Yohane 17:3 - MMA SHIYYA

³ Na muu uu wa miṛere ni ikumanya iwe sheeli ni iwe kukee Iṛuva wa dede, na ito kunrumie yye Yesu Kristo.

Yohane 17:3 ပူးပေါင်းရင်းမြစ်များ

Barua ya Yohane ya mbele 5:20

Neese tiishi sheeli Mwana wa Iṛuva ammaa isha katiniinga uṛango timanye ito akee muni udede. Neese tilungani na ito muni udede, yye Mwana wamwi Yesu Kristo. Uu yye akee Iṛuva muni udede na muu wa miṛeṛe.

Yohane 17:25

Wui Nde nsumani, isanga likwishi ndi, kake niń nndekumanya. Nawo vakamanya sheeli ni iwe kushirumie.

Yohane 3:17

Fulya Iṛuva aruma Mwana wamwi isangeń, amu aumisie isanga ndi, kake naamu isanga likiṛwa yye.

Barua ya Yohane ya mbele 4:6

Ise timilie kwa Iṛuva. Na ulya ammanya Iṛuva akee itiita ise. Kake ulya atamilie kwa Iṛuva atiitaa ise ndi. Ikyo nkyo kyatiniinga imanya Mumuyo wa udede na mumuyo wa ulembi.

Yohane 17:23

Niń vve andu emwi nawo, nawe kuve andu emwi nań, nawo vave vandu va imarisia iva kimwi. Na va isanga vautie-wo imanya sheeli ni iwe kushirumie niń, lingi kwavvakunda sheeli kundeshikunda niń.

Yohane 17:21

Nawo vave kimwi woose, sheeli iwe Nde kusaangi nań, nań nsaangi nawe, naamu vave kimwi neese na va isanga vautie-wo ikusura sheeli ni iwe kushirumie.

Yohane 3:34

Amu ulya anderumwa ni Iṛuva areraa firero fa Iṛuva. Fulya Iṛuva ataniingaa nndu Mumuyo wa kyelelio ndi.

Barua ya Vakorinto ya kavili 4:6

Amu Iṛuva uu anderera: Ive langa imulike yuka llemiń, yye andemulika mirima yeru, yukie-wo langa ya imanyisa unini lwa Iṛuva lukee kisanguń kya Kristo.

Barua ya Vatesalonike ya kavili 1:8

Na iva avaa sha kibalabala kya muro eetaa kimini kwa valya vateeshi Iṛuva na valya vataindiaa nrumi shisha ya Nndumi weru Yesu.

Yohane 17:8

Amu firero filya kundeshiniinga navvaniinga nawo. Nawo vakafiwara vakamanya dede sheeli nkwafo nuukie. Vakakusura sheeli ni iwe kushirumie.

Yohane 14:26

Kake ito Mwelekia, akee Mumuyo Nsongori, Nde anrumaa na irina lyakwa ye amuloshaa kyoose na imukumburusa kyoose nndemuia.

Yohane 8:19

Kyasia vakamwia: A Vaava wafo akee kwi? Yesu kaaṛua: Mushiishi niń ndi ana nta Vaava wakwa mumwishi ndi. Kifo mushiishi niń mwimanyaa na Vaava wakwa.

Barua ya Vakorinto ya mbele 15:34

Rundeń na uṛango sheeli kyawara ana manya mutatane fikasha. Fulya veefo kari kanu vateeshi Iṛuva. Nkee irera ifo mmumanyise sonu.

Barua ya Vatesalonike ya mbele 1:9

Fulya vandu vakee irambua wo veni mboni teru kasa mundetiwaria ili tindesha kwanu, na sheeli mundeaṛukia Iṛuva mukatia-wo fifu, amu muṛundie Iṛuva muni muu akee wa udede

Yohane 10:36

a niń nndeiliswa nNde kashiruma isangeń naare mwashiia naruma Iṛuva, ili nanumbua: Nkee Mwana wa Iṛuva?

