa, fulya vaita sheeli antana kindo kyo kya iṛiikisa.

Yohane 16:27

Amu Nde muni amukundie, fulya ini mundeshikunda niń na ishikusura, sheeli niń nuukie kwa Nde.

Yohane 16:30

Alli tiishi sheeli kwishi foose ana nta nndu akuuṛaa. Kwa ikyo tikukusurie na imanya, sheeli kuukie kwa Iṛuva muni.