Yohane 17:18 - MMA SHIYYA

¹⁸ Na sheeli kundeshiruma nafika kunu isangeń, nań nkuro da nndevaruma vafike masangeń.

Yohane 17:18 ပူးပေါင်းရင်းမြစ်များ

Yohane 20:21

Yesu kavaia lingi: Kaań na unambwe! Sheeli Nde andeshiruma niń, nkuro nań nkee imuruma.

Barua ya Vakorinto ya kavili 5:20

Kyasia ise tikee varumi va ivaangia vandu Kristo, nkimwi sheeli Iṛuva ye muni akee ivaikimba kwa kana keru tiireraa: Tamutereva ini na Kristo: Mwitaniswa na Iṛuva!

Yohane 17:3

Na muu uu wa miṛere ni ikumanya iwe sheeli ni iwe kukee Iṛuva wa dede, na ito kunrumie yye Yesu Kristo.

Yohane 4:38

Niń mmurumie mundeilula kindo mutakikwataria. Vvengi vakwatarie, neeni mwawwaria ngatara tawo.

Matayo 10:5

Iva ikumi na vavili Yesu ka varuma eevavavasaa eevaiaa: Manya mutaire shia ta veeni ndi ana nta ta miṛiń ya Vasamaria manya mutaire-fo ndi.

Barua ya Vaefeso 3:7

Nrumi yo yyo nndeaṛuywa ndundi wayo kwa kiṛengo kya wavi lwa ililia lya Iṛuva nndeniingwa kwa finya ya imakii lyamwi.

Yohane 17:23

Niń vve andu emwi nawo, nawe kuve andu emwi nań, nawo vave vandu va imarisia iva kimwi. Na va isanga vautie-wo imanya sheeli ni iwe kushirumie niń, lingi kwavvakunda sheeli kundeshikunda niń.

Yohane 17:21

Nawo vave kimwi woose, sheeli iwe Nde kusaangi nań, nań nsaangi nawe, naamu vave kimwi neese na va isanga vautie-wo ikusura sheeli ni iwe kushirumie.

Yohane 17:8

Amu firero filya kundeshiniinga navvaniinga nawo. Nawo vakafiwara vakamanya dede sheeli nkwafo nuukie. Vakakusura sheeli ni iwe kushirumie.

Matayo 23:34

Kiimba kya iki lleń mmurumyaa vaauya fisuku na vandu veeshi sewu na vaaṛia va mitisiṛie. Neeni iwo kiindi muvawaa na ivakabya nsalabeń na kiindi muvakabaa na ngova ifo numbeń tanu ta iterevya na ivaumbuta ifo miṛiń na miṛiń.

Yohane 17:25

Wui Nde nsumani, isanga likwishi ndi, kake niń nndekumanya. Nawo vakamanya sheeli ni iwe kushirumie.

Yohane 3:17

Fulya Iṛuva aruma Mwana wamwi isangeń, amu aumisie isanga ndi, kake naamu isanga likiṛwa yye.