Yohane 16:13 - MMA SHIYYA

¹³ Kake ili ulya ashaa ito akee Mumuyo annde mboni ta dede yye ashemoorusaa mukooye findo foose fikee fa dede. Nae nta ashefireraa afuuta na kwamwi muni ndi. Mboni tilya amiita nto ashereraa toose na findo fikaa fishe mfo ashemoongoyaa.

Yohane 16:13 ပူးပေါင်းရင်းမြစ်များ

Yohane 14:26

Kake ito Mwelekia, akee Mumuyo Nsongori, Nde anrumaa na irina lyakwa ye amuloshaa kyoose na imukumburusa kyoose nndemuia.

Yohane 14:17

Nto Mumuyo ulya arie mboni ta dede, ulya isanga litamakii iwwaria, fulya litallolie ana litamwishi. Ini mwammanya, fulya akaa kwanu, nae eefo mirimiń yanu.

Yohane 15:26

Kake ili muwolisa mirima ashaa ulya ninrumaa auka kwa Nde akee Mumuyo wa dede aukaa kwa Nde, yye ashirambuaa.

Barua ya Yohane ya mbele 2:27

Neeni yaambwa li mwawaria lyukie kwamwi llyo likaa neeni matika woose. Neeni muuṛi mifundie ingi ndi. Myaambie yamwi ikee imulosha foose, nayo ikee ya dede, wwongo ndi. Kyasia kaań nae, sheeli mundeloshwa.

Barua ya Yohane ya mbele 2:20

Neeni mwamaambwa mafura ni ulya akee nsongori mukamanya foose.

Yohane 12:49

Amu nkindo nuutie kwakwa shi muni nndekirera ndi. Nde yakwa ito ashirumie yye ashiniingia ivavaso lya kindo nnumbuaa na kindo nreraa.

Barua ya Yohane ya mbele 4:6

Ise timilie kwa Iṛuva. Na ulya ammanya Iṛuva akee itiita ise. Kake ulya atamilie kwa Iṛuva atiitaa ise ndi. Ikyo nkyo kyatiniinga imanya Mumuyo wa udede na mumuyo wa ulembi.

Yohane 14:6

Yesu kamwia: Nniń shia yo na dede nniń na muu nniń. Eefo nndu afikaa kwa Nde kitaare ashiwore niń ndi.

Urambuyo lwa Yohane 1:19

Kyasia tisiṛań mboni to kwalolia na ifo fiifo na filya fivaa numa.

Yohane 8:38

Filya nndefilolia kwa Nde mfo nkee ifirera. Kyasia neeni taniń filya mwamiita kwa nde yanu.

Barua ya Vatesalonike ya kavili 2:3

Manya mutalembwa ni nndu na kava i na mikae yoose. Amu kyawara lishe mbele yuka siṛiń lia inini, na nndu ulya muni urekwa alolike, yye mwana wa ureti.

Urambuyo lwa Yohane 1:1

Urambuyo ilu lumilie kwa Iṛuva. Ye andekuningia Yesu Kristo aoruse maketi amwi nalo filya fitanikaa kyeeri kikee kufui. Kalumanyisa iketi lyamwi Yohane eenrumiaa malaika wamwi.

Barua ya Vatesalonike ya kavili 2:12

amu vaumisio̱ woose, fulya vatandekusura fa udede, kake vandesenywa mfilya fikee fa ureti.

Mitanie ya varumi 27:24

Kashiia: Manya kuteeṛee Paulo! Kyankuwara kusalale mbele ya Kaisari. Lingi lla te Iṛuva ankuniinga vandu woose variani nawe.

Mitanie ya varumi 20:23

kita Mumuyo Nsongori akee ishirambuya muṛi kwa muṛi eenumbuaa: Fifingio na ngyukiva fishiveree.

Yohane 3:32

Filya andelolia na iita mfo akee irambua ateefo nndu akee iwaria irambua lyamwi.

Mitanie ya varumi 11:28

Kakwimboo umwi wawo irina lyamwi ni Agabo kaorusa eeitikwaa mMumuyo Nsongori sheeli ishaa soto nini isangeń koose. Nayo ikasha kyeeri kya Kaisari Kilaudio.

Yohane 16:12

Fiifo na firero fingi fiingi niiworee fa imuia, kake alli fiimuviaa mwaanda utafitikaa.

Barua ya Vaebrania 1:1

Ilyo mbele Iṛuva anderera na vakuuku veru na kana ka vaauya fisuku kwa mikae miingi na kwa shia shiingi.

Barua ya Yohane ya mbele 5:6

Yesu Kristo yye uu andesha eetivaangiaa mura (wa itisangya) na kwa ikyo kaniingia usao (lwamwi). Andesha ativaangie mura (wa itiaṛutia Iṛuva) da ndi, kake na akwaa ni usao lwamwi kaluniingia kwa ikyo. Na Mumuyo Nsongori nto akee inrambua, amu Mumuyo akee udede.