Yohane 15:5 - MMA SHIYYA

⁵ Niń nkee kiri kya mfinyo, neeni mukee maṛamba. Ulya akaa akulungie nań, nań nkaa nkulungie nae, ito avikaa nunda shiingi. Amu kwakooya mukurauaa nań nta kindo mumakii itana.

Yohane 15:5 ပူးပေါင်းရင်းမြစ်များ

Barua ya Vafilipi 4:13

Nkee imakii findo foose nkee na ito ashiniingie finya, yye Kristo.

Barua ya Vakolosai 1:10

na yenda mwende weendo lusumani neeni mukee va Nndumi, amu asenywa deń ni ini, mwivikaa nunda ta mashoṛa woose manuru sha nri uvikaa nunda na yengeṛio̱ uṛango lwa imanya Iṛuva.

Yohane 15:16

Nta ni ini mundeshisaua ndi. Nniń nndemusaua na imuvavasa mwende mundevika nunda. Na nunda to tanu muvikaa tikaa matika woose. Na kyoose muterevaa Nde na irina lyakwa amuniingaa.

Barua ya Vagalatia 5:22

Kake findo Mumuyo avikie mfo ifi: ni ikunda na ifura na unambwe na isisiria na usha lwa nrima na usongovisi na ikusurana

Barua ya Vakorinto ya kavili 13:8

Amu ise timakii itana kindo kikee ivingana na udede ndi, kake mashoṛa eru ni ikabania udede.

Yohane 5:19

Kyasia Yesu kaaṛua kavaia: Nkue nkue namuia: Mwana amakii itana kindo ye muni kitaare nkilya alolia Nde eetanaa ndi. Amu kilya kyoose akee itana ye nkyo na Mwana akitanaa da.

Barua ya Yakobo 1:17

Kindo kyoose kikee kinuru na kindo kyoose kikee kisongori tubu nkyo kyukaa ule kwa Nde wa langa atawore miilashie ya langa na ya llema.

Barua ya Petiro ya kavili 3:18

Kake engeṛień ińina mwiavioo uwoo, lingi mwimanyaa Nndumi weru na Nkiṛa weru Yesu Kristo. Unini llwamwi alli na kumande nkonu wa miṛeṛe!

Yohane 12:24

Nkue namuia kya dede: Kwakooya kitaare mbeke ya umbi yeeṛwa si uteriń na ibwaa ibwaa, ikaa yo sheni da ikee imwi nsi. Kake ikambwaa ireekaa na innde mbeke shiingi.

Barua ya Varome 7:4

Nkuro kikai: Vanavama, ini mwamfiya mavavaso kwa shia ya ufu lwa vvili wa Kristo, amu muve masaa a ungi ito andeṛutwa kwa vafu, amu tivikie Iṛuva nunda.

Barua ya Vafilipi 1:11

na iishuṛwa usha lua lukee yuka kwa Yesu Kristo na iṅinisa nalo Iṛuva.

Yohane 9:33

Kifo kitaare uu auka kwa Iṛuva, eemakii itana nta kindo ndi.

Barua ya Vafilipi 4:17

Nta niikai llangie ifo five findo fa ishieleka ndi, kake nkee iṛuya nunda timilie ikundeń, nato mutaalio̱o̱ ni Iṛuva.

Barua ya Varome 6:22

Kake alli mwantaulwa ifo usingeń lwa mareko mukava masinga a Iṛuva na mbusha yanu muwore ni iiliswa na numa muu wa miṛeṛe.

Mitanie ya varumi 4:12

Nta eefo ungi ave i annde ikiṛwa ndi. Fulya liteefo irina lingi kwa si ya iṛuvewu likee iniinge vandu lyantiwara ise ikiṛwa llyo.

Barua ya Vakorinto ya mbele 12:12

Amu sheeli vvili wa nndu ukee umwi, nato uwore meeṛo mengi na meeṛo woose a vvili to nawo mmeengi, kake vvili ni umwi, mfo kuro na Kristo akai.

Barua ya Petiro ya mbele 2:4

Yye mwammushea akee iwe liwore muu, lindekumbwa wandu mbaai, kake Iṛuva alisaua live na tikisi.

Barua ya Vakorinto ya mbele 12:27

Kyasia ini mukee vvili wa Kristo na nndu woose wanu kava yeeṛo lya vvili uu lisumani na mashoṛa ayo.

Barua ya Vaefeso 5:9

Kilya Mumuyo wa Iṛuva avikaa ni usha na usumani na findo fa dede.

Barua ya Vakorinto ya kavili 9:10

Kake uu akee iniinga muveekia mbeu anniingaa na nkate wa ilya, yye amuniingaa neeni mbeu na iifumbuta, nae eengeṛiaa iilula lya usumani lwanu.

Barua ya Vakolosai 1:6

Na sheeli ikee ikwana isangeń lyoose na ivika nunda na ifumbuka, mfo kuro ifumbukie na kwanu da kuuka ilyo mundeiita mukamanya uwoo lwa Iṛuva sheeli llwa dede.

Barua ya Varome 12:5

mfo kuro neese tikee veengi, kake tikee vvili umwi, fulya tikee va Kristo. Neese ti woose tikee meeṛo emwi oo nndu na ungi.

Barua ya Vakorinto ya mbele 10:16

Umbata lua lwa mboṛa tiluniingaa mboṛa ni itaṅaṛia se usao lwa Kristo? Nkate ulya tikee yufukyafukya ni itaṅaṛia se vvili wa Kristo?

Matayo 13:21

Kake awore mirarii kari kamwi ndi. Akaa kwa kyeeri kyaangu. Ili ishaa ngatara ana yumbutwa kiimba kya kirero kyo, lia eni kalemwa.