Yohane 7:29

Niń mmwishi, amu nkwamwi nuukie, nae yye ashirumie.

Yohane 6:57

Na sheeli Nde ito ashirumie akee muni muu, nań nakaa na muu kiimba kya Nde, mfo kuro na ulya ashilyaa niń akaa na muu kiimba kyakwa.

Yohane 5:44

Mumakii are ishikusura ini mukee ikwitikisa mu veni na mu veni, na nduma ulya ukee yuka kwa Iṛuva muni mutakee iṛuya?

Yohane 11:42

Nań niishi sheeli kushaaranyaa mikonu yoose. Kake kikangio narera kuri nkiimba kya wiingi lu lwa vandu lushilengetie, amu vautie-wo ikukusura vamanye sheeli ni iwe kushirumie.

Luka 9:48

Kavaia: Ulya woose awariaa mwana sha uu akuvavie na irina lyakwa ashiwaria niń. Na ulya woose ashiwaria niń awwaria ulya ashirumie. Amu ulya akee munnya kari kanu mu woose, ito yye nnini.

Mariko 9:37

Nndu awwaria kimwana kimwi sha iki eeshikumbuaa niń, ito anshiwaria niń. Na nndu ashiwaria niń, nniń ashiwaria ndi, kake ni ulya andeshiruma.

Barua ya Vakorinto ya mbele 8:4

Mukashitisiṛia: ”Kyasia kya miliye ya findo fikee iniingio̱ fa firasio fa maṛuva a wongo tiishi sheeli maṛuva a wongo ateefo kunu isangeń na sheeli kitaare eefo Iṛuva kita ni uu umwi tubu.

Yohane 17:18

Na sheeli kundeshiruma nafika kunu isangeń, nań nkuro da nndevaruma vafike masangeń.

Barua ya Vafilipi 3:8

Nkya dede nkee ikusaṛia sheeli findo foose mfa kitani, amu imanya Nndumi wakwa Yesu Kristo nkinini kita foose. Na kwa kiimba kyamwi ye nndetia-wo foose na ifiaṛua nkiṛi-nda, amu wware Kristo muni.

Barua ya Vafilipi 3:10

Nań nimmanye ye na imanya imakii lya iṛuka lyamwi na ilungana na mavaviso amwi, amu wakaniswa nae, na akwaa ni ufu lwakwa luvakane na lwamwi,

Barua ya Vaebrania 3:1

Kwa ikyo, vanavama vasongori, mundevaangwa sha ise na ivaangwa lyukie iṛuvewu, imboyoń miso anu Yesu uu tikee inrambua sheeli ni nrumi na nrasia weru nnini.

Barua ya Petiro ya kavili 1:2

Uwoo lumwengeṛio̱ na unambwe mwammaa imanya Iṛuva na Nndumi weru Yesu.

Barua ya Petiro ya kavili 1:3

Imakii lyamwi lya ki-Iṛuva lyantiniinga filya foose fawara iva na muu wa dede na usha lwa dede liitimanyisaa ulya andetivaanga na unini lwamwi na usha lwamwi ye muni.

Barua ya Petiro ya kavili 1:8

Amu kwakooya findo ifo fikee kwanu na ifumbuka, fimwelekaa ini mutave varoko ana mutatuṛe nunda ta imanya Nndumi weru Yesu Kristo.

Barua ya Yohane ya mbele 1:2

Na muu uu undelolika, neese tikaulolia. Nto tikee yurambua na imukwanisia tikee imukwanisia ini sheeli muu uu wwa miṛeṛe wikee kwa Nde ukalolika na kweru.

Barua ya Yohane ya mbele 1:3

Kyasia kilya tindekilolia na ikiita nkyo tikee imwongoya neeni, amu neeni mulungane neese. Na ilungana lyeru likee andu emwi na Nde na Mwana wamwi Yesu Kristo.

Barua ya Yohane ya mbele 2:23

Ulya woose akanaa Mwana awore Nde ndi. Ulya arambuaa Mwana awore na Nde.