Yohane 17:8 - MMA SHIYYA

⁸ Amu firero filya kundeshiniinga navvaniinga nawo. Nawo vakafiwara vakamanya dede sheeli nkwafo nuukie. Vakakusura sheeli ni iwe kushirumie.

Yohane 17:8 ပူးပေါင်းရင်းမြစ်များ

Yohane 17:14

Niń navvaniingia kirero kyafo. Na va isanga vakautia-wo ivasua, fulya wo vatakee va mikae ya isanga, sheeli nań ntakee wa mikae ya isanga.

Yohane 15:15

Nkimuvaangaa lingi maketi ndi, fulya iketi liishi kilya nndumi wamwi atanaa ndi. Namuvaanga ndoo, amu foose nndefika kwa Nde yakwa mfo nammurambuya ini.

Yohane 16:30

Alli tiishi sheeli kwishi foose ana nta nndu akuuṛaa. Kwa ikyo tikukusurie na imanya, sheeli kuukie kwa Iṛuva muni.

Yohane 16:27

Amu Nde muni amukundie, fulya ini mundeshikunda niń na ishikusura, sheeli niń nuukie kwa Nde.

Barua ya Vatesalonike ya mbele 2:13

Kiimba kya ikyo neese tiawuaa yaana Iṛuva, fulya kitaare mundewaria kirero kilya kya Iṛuva mundeitia kweru nta nsha kirero kya vandu, kake nsha kirero kya Iṛuva kikee kya dede. Nakyo nkyo kikee iṛunda mashoṛa kari kanu ini mukusurie.

Barua ya Yohane ya mbele 4:14

Neese tallolia na miso eru na irambua sheeli Nde anderuma Mwana ave nkiṛa wa isanga.

Yohane 17:21

Nawo vave kimwi woose, sheeli iwe Nde kusaangi nań, nań nsaangi nawe, naamu vave kimwi neese na va isanga vautie-wo ikusura sheeli ni iwe kushirumie.

Yohane 8:42

Yesu kavaia: Kifo Iṛuva eekee Vaava wanu, mwishikundaa niń, amu niń nndeuka kwa Iṛuva nasha kunu. Nta niń nndesha kwa kiimba kyakwa shi muni ndi, kake yye ashirumie.

Yohane 14:10

Niikai kutakusurie sheeli niń nsaangi na Nde na Nde nae kasaanga nań? Firero fi nkee imuia nkee ifirera kwa makusaṛo akwa meni ndi.

Yohane 12:49

Amu nkindo nuutie kwakwa shi muni nndekirera ndi. Nde yakwa ito ashirumie yye ashiniingia ivavaso lya kindo nnumbuaa na kindo nreraa.

Yohane 6:68

Simon Petiro kamwaṛua: Nndumi, teende kwa i? Iwe kuwore firero finnde muu wa miṛeṛe.

Barua ya Vatesalonike ya mbele 4:1

Kyasia lingi tamutereva, muṛe vanavama, na imufunda, amu mukee va Nndumi Yesu: Mwengeṛie utomari na iṛunda sheeli tammulosha ikaa na iṛunda na isenya Iṛuva.

Barua ya Vakorinto ya mbele 15:1

Kyasia vanavama, namukumburusa mboni ya ifura ya Iṛuva nndemukwanisia, nayo yyo mundeiwaria na ikuvava nayo.

Yohane 17:23

Niń vve andu emwi nawo, nawe kuve andu emwi nań, nawo vave vandu va imarisia iva kimwi. Na va isanga vautie-wo imanya sheeli ni iwe kushirumie niń, lingi kwavvakunda sheeli kundeshikunda niń.

Yohane 17:18

Na sheeli kundeshiruma nafika kunu isangeń, nań nkuro da nndevaruma vafike masangeń.

Matayo 13:11

Nae kaaṛua kanumbua: Ini mwanniingwa imanya lya imanya kiṛisi kya umangi lwa iṛuvewu. Kake iwo wo vvaniinge ndi.

Barua ya Vakorinto ya mbele 11:23

Amu niń kilya nndemurambikia naniingio̱ ni Nndumi, nakyo nkyo iki: Kio kilya Nndumi Yesu aṛiingio̱ kaimboo nkate kaana Iṛuva kaufukyafukya kanumbua:

Yohane 3:33

Ulya amiirikia irambua lyamwi ammaa irwaa kiringisio kyamwi sheeli Iṛuva wwa udede.

Yohane 3:17

Fulya Iṛuva aruma Mwana wamwi isangeń, amu aumisie isanga ndi, kake naamu isanga likiṛwa yye.

Yohane 17:3

Na muu uu wa miṛere ni ikumanya iwe sheeli ni iwe kukee Iṛuva wa dede, na ito kunrumie yye Yesu Kristo.

Urambuyo lwa Yohane 1:1

Urambuyo ilu lumilie kwa Iṛuva. Ye andekuningia Yesu Kristo aoruse maketi amwi nalo filya fitanikaa kyeeri kikee kufui. Kalumanyisa iketi lyamwi Yohane eenrumiaa malaika wamwi.