Yohane 17:25 - MMA SHIYYA

²⁵ Wui Nde nsumani, isanga likwishi ndi, kake niń nndekumanya. Nawo vakamanya sheeli ni iwe kushirumie.

Yohane 17:25 ပူးပေါင်းရင်းမြစ်များ

Yohane 17:11

Nań nkikee lingi isangeń ndi. Nawo vakaa isangeń. Nań nkee isha na kwafo. Wui Nde Nsongori, varinge vakaa na irina lyafo ili kushiniingie niń, nawo vave kimwi neese.

Yohane 17:8

Amu firero filya kundeshiniinga navvaniinga nawo. Nawo vakafiwara vakamanya dede sheeli nkwafo nuukie. Vakakusura sheeli ni iwe kushirumie.

Yohane 15:21

Kake ifi foose vamutaniaa kiimba kya irina lyakwa, fulya vateeshi ulya ashirumie.

Yohane 7:29

Niń mmwishi, amu nkwamwi nuukie, nae yye ashirumie.

Yohane 16:27

Amu Nde muni amukundie, fulya ini mundeshikunda niń na ishikusura, sheeli niń nuukie kwa Nde.

Barua ya Vaebrania 8:11

Nawo vakikuloshanaa nndu na uroe ndi ana nndu na mwanawo eenumbuaa: Manya Nndumi! Amu woose vashimanyaa kuuka munnya wawo kumande nnini wawo.

Barua ya Vakorinto ya kavili 4:4

Amu kari kawo iṛuva lya isanga li lyanraya makusaṛo a valya vatakusurie, amu vatamulikio̱ llanga ya nrumi ya unini lwa Kristo, nae avakie Iṛuva.

Yohane 10:15

sheeli Nde yakwa ashiishi niń, nań namanya Nde. Nań nareka muu wakwa kiimba kya mburu takwa.

Yohane 8:55

Nta ini mumwishi ndi. Kake niń mmwishi. Na kwakooya nanumbua ntamwishi, vvaa wa wongo sheeni. Kake niń mmwishi na kirero kyamwi nkiwore.

Luka 10:22

Kanumbua: Nanrambikio̱ findo foose vVaava wakwa. Ana eefo eeshi Mwana kitaare nNde ndi, ana eefo eeshi Nde kitaare mMwana na ulya Mwana anrambuyaa ndi.

Urambuyo lwa Yohane 13:8

Na valya vakee kunu isangeń valifukiyaa nri valya woose vatakee vatisiṛe marina awo kuuka isanga lyeentanwaa kitabuń kya muu kya ngarina ilya indesikywa.

Barua ya Yohane ya mbele 1:9

Kake kwakooya tarambua mareko eru, ye wwa mma na nsumani atitie mareko na itisangya ukasha loose.

Barua ya Vatesalonike ya kavili 1:8

Na iva avaa sha kibalabala kya muro eetaa kimini kwa valya vateeshi Iṛuva na valya vataindiaa nrumi shisha ya Nndumi weru Yesu.

Barua ya Vakorinto ya mbele 15:34

Rundeń na uṛango sheeli kyawara ana manya mutatane fikasha. Fulya veefo kari kanu vateeshi Iṛuva. Nkee irera ifo mmumanyise sonu.

Barua ya Vakorinto ya mbele 1:21

Amu kwa uṛango lo lwayo isanga li lindemanya Iniva na uṛango lwamwi lwa kiiṛuvewu lukee lwa dede ndi. Kwa ikyo Iṛuva andekunda ikiṛa valya vankusurie na mboni ikee ilolio̱ ni isanga sheeli yya uṛiṅani.

Barua ya Varome 3:26

Nakyo kikava, amu aoruse usumani lwamwi kyeeri ki kya alli, ave muya usumani ye muni na itaalia na ulya woose akusuraa Yesu usumani.

Barua ya Varome 3:11

Eefo ndango ndi, eefo aṛuyaa Iṛuva ndi.

Barua ya Varome 1:28

Na sheeli vandelea iva na Iṛuva ifo imanyeń lyawo, Iṛuva andevatia valatie ngyuṛango tawo titamakii yeleka vatane kitaare kyeewwaraa vafitani.

Mitanie ya varumi 26:18

Kuvarue miso awo varie llema vashe langeń, vauke ushiliń lwa Satana vaaṛukie Iṛuva. Kuro vakooye itio̱ lya mareko awo na diṅu kari ka iwo vamiiliswa veeshikusuraa niń.

Mitanie ya varumi 17:23

Lia nduaṛua kunu kwanu niillaa andu anu a irasia nakooya kirasioń kitisiṛie-wo: Nkya Iṛuva liteeshiwa. Kyasia ito mumwindiaa mutamwishi yye uu nkee imukwanisia mboni tamwi.

Yohane 17:23

Niń vve andu emwi nawo, nawe kuve andu emwi nań, nawo vave vandu va imarisia iva kimwi. Na va isanga vautie-wo imanya sheeli ni iwe kushirumie niń, lingi kwavvakunda sheeli kundeshikunda niń.

Yohane 17:21

Nawo vave kimwi woose, sheeli iwe Nde kusaangi nań, nań nsaangi nawe, naamu vave kimwi neese na va isanga vautie-wo ikusura sheeli ni iwe kushirumie.

Yohane 17:18

Na sheeli kundeshiruma nafika kunu isangeń, nań nkuro da nndevaruma vafike masangeń.

Yohane 17:3

Na muu uu wa miṛere ni ikumanya iwe sheeli ni iwe kukee Iṛuva wa dede, na ito kunrumie yye Yesu Kristo.

Yohane 16:30

Alli tiishi sheeli kwishi foose ana nta nndu akuuṛaa. Kwa ikyo tikukusurie na imanya, sheeli kuukie kwa Iṛuva muni.

Yohane 16:3

Na ifi vamutaniaa, fulya vateeshi nta Nde ana nta niń.

Yohane 8:19

Kyasia vakamwia: A Vaava wafo akee kwi? Yesu kaaṛua: Mushiishi niń ndi ana nta Vaava wakwa mumwishi ndi. Kifo mushiishi niń mwimanyaa na Vaava wakwa.

Yohane 6:19

Ili vandeenda kyeenga kya saa na mmwasi kinnya, vakalolia Yesu eendaa eeiraa kwa ule ya nruva na iserikia ngalava. Nawo vakaeṛea.

Yohane 3:17

Fulya Iṛuva aruma Mwana wamwi isangeń, amu aumisie isanga ndi, kake naamu isanga likiṛwa yye.

Yohane 1:18

Eefo nta nndu allolia Iṛuva ndi. Mwana to wa Iṛuva ngitani ito akee ṅundeń ya Ndee yye andetoongoya kyoose.

Matayo 16:16

Simon Petiro kaaṛua kanumbua: Iwe ni iwe Kristo Mwana wa Iṛuva muni muu.

Matayo 11:27

Nanrambikyo findo foose nNde yakwa. Nta eefo nndu eeshi Mwana kitaare nNde ndi. Ana nta eefo nndu eeshi Nde kitaare mMwana na ulya Mwana afurie inrambuya ndi.

Urambuyo lwa Yohane 16:5

Nań naita malaika ulya wa mira eereraa: Iwe kukee nsumani, kwifo, nawe kwiifoo, Nsongori, ili kwamuumisia kuri.