Yohane 17:11 - MMA SHIYYA

¹¹ Nań nkikee lingi isangeń ndi. Nawo vakaa isangeń. Nań nkee isha na kwafo. Wui Nde Nsongori, varinge vakaa na irina lyafo ili kushiniingie niń, nawo vave kimwi neese.

Yohane 17:11 ပူးပေါင်းရင်းမြစ်များ

Matayo 6:9

Kyasia ini tereveń kuri: Nde yeru kukee ifo iṛuvewu! Irina lyafo liindyo. Umangi lwafo lushe.

Barua ya Vaebrania 9:24

Amu Kristo andeaka andu asongori andetanwa na maako ndi, wwo fwana ya andu asongori a dede. Kake andeaka iṛuvewu kweni alolike alli kisanguń kya Iṛuva eetisalaliaa-wo ise.

Barua ya Vaefeso 4:4

Vvili ni umwi na Mumuyo ni umwi na iverea lya ivaangwa lyanu mwavaangwa nalyo llimwi.

Barua ya Vafilipi 2:9

Kiimba kya iki Iṛuva aṅṅinisa nnu kanniinga unini lukilie ngyunini toose.

Yohane 17:25

Wui Nde nsumani, isanga likwishi ndi, kake niń nndekumanya. Nawo vakamanya sheeli ni iwe kushirumie.

Yohane 13:1

Kyasia ili kitaare kisuku kya Pasaka kyeemfikaa, Yesu eemmanyaa sheeli kyeeri kyamwi kyamfika akwimboo kunu isangeń aende kwa Nde. Nae sheeli andekunda iva vamwi kunu isangeń, nkuro andevakunda kumande ifurumia.

Barua ya Vaebrania 1:3

Nae mmuni langa ya unini lwa Iṛuva, amu sheeli Iṛuva akai mfo kuro nae akai. Lingi yye awarie foose kwa finya ya kirero kyamwi. Ammaa isangya vandu mareko na usao lwamwi kakaa rembo uko usha lwa muya unini iṛuvewu ule.

Yohane 16:33

Ifi namuia amu mukooye unambwe mukulungie nań. Kunu isangeń mukooyaa ngatara. Kake kuwareń tabu! Niń nawinga isanga li.

Yohane 14:20

Na nkonu to muni mumanyaa sheeli Tikulungie na Nde, neeni mukulungie nań, nań nkulungie neeni.

Barua ya Yuda 1:1

Niń Yuda nkee iketi lya Yesu Kristo na mwanamae wa Yakobo. Neesana vavaange valya vakee vakunde ni Iṛuva Nde na iringio Yesu Kristo.

Barua ya Yohane ya mbele 5:19

Tiishi sheeli ise timilie kwa Iṛuva, na isanga lyoose likee kwa si ya Nkasha ulya.

Barua ya Yakobo 4:4

Ini vaaisi, mwishi se sheeli iwara ndoo na isanga ni iva kituva kya Iṛuva? Kyasia ulya akundaa iva ndoo ya isanga akwaṛua kava kituva kya Iṛuva.

Mitanie ya varumi 3:21

Nae kyawara awario̱ iṛuvewu kumande kishaa kyeeri findo foose fiwiiṛio̱o̱ wiya. Amu Iṛuva eenreraa kuuka mbele kwa kana ka vaauya fisuku vamwi.

Yohane 13:3

Nae Yesu muni eemmanyaa sheeli Nde ammurambikia findo foose maakoń amwi na sheeli andeuka kwa Iṛuva, nae auyaa kwa Iṛuva.

Urambuyo lwa Yohane 4:8

Na makindo alya aani ikindo lyoose liiworee maaro arindaru, na taari toose karikari na wooṛo aranieranie miso. Nawo arera liteefo iimuya kio na nsanyiń eenumbuaa: Nsongori, nsongori, nsongori ni Nndumi Iṛuva muni finya toose. Ye eeifoo, nae eefo, nae ashaa.

Barua ya Petiro ya mbele 1:5

Lingi mukankaa na ikusura muringwaa mfinya ya Iṛuva mukooye ikiṛwa lyo lyandeeṛio̱ lya ilolika na baa nkonu ulya wa ifurumia.

Barua ya Vagalatia 3:28

Amu kwamwi ye akiifo nndu Muyuda ana nndu Ngiriki ndi ana iketi ana muyakyeń ndi ana nndumi ana nka ndi. Fulya ini mu woose mukee kimwi kiimba kya ili mukee va Kristo Yesu.

Barua ya Vakorinto ya mbele 1:10

Kyasia vanavama namutereva na irina lya Nndumi weru Yesu Kristo: Murere kimwi mu woose, manya kwanu utave-fo mwavanu, kake muve na ikusaṛo limwi na ifukya limwi.

Barua ya Varome 12:5

mfo kuro neese tikee veengi, kake tikee vvili umwi, fulya tikee va Kristo. Neese ti woose tikee meeṛo emwi oo nndu na ungi.

Barua ya Varome 9:17

Amu mitisiṛie yarera kiimba kya Farao: ”Kikangio nakusalalisa-wo, naamu nooruse finya takwa kwafo, irina lyakwa likwaniswa urukeń koose“.

Yohane 16:28

Nndesha nuuka kwa Nde nasha kunu isangeń. Na alli nkee yuka lingi kunu isangeń nuuye kwa Nde.

Yohane 7:33

Yesu kanumbua: Mmikonu myaangu nkikaa neeni, numa neende kwa ito andeshiruma.

Matayo 10:16

Lleń niń namuruma sha mburu tikee kari ka mafisi. Kyasia ṛangueń sha sui, muwolye sha mbelele titawore mitambwe.

Matayo 5:48

Kyasia ini veń vandu vasongovye, sheeli Nde yanu wa iṛuvewu asongovye.

Urambuyo lwa Yohane 19:12

Miso amwi akee sha kibalabala kya muro, na ifo nrweń wamwi awore ngyuṛeto shiingi ta kimangi. Nae awore irina likee itisiṛe ateefo nndu aliishi kita ye muni.

Urambuyo lwa Yohane 15:4

Ni i atakweṛeaa, ee Nndumi, ana ni i ataitikisaa irina lyafo? Amu iwe ku muni kukee Nsongori. Amu va masanga woose vashaa na ikuwoya iwe kisanguń kyafo. Fulya usumani lwafo lwammaa irambuka“.

Barua ya Yuda 1:24

Kake ito awore imakii lya imuringa mutakubaaye na imusumanisa musalale mbele ya unini lwamwi na inkabia mindoṛo ateefo malomi:

Barua ya Yohane ya mbele 3:12

kaaṛa titave sha Kain ulya awarwa nSatana kawaa mwanawo. Nae awwaa kwa kiimba ki? Mfulya mitanie yamwi iikee mikasha, kake ya mwanawo iikee ya usumani.

Yohane 17:6

Irina lyafo nallirambuya vandu va kundevashiniinga kuvauta kunu isangeń. Veekee vafo nawe kwavashiniinga. Na kirero kyafo vankiwara.

Yohane 17:23

Niń vve andu emwi nawo, nawe kuve andu emwi nań, nawo vave vandu va imarisia iva kimwi. Na va isanga vautie-wo imanya sheeli ni iwe kushirumie niń, lingi kwavvakunda sheeli kundeshikunda niń.