Yohane 18:37 - MMA SHIYYA

³⁷ Kyasia Pilato kamwia: Iwe kukeeń mangi? Yesu kaaṛua: Ni iwe kwarera ku muni. Ee nkee mangi. Na kikangio nairiwa na kikangio nasha kunu isangeń, naamu nrambue ikyo kikee kya dede. Ulya amilie udedeń aaranyaa ununga lwakwa.

Yohane 18:37 ပူးပေါင်းရင်းမြစ်များ

Yohane 8:47

Ulya amilie kwa Iṛuva aitaa firero fa Iṛuva. Kwa ikyo ini mwisile ndi, fulya ini mutamilie kwa Iṛuva.

Barua ya Yohane ya mbele 4:6

Ise timilie kwa Iṛuva. Na ulya ammanya Iṛuva akee itiita ise. Kake ulya atamilie kwa Iṛuva atiitaa ise ndi. Ikyo nkyo kyatiniinga imanya Mumuyo wa udede na mumuyo wa ulembi.

Yohane 8:14

Yesu kaaṛua kavaia: Na kwakooya niń nakurambua shi muni, mirambuye yakwa yya dede, fulya niishi kundo nuukie nafo na kundo neendaa. Neeni mwishi kundo nuukie ana kundo neendaa ndi.

Barua ya Yohane ya mbele 3:19

Io timanyaa sheeli ise tikee va dede, lingi kuro tiwolisaa mirima yeru mbele yamwi ye.

Yohane 14:6

Yesu kamwia: Nniń shia yo na dede nniń na muu nniń. Eefo nndu afikaa kwa Nde kitaare ashiwore niń ndi.

Yohane 7:17

Nndu kafura itana kilya ye afurie, amanyaa akwaa miloshie yo yukie kwa Iṛuva ana akwaa mfirero fakwa feni nkee irera.

Barua ya Petiro ya mbele 1:22

Mukammaa iilisa mirima yanu na iirikia filya fikee fa dede kumande mwafikia ikundana na vanavamae fitawore ukavili, kyasia engeṛień ikundana na nrima mu veni na mu veni.

Barua ya Timoteo ya mbele 6:13

Nakuvavasa kisanguń kya Iṛuva aniingaa findo foose muu na kisanguń kya Kristo Yesu anderambua irambua inuru mbele ya Pontio Pilato,

Luka 23:3

Pilato kamwuṛa: Iwe ni iwe mangi ya Vayuda? Nae kaaṛua kamwia: Ni iwe kwanumbua.

Mariko 15:2

Pilato kamwuṛa: Iwe ni iwe mangi ya Vayuda? Nae kaaṛua kamwia: Ni iwe kwanumbua.

Barua ya Yohane ya mbele 5:20

Neese tiishi sheeli Mwana wa Iṛuva ammaa isha katiniinga uṛango timanye ito akee muni udede. Neese tilungani na ito muni udede, yye Mwana wamwi Yesu Kristo. Uu yye akee Iṛuva muni udede na muu wa miṛeṛe.

Yohane 3:32

Filya andelolia na iita mfo akee irambua ateefo nndu akee iwaria irambua lyamwi.

Matayo 26:64

Yesu kamwia: Ee nsheeli iwe kwanumbua. Na alli namuia: Kuuka alli mulolyaa Mwana wa nndu akee rembo taari ya uko usha lwa Iṛuva. Na numa ashaa na maṛumbe a ringewu.

Matayo 27:11

Kyasia Yesu kakurikwa kwa nshili nnini wa uruka. Na nshili kamwuṛa: Iwe kukee mangi ya Vayuda dede? Yesu kamwaṛua: Nsheeli kwanumbua.

Urambuyo lwa Yohane 3:14

Na mwisi ulya wa siṛi ya Laodikia ntisiṛie: A fi firero farerwa ni ito akee irera kirero kya mbooko na kirero kya ifurumia, akee nrambua nsongori na wa udede, akee mumbele wa filya foose fitani fa Iṛuva. Nafo mfo ifi:

Urambuyo lwa Yohane 1:4

Niń Yohane namwisana ini mukee siṛi tilya mfungare tikee ifo Asia. Uwoo lukaa neeni na unambwe fuukie kwa ito eefo, nae eeifoo, nae ashaa, fuukie na kwa mimuyo ilya mfungare ikee mbele ya kifumbi kyamwi kya witoṛo.

Barua ya Yohane ya mbele 3:14

Ise tiishi sheeli tamuuka ufuń tikasamia muuń, fulya tikundie vanavamae. Ulya atawore ikunda akaa ufuń.

Luka 22:70

Kyasia woose vakanumbua: A iwe kukeeń Mwana wa Iṛuva? Kavaia: Ni ini mwanumbua nniń ye.

Mariko 14:62

Yesu kanumbua: Nniń ye. Neeni muloliaa Mwana wa nndu akee rembo uko usha lwa muni finya, ashaa ariwa mmaṛumbe a iṛuvewu.

Yohane 1:14

Na Kirero kikaaṛuka vvili wa nndu kakaa kweru. Neese tikalolia unini lwamwi, nalo ni unini sha lwa Mwana wa ngitani aukie kwa Ndee, eeshule uwoo na udede.

Yohane 1:17

Amu mavavaso andeniinga mMose, kake uwoo lwa Iṛuva na udede lwamwi fikanndwa ni Yesu Kristo.

Yohane 8:45

Kake niń ili nkee irera ikyo kikee kya dede, nta mukee ishikusura ndi.

Yohane 8:46

Ni ungau umwi wanu amakii ishivinga na kindo kya mareko nndetana? Kwakooya nkee irera kilya kikee kya dede, nkiki ili mutakee ishikusurań?

Barua ya Yohane ya mbele 2:21

Nammutisiṛia ini, fulya muteeshi filya fikee fa dede ndi, kake mfulya mweemfimanyaa, lingi mwammanya sheeli iifo wongo yukaa udedeń ndi.