Yohane 17:23 - MMA SHIYYA

²³ Niń vve andu emwi nawo, nawe kuve andu emwi nań, nawo vave vandu va imarisia iva kimwi. Na va isanga vautie-wo imanya sheeli ni iwe kushirumie niń, lingi kwavvakunda sheeli kundeshikunda niń.

Yohane 17:23 ပူးပေါင်းရင်းမြစ်များ

Yohane 17:21

Nawo vave kimwi woose, sheeli iwe Nde kusaangi nań, nań nsaangi nawe, naamu vave kimwi neese na va isanga vautie-wo ikusura sheeli ni iwe kushirumie.

Yohane 16:27

Amu Nde muni amukundie, fulya ini mundeshikunda niń na ishikusura, sheeli niń nuukie kwa Nde.

Barua ya Yohane ya mbele 3:1

Lleń ikunda lia Nde antikunda nalyo, neese tivaangwaa vana va Iṛuva, neese tikee vana vamwi. Nkyo kiimba isanga litiishi ise ndi, fulya liteeshi Iṛuva.

Yohane 13:35

Kindo vandu woose vamumanyaa nakyo mwawa vanalosho vakwa ni ikundana, kwakooya mwakundana ini mu veni na mu veni.

Barua ya Yohane ya mbele 1:3

Kyasia kilya tindekilolia na ikiita nkyo tikee imwongoya neeni, amu neeni mulungane neese. Na ilungana lyeru likee andu emwi na Nde na Mwana wamwi Yesu Kristo.

Barua ya Petiro ya mbele 5:10

Na Iṛuva muni wa uwoo loose andemuvaangia unini lwamwi lwa miṛeṛe, fulya mukee va Kristo, yye amusumanisaa na imwirisha na imuniinga finya kyeeri kilya kiti mukee ukiveń.

Barua ya Vakolosai 3:14

Na kilanya kya ifi veń na witanu lukee innde ifi foose na ifisumanisa!

Yohane 17:26

Nań nawarambuya irina lyafo, na lingi nee-ngeṛiaa ivarambuya. Na ikunda lyo kundeshikunda nalyo likaa ifo mirimiń yawo, nań nkaa nsaangi nawo.

Yohane 17:24

Wui Nde, mfurie na akwaa ni iwo kundevashiniinga vave andu emwi nań io nkai, amu vamakii ilolia unini lwakwa ilo kushiniingie. Amu kwashikunda ilyo kitaare isanga lyeentanwaa.

Barua ya Vakorinto ya mbele 1:30

Kwamwi ye mfo mundeuka ini mukee va Kristo Yesu. Uu yye antitanio̱ ni Iṛuva ave mutiṛangusa na mutisumanisa na mutisongovisa na mutikiṛa.

Yohane 14:23

Yesu kaaṛua kamwia: Nndu kashikunda awaraa kirero kyakwa, na Nde yakwa ankundaa, neese tishaa kwamwi na isongosia kirembo kwamwi.

Yohane 14:10

Niikai kutakusurie sheeli niń nsaangi na Nde na Nde nae kasaanga nań? Firero fi nkee imuia nkee ifirera kwa makusaṛo akwa meni ndi.

Barua ya Vafilipi 3:15

Kyasia ise tammaa yawutia tikumbue ifo na mirima yeru yoose. Na akwaa kiifo kingi mukee ikusaṛasaṛa, ikyo nakyo Iṛuva amurambuyaa.

Barua ya Vagalatia 3:28

Amu kwamwi ye akiifo nndu Muyuda ana nndu Ngiriki ndi ana iketi ana muyakyeń ndi ana nndumi ana nka ndi. Fulya ini mu woose mukee kimwi kiimba kya ili mukee va Kristo Yesu.

Barua ya Vakorinto ya kavili 5:21

Amaaṛua uu ateeishii ireko kava nrekwa kiimba kyeru, amu ise tive veni usumani lwa Iṛuva tikuwore nae.

Yohane 6:56

Na ulya alyaa vvili wakwa na inwa usao lwakwa akaa akuvavie nań, nań nkaa nkuvavie nae.

Yohane 3:17

Fulya Iṛuva aruma Mwana wamwi isangeń, amu aumisie isanga ndi, kake naamu isanga likiṛwa yye.

Barua ya Yohane ya mbele 4:19

Ise toore ikunda, fulya ye abooka itikunda.

Barua ya Vakolosai 1:28

Nae yye ise tinkwanisaa tiikimbaa nndu woose na ilosha nndu woose uṛango lukee lwa dede, amu taaṛue nndu woose asumanike kwa Kristo.

Yohane 10:38

Kake kwakooya nava mwaṛunda, na kikava kitaare mwashikusura niń shi muni, kusuraniń na mashoṛa wo akwa muutie-wo imanya deń sheeli Nde asaangi nań, nań nsaangi na Nde.

Yohane 15:9

Sheeli Nde andeshikunda niń, nkuro nań nammukunda ini. Kaań na ikunda lyakwa!

Yohane 17:3

Na muu uu wa miṛere ni ikumanya iwe sheeli ni iwe kukee Iṛuva wa dede, na ito kunrumie yye Yesu Kristo.

Yohane 17:8

Amu firero filya kundeshiniinga navvaniinga nawo. Nawo vakafiwara vakamanya dede sheeli nkwafo nuukie. Vakakusura sheeli ni iwe kushirumie.

Yohane 17:11

Nań nkikee lingi isangeń ndi. Nawo vakaa isangeń. Nań nkee isha na kwafo. Wui Nde Nsongori, varinge vakaa na irina lyafo ili kushiniingie niń, nawo vave kimwi neese.

Urambuyo lwa Yohane 3:9

Manya kilya ntanaa: Iwo vakee va siṛi ya Satana iva vanumbuaa sheeli vVayuda, nawo vatakee Vayuda, kake vareraa wongo, waaṛuaa vashe vakuwoye marendeń afo na imanya sheeli nkukundie.