Yohane 15:8 - MMA SHIYYA

⁸ Kuro llyo Nde yakwa eetikiswaa mukawika nunda shiingi na iva mukava vanalosho vakwa.

Yohane 15:8 ပူးပေါင်းရင်းမြစ်များ

Yohane 8:31

Kyasia Yesu kaia Vayuda valya veekusuriee: Mukakuwara na firero fakwa llyo muvaa vanalosho vakwa va dede.

Matayo 5:16

Mfo kuro neeni veń vandu vamulikyaa vengi, amu valolie mitanye yanu misha, vautye-wo ińinisa Nde yanu wa iṛuvewu.

Barua ya Vafilipi 1:11

na iishuṛwa usha lua lukee yuka kwa Yesu Kristo na iṅinisa nalo Iṛuva.

Yohane 15:5

Niń nkee kiri kya mfinyo, neeni mukee maṛamba. Ulya akaa akulungie nań, nań nkaa nkulungie nae, ito avikaa nunda shiingi. Amu kwakooya mukurauaa nań nta kindo mumakii itana.

Barua ya Petiro ya mbele 4:11

Nndu karera arere kilya kisumani na Iṛuva. Nndu kaṛunda aṛunde sha nndu aniingio̱ mfinya ya Iṛuva, amu Iṛuva eetikiswa na ifi foose kari ka Kristo Yesu. Unini llwamwi na imakii miṛeṛe na miṛeṛe! Amen.

Yohane 13:35

Kindo vandu woose vamumanyaa nakyo mwawa vanalosho vakwa ni ikundana, kwakooya mwakundana ini mu veni na mu veni.

Barua ya Vakorinto ya mbele 10:31

Kyasia ili mwilyaa ana mwinwaa ana mwitanaa kindo kyoose, taniń foose five fa iṅinisa Iṛuva.

Barua ya Vakorinto ya mbele 6:20

Amu mwauṛwa na uuru uumu. Kyasia alli itikiseń Iṛuva ifo miviliń yanu, amu yya Iṛuva.

Luka 6:35

Kake veń vandu va ikunda fituva fanu, veń vandu va itania vandu fisha na ivaakuya mutaveree iwiiṛio̱ kindo. Llyo na maṛe anu avaa meengi, neeni muvaa vana va ito akee ule ya foose. Amu ye ni wwoo aaviaa na akwaa walya vatamwaana na iwo vakasha.

Barua ya Petiro ya mbele 2:12

Mukaa na mitanie minuru kwa vandu vateeshi Iṛuva, amu ili vamureraa kikasha vakalolia mitanie yanu minuru, vautiewo iṅinisa Iṛuva kyeeri vashewaa yye.

Barua ya Tito 2:10

Manya vatave vaiva, kake vaoruse usongovisi usha loose, amu vaambike ufundo lwa Iṛuva nkiṛa weru findoń foose.

Barua ya Tito 2:5

na iva na sonu shisha. Vave vanuru na iṛunda mashoṛa a isumanisa numba tawo na iindia womi vawo veni, amu kirero kya Iṛuva kitarumwa.

Matayo 5:44

Kake niń namuia: Kundeń fituva fanu, niingeń valya vakee imuumbuta mboṛa.

Matayo 9:8

Ili vandu vandelolya kive kuro, vakariika koṛoń vakaitikisa Iniva, ili anniinga vandu finya ya mikae ii.