12 Ivavaso lyakwa llyo ili: Kundaniń mu veni na mu veni, sheeli nndemukunda ini.
Na ivavaso li tanniingwa yye: Nndu akundie Iṛuva dede akunde na mwanamae wamwi.
Ni ivavaso iiya nkee imuniingia, Ilyo ili: Kundaniń sheeli nndemukunda ini, neeni kundaniń kuro.
Na kita foose kutomariseń ikundana, fulya ikunda lisikiaa fikasha fiingi.
Na ivavaso lyamwi llyo ili: Tikusurane na irina lya Mwana wamwi Yesu Kristo na ikundana ise ti veni na ti veni, sheeli ye antivavasa.
Mukundani na ngoo sha vana va nka, lingi mwelekiani na ikwiria sonu ini mu veni na mu veni!
Muware ikundana, sheeli na Kristo andetikunda kakuniingia kiimba kyeru ave nsimbika wa kirasio kya kwa Iṛuva kiwore nningo uwore kisaamu kinuru.
Kyasia kirero kya ifurumia ni iki: Ini mu woose muve va mikae imwi na va ndewu shooṛoo na vawore witanu na va mililie na va utele.
Mukammaa iilisa mirima yanu na iirikia filya fikee fa dede kumande mwafikia ikundana na vanavamae fitawore ukavili, kyasia engeṛień ikundana na nrima mu veni na mu veni.
Kya witanu lukee kari ka vanavamae mmutisiṛiaa ndi. Fulya Iṛuva muni ammulosha sheeli mwitanaa mu veni na mu veni.
Na Nndumi amwengeṛie ikundana ini mu veni na mu veni na ikunda vandu woose, sheeli neese timukundie.
Vanavama, kyatiwara yaana Iṛuva kyeeri kyoose kiimba kyanu. Kisumani kuro, fulya ikusura lyanu likee iṅina nnu na ikunda lia mukundani nalyo lyankwengeṛia kwa nndu woose wanu.
Llyo ili ivavaso lyakwa: Kundaniń mu veni na mu veni!
Na alli, yeyo, nakutereva, amu tikundane. Nta niikai nakutisiṛia ivavaso iiya ndi, kake llia yeni tikee nalyo kuuka mbooko.