Yohane 17:24 - MMA SHIYYA

²⁴ Wui Nde, mfurie na akwaa ni iwo kundevashiniinga vave andu emwi nań io nkai, amu vamakii ilolia unini lwakwa ilo kushiniingie. Amu kwashikunda ilyo kitaare isanga lyeentanwaa.

Yohane 17:24 ပူးပေါင်းရင်းမြစ်များ

Yohane 17:5

Na alli, wui Nde, shiitikisań ifo kwafo kwishiiningaa unini lua niikee nalo kwafo lia kitaare isanga lyeentanwaa.

Yohane 12:26

Na ulya afurień ishiṛundia kyawara ashisoṛe na utomari. Na alya niń nkai wwo na iketi lyakwa likaa da. Na nndu kashiṛundia na utomari, Vaava wakwa amwitikisaa.

Yohane 14:3

Na alli nkee yenda nndemusongosia firembo da. Kake nuuyaa lingi nshemukurika kwakwa, mundekaa alya niń nkai.

Barua ya Vakorinto ya kavili 4:6

Amu Iṛuva uu anderera: Ive langa imulike yuka llemiń, yye andemulika mirima yeru, yukie-wo langa ya imanyisa unini lwa Iṛuva lukee kisanguń kya Kristo.

Barua ya Yohane ya mbele 3:2

Muṛe vakunde vakwa, alli tikee vana va Iṛuva, kake kilya kitiviaa numa kyallolika ndi. Kake kimwi tiishi: Ili Kristo alolikaa, tivakanaa nae, fulya tiloliaa mikae yamwi sheeli akee.

Barua ya Vakorinto ya kavili 3:18

Kake ise ti woose tilolie unini lwa Nndumi na kisangu kitaare nkisikie. Na kita ifi tiilashwaa tiivakaniswaa na fwana yamwi na yengeṛio̱ teengeṛio̱o̱ unini. Na ifi foose fuukie kwa Nndumi akee Mumuyo.

Matayo 25:21

Nndumi wamwi kamwia: Nkisha iketi isha kukee nsongovisi. Kwikee mulla wa findo faangu, kuvaa mulla wa fiingi. Aka ifureń lya Nndumi wafo!

Barua ya Vatesalonike ya mbele 4:17

Numa tikurikwaa ise tikee na muu fiseere isangeń maṛumbeń andu emwi nawo tikwanie na Nndumi ringewu. Na numa tikaa kwa Nndumi matika woose.

Luka 12:37

Ngoma maketi alya nndumi wawo akooyaa valele rembo ili auyaa. Nkue namuia: Akufingaa na ivawaria shoongeń na isha avaṛundie.

Urambuyo lwa Yohane 3:21

Ulya avingaa ninkaarisaa rembo andu emwi nań kifumbiń kyakwa kya unini, sheeli nań nndevinga nakaa rembo andu emwi na Nde yakwa kifumbiń kyamwi kya unini.

Barua ya Vakorinto ya mbele 13:12

Amu kyeeri kya alli tifilolie sha fwana ya kiloleń titamakii ifimanya kisha. Kake numa tifiloliaa kisangu kwa kisangu. Kyeeri ki kya alli imanya lyakwa llya kyeenga, kake numa mmanyaa foose sheeli nań nammanywa deń.

Matayo 26:29

Kake namuia: Kuuka alli nkinwaa neeni minuye ii ya mfinyo ndi kumande nkonu ulya nndenwaa neeni minuye miiya ifo umangiń lwa Vaava wakwa.

Matayo 25:34

Llyo mangi aiaa valya va uko lwamwi usha: Oṛeshoń ia kwakwa, ini mukee vandu va Nde yakwa awavikya mboṛa! Rwaań umangi luve dińu yanu mundefisyo kuuka ilyo isanga lindetanwa.

Barua ya Vafilipi 1:23

Nsisirio̱ mfindo fivili: Llangie nnu yenda nndekaa na Kristo, amu nkinuru nnu deń.

Barua ya Vakorinto ya kavili 5:8

Kake ngoo teru toore ifura tikalanga kya mmwasi ilakana na vvili na indekaa alya Nndumi akai.

Luka 23:43

Na Yesu kamwia: Nakuia kya dede: Nkonu wa nnu da kuvaa nań kulya Paradiso.

Yohane 1:14

Na Kirero kikaaṛuka vvili wa nndu kakaa kweru. Neese tikalolia unini lwamwi, nalo ni unini sha lwa Mwana wa ngitani aukie kwa Ndee, eeshule uwoo na udede.

Urambuyo lwa Yohane 21:22

Kake numba ya iterevia nalolia-fo ndi. Amu Nndumi Iṛuva muni finya toose akee numba yawo ya iterevia na ngarina ilya.

Matayo 25:23

Nndumi wamwi kamwia: Nkisha iketi isha kukee nsongovisi. Kwikee mulla wa findo faangu, kuvaa mulla wa fiingi. Aka ifureń lya Nndumi wafo!

Yohane 6:37

Woose Nde anshiniinga wwo vashaa kwakwa. Na ulya ashaa na kwakwa mmuumbutaa na wooṛo ndi.

Yohane 6:39

Na kilya kikundio̱ ni ito ashirumie nkyo iki: Nkindo kyoose ankishiniinga, kaaṛa ntarete-wo nta kimwi. Kake nkiṛute nkonu wa ifurumia.

Yohane 8:58

Yesu kavaia: Nkue nkue namuia: Ilyo kitaare Abraamu awa-fo, niń niifoo.

Yohane 15:9

Sheeli Nde andeshikunda niń, nkuro nań nammukunda ini. Kaań na ikunda lyakwa!

Yohane 17:2

Ni iwe kunniingie finya ya ishilia vandu woose, amu woose kwammuniingia avaniinge muu wa miṛere.

Yohane 17:22

Na unini lua kundeshiniinga iwe navvaniinga nawo vave kimwi, sheeli neese tikee kimwi.

Barua ya Petiro ya mbele 1:21

Amu yye andemwaṛua muve vakusura Iṛuva uu andenduta kwa vafu na inniinga unini. Nkyo kiimba ikusura ifi lyanu lirie na iverea lya iverea Iṛuva